Книга пророка Осии, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Ис. 58:1 🔗Втор. 28:49 🔗Иер. 48:40	Въ нѣдрѣ ихъ, яко земля непроходима, яко орелъ въ дому Господни: понеже преступиша завѣтъ мой и на законъ мой нече­ст­воваша.
8:2	Ко мнѣ воз­зовутъ: Боже, познахомъ тя,
8:3 См.: 🔗Ос. 6:7	яко Израиль от­вратися благихъ, врага прогнаша.
8:4 См.: 🔗1Цар. 8:5 🔗3Цар. 12:20 🔗Ос. 2:8	Сами себѣ царя поставиша, а не мною, начал­ст­воваша, и не явиша ми: от­ сребра сво­его и от­ злата сво­его сотвориша себѣ кумiры, яко да потребят­ся.
8:5 См.: 🔗3Цар. 12:28 🔗Ос. 10:5	Сокруши телца тво­его, самаріе, разгнѣвася ярость моя на ня: доколѣ не могутъ очиститися, иже во Израили?
8:6 См.: 🔗Иер. 10:8 🔗Деян. 19:26	И то древодѣль сотвори, и нѣсть Богъ: зане льстяй бяше телецъ твой, самаріе.
8:7	Яко вѣтромъ истлѣно всѣяша, и разрушенiе ихъ прiиметъ я: рукоять не имущая силы еже сотворити муку, аще же и сотворитъ, то чуждіи поядятъ ю.
8:8 См.: 🔗Иер. 22:28	Поглощенъ бысть Израиль, нынѣ бысть во языцѣхъ яко сосудъ непотребенъ,
8:9 См.: 🔗4Цар. 16:7 🔗Иер. 2:24	понеже тіи взыдоша ко Ассиріаномъ: процвѣте о себѣ Ефремъ, дары воз­люби.
8:10 См.: 🔗4Цар. 15:19	Сего ради предадут­ся во языки: нынѣ воспрiиму ихъ, и почіютъ мало еже помазати царя и князи.
8:11 См.: 🔗Иер. 11:13	Яко умножи Ефремъ требища, во грѣхи быша ему требища воз­люблен­ная.
8:12 См.: 🔗Ис. 42:20	Впишу ему множе­с­т­во, и закон­ная его въ чуждая вмѣнишася требища воз­люблен­ная.
8:13 См.: 🔗Ис. 1:11 🔗Иер. 6:20 🔗Ам. 5:21	Тѣмже аще и пожрутъ жертву и снѣдятъ мяса, Господь не прiиметъ ихъ: нынѣ помянетъ неправды ихъ и от­мститъ грѣхи ихъ: тіи во Египетъ воз­вратишася и во Ассиріи нечистая снѣдятъ.
8:14 См.: 🔗Втор. 32:15 🔗4Цар. 25:9 🔗Иер. 17:27	И забы Израиль сотворшаго и и воз­гради требища, и Иуда умножи грады утверждены: но послю огнь на грады его, и потребитъ основанiя его.