Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 6 | |
6:1 См.: 🔗Втор. 4:29 🔗Иер. 50:5 | Въ скорби своей утреневати будутъ ко мнѣ, глаголюще: идемъ и обратимся ко Господу Богу нашему, |
6:2 См.: 🔗Втор. 32:39 🔗Иез. 36:36 | яко той поби ны, и изцѣлитъ ны: уязвитъ, и уврачуетъ ны: |
6:3 | изцѣлитъ ны по двою дню, въ день третiй воскреснемъ и живи будемъ предъ нимъ, и увѣмы: поженемъ, еже увѣдѣти Господа: яко утро готово обрящемъ его, и прiидетъ намъ яко дождь раннiй и поздный земли. |
6:4 | Что ти сотворю, Ефреме? что ти сотворю, Иудо? милость бо ваша яко облакъ утреннiй и яко роса рано падающая. |
6:5 | Сего ради пожахъ пророки вашя, убихъ я словесемъ устъ моихъ, и судъ мой яко свѣтъ изыдетъ. |
6:6 | Зане милости хощу а не жертвы, и увѣдѣнiя Божiя, нежели всесожженiя. |
6:7 | Сіи же суть яко человѣкъ преступаяй завѣтъ: тамо презрѣша мя. |
6:8 См.: 🔗Ос. 12:11 | Галаадъ градъ дѣлаяй суетная, мутяй воду, |
6:9 См.: 🔗Деян. 4:1 🔗Нав. 20:7 | а крѣпость твоя яко мужа морскаго разбойника: скрыша жерцы путь Господень, убиша Сикиму, яко беззаконiе сотвориша. |
6:10 См.: 🔗Иер. 5:30 | Въ дому Израилевѣ видѣхъ грозная: тамо блуженiе Ефремово: осквернися Израиль и Иуда. |
6:11 См.: 🔗Втор. 30:3 🔗Иер. 29:14 | Начни объимати виноградъ себѣ, егда возвращу плѣненiе людій моихъ. |