Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 | Ефремъ же золъ духъ, гоняше зной весь день: тщетная и суетная умножи, и завѣтъ со Ассиріаны завѣща, и елей во Египетъ посылаше. |
12:2 См.: 🔗Ос. 4:9 | И судъ Господеви ко Иудѣ, еже отмстити Иакова: по путемъ его и по начинаниемъ его воздастъ ему. |
12:3 См.: 🔗Быт. 25:26 🔗Быт. 32:24 | Во утробѣ запя брата своего и труды своими укрѣпѣ къ Богу: |
12:4 | и укрѣпѣ со ангеломъ и превозможе. Плакашася и молишася ми: въ дому оновѣ обрѣтоша мя, и ту глаголася къ нимъ. |
12:5 См.: 🔗Исх. 3:15 | Господь же Богъ Вседержитель будетъ память его. |
12:6 | И ты о Бозѣ своемъ обратишися, милость и судъ снабди, и приближайся къ Богу своему присно. |
12:7 | Ханаанъ, въ руцѣ его мѣрило неправды, насильствовати возлюби. |
12:8 См.: 🔗Отк. 3:17 | И рече Ефремъ: обаче обогатѣхъ, обрѣтохъ прохлажденiе себѣ: вси труды его не обрящутся ему ради неправдъ, имиже согрѣши. |
12:9 См.: 🔗Ис. 43:11 🔗Ос. 13:4 | Азъ же Господь Богъ твой, изведохъ тя изъ земли Египетски: еще вселю тя въ кущахъ, якоже во дни праздника. |
12:10 См.: 🔗Евр. 1:1 | И глаголахъ ко пророкомъ, и азъ видѣнiя умножихъ, и въ рукахъ пророческихъ уподобихся. |
12:11 См.: 🔗Ос. 9:15 | Аще не Галаадъ есть, убо ложни быша во Галгалѣхъ князи требы кладуще, и требища ихъ якоже желви на цѣлизнѣ польстѣй. |
12:12 См.: 🔗Быт. 28:5 🔗Быт. 29:20 | И отъиде Иаковъ на поле сирійско, и работа Израиль о женѣ и о женѣ снабдѣ. |
12:13 | И пророкомъ изведе Господь Израиля изъ земли Египетскiя, и пророкомъ снабдѣся. |
12:14 | Разгнѣва мя Ефремъ и возъяри мя: и кровь его на немъ пролiется, и укоризну его воздастъ ему Господь. |