Книга пророка Осии, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Мф. 2:15	Заутра от­вергошася, от­вержеся царь Израилевъ, понеже младенецъ Израиль, и азъ воз­любихъ его и изъ Египта воз­звахъ сына мо­его.
11:2	Якоже при­­звахъ я, такожде от­хождаху от­ лица мо­его: тіи Ваалиму требу жряху и изваянымъ кадяху.
11:3 См.: 🔗Исх. 13:21 🔗Втор. 1:30 🔗Втор. 32:11	Азъ же связахъ Ефрема, взяхъ его на мышцу мою, и не разумѣша, яко изцѣлихъ я.
11:4	Во истлѣнiи человѣчестѣ при­­влекохъ я узами любленiя мо­его, и буду имъ яко ударяяй человѣкъ по челюстемъ его: и воз­зрю къ нему и премогу ему.
11:5	Вселися Ефремъ во Египтѣ, Ассуръ же самъ царь его, яко не восхотѣ воз­вратитися.
11:6	И изнеможе оружiе во градѣхъ его, и умолче въ руку его: и снѣдятъ от­ умышленiй сво­ихъ.
11:7	И людiе его висяще от­ обитанiя сво­его: и Богъ на честная его разгнѣвает­ся, и не воз­несетъ его.
11:8 См.: 🔗Быт. 19:24	Что тя устрою, Ефреме? защищу ли тя, Израилю? что тя положу? Якоже Адаму устрою тя, и якоже Севоимъ, превратися сердце мое въ немъ, смятеся раскаянiе мое.
11:9 См.: 🔗Иер. 31:20 🔗Лк. 19:41 🔗Плч. 3:31	Не сотворю по гнѣву ярости мо­ея, не оставлю еже потребитися Ефремови, зане Богъ азъ есмь, а не человѣкъ: въ тебѣ святъ, и не вниду во градъ.
11:10 См.: 🔗Иер. 25:30	Вслѣдъ Господа имамъ ходити: яко левъ воз­реветъ, понеже той воз­реветъ, и ужаснут­ся чада водъ,
11:11 См.: 🔗Ис. 60:8	и прiидутъ яко птица изъ Египта и яко голубь от­ земли Ассирски: и воз­ставлю я въ домѣхъ ихъ, глаголетъ Господь.
11:12 См.: 🔗Ос. 8:11	Обыде мя лжею Ефремъ, и нечестiями домъ Израилевъ и Иуда: нынѣ позна я Богъ, и людiе святи прозвашася богови.