Книга пророка Осии, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Ис. 19:25 🔗Ис. 54:8	Рцыте брату сво­ему: людiе мо­и: и сестрѣ сво­ей: помилован­ная.
2:2 См.: 🔗Иез. 16:15 🔗Иез. 23:5	Судитеся съ матерiю сво­ею, судитеся, яко та не жена моя, и азъ не мужъ ея: и от­вергу блуженiя ея от­ лица мо­его и любо­дѣй­ст­во ея от­ среды сосцу ея:
2:3 См.: 🔗Иез. 16:4 🔗Ос. 5:9 🔗Ам. 8:13	яко да совлеку ю нагу и поставлю ю якоже въ день рожденiя ея, и положу ю яко пустыню, и учиню ю яко землю безводну, и убiю оную жаждею:
2:4 См.: 🔗Ос. 5:7	и чадъ ея не помилую, яко чада блуженiя суть,
2:5 См.: 🔗Иез. 16:44 🔗Иер. 44:17	яко соблуди мати ихъ, посрамися родив­шая ихъ, рече бо: пойду вслѣдъ похотниковъ мо­ихъ, дающихъ мнѣ хлѣбы моя и воду мою, и ризы моя и плащаницы моя, и масло мое и вся, елика мнѣ достоятъ.
2:6 См.: 🔗Плч. 3:9	Сего ради, се, азъ загражду путь ея тернiемъ и воз­гражду распутiя ея, и стези сво­ея не обрящетъ:
2:7 См.: 🔗Втор. 31:17 🔗Ос. 14:3	и поженетъ похотники своя и не постигнетъ ихъ, и взыщетъ ихъ и не обрящетъ, и речетъ: пойду и воз­вращуся къ мужу мо­ему первому, яко добрѣе ми бѣ тогда, нежели нынѣ.
2:8 См.: 🔗Иез. 16:16 🔗Иез. 28:14 🔗Ос. 8:4	Но та не уразумѣ, яко азъ дахъ ей пшеницу и вино и масло, и сребро умножихъ ей: сiя же сребряны и златы сотвори Ваалу.
2:9 См.: 🔗Ос. 9:2	Сего ради обращуся и воз­му пшеницу мою во время ея и вино мое во время его, и от­иму ризы моя и плащаницы моя, да не покрываетъ студа сво­его:
2:10 См.: 🔗Иер. 13:22 🔗Иез. 16:37 🔗Ос. 5:14	и нынѣ от­крыю нечистоту ея предъ похотниками ея, и никтоже отъ­иметъ ея от­ руки мо­ея:
2:11 См.: 🔗Ис. 24:8 🔗Иер. 7:34 🔗Плч. 5:15	и от­вращу вся веселiя ея и праздники ея, и новомесячiя ея и субботы ея и вся праздне­ст­ва ея,
2:12 См.: 🔗Иоил. 1:12 🔗Ос. 5:9	и погублю виноградъ ея и смоквы ея, о нихже рече: мзды ми суть сiя, яже даша мнѣ похотницы мо­и: и положу я въ свидѣнiе, и поядятъ я звѣрiе селнiи и птицы небесныя и гади земніи:
2:13 См.: 🔗Иер. 2:32	и от­мщу на ней дни Ваалимовы, въ няже требы кладяше имъ, и вдѣва­ше усерязи своя и мониша своя, и хожда­ше вслѣдъ похотниковъ сво­ихъ, а мене забы, глаголетъ Господь.
2:14 См.: 🔗Ис. 40:2 🔗Соф. 3:9	Сего ради, се, азъ соблажню ю, и учиню ю яко пустыню, и воз­глаголю въ сердце ея,
2:15 См.: 🔗Нав. 7:24 🔗Ис. 65:10 🔗Исх. 19:1 🔗Мих. 7:15	и дамъ ей при­­тяжанiе ея от­туду и поляну Ахорову, от­версти смыслъ ея: и смирит­ся тамо по днемъ дѣт­ст­ва сво­его и по днемъ изведенiя сво­его от­ земли Египетски.
2:16	И будетъ въ той день, наречетъ мя мужъ мой, глаголетъ Господь, а не прозоветъ мене ктому Ваалимъ.
2:17 См.: 🔗Исх. 23:13 🔗Втор. 12:3	И от­вергу имена Ваалимля от­ устъ ея, и не воспомянут­ся ксему имена ихъ.
2:18 См.: 🔗Иов. 5:23 🔗Иез. 34:25	И завѣщаю имъ завѣтъ въ той день со звѣрьми селными и со птицами небесными и съ гады земными, и лукъ и мечь и брань сокрушу от­ земли, и вселю я со упованiемъ:
2:19 См.: 🔗Пс. 44:10 🔗2Кор. 11:2 🔗Отк. 19:7	и обручу тя себѣ во вѣкъ и обручу тя себѣ въ правдѣ и въ судѣ и въ милости и въ щедротахъ:
2:20 См.: 🔗Ис. 53:11 🔗Ин. 17:3	и обручу тя себѣ въ вѣрѣ, и увѣси Господа.
2:21	И будетъ въ той день, глаголетъ Господь, послушаю небесе, а оное послушаетъ земли,
2:22 См.: 🔗Иоил. 3:18 🔗Ам. 9:14	и земля послушаетъ пшеницы и вина и масла, и сіи послушаютъ Иезраеля:
2:23 См.: 🔗Ос. 1:10	и всѣю оную себѣ на земли и помилую непомилован­ную: и реку не людемъ мо­имъ: людiе мо­и есте вы: и тіи рекутъ: Господь Богъ нашъ ты еси.