Книга пророка Осии, глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗Иез. 16:33 🔗Иез. 20:32 🔗Ос. 2:12	Не радуйся, Израилю, ни веселися якоже людiе, понеже соблудилъ еси от­ Господа Бога тво­его: воз­любилъ еси даянiя на всяцѣмъ гумнѣ пшеницы.
9:2 См.: 🔗Иоил. 1:12	Гумно и точило не позна ихъ, и вино солга имъ.
9:3 См.: 🔗Втор. 28:68 🔗4Цар. 25:26 🔗Иер. 43:6	Не вселишася на земли Господни: вселися Ефремъ во Египтѣ, и во Ассиріахъ снѣдятъ нечистая.
9:4 См.: 🔗Ос. 3:4 🔗Втор. 26:14	Не воз­лiяша Господеви вина, и не усладишася ему требы ихъ, яко хлѣбъ жалости имъ: вси ядущiи тыя осквернят­ся: понеже хлѣбы ихъ душъ ихъ, не внидутъ въ домъ Господень.
9:5	Что сотворите во днехъ торже­ст­ва и въ день праздника Господня?
9:6 См.: 🔗Иер. 43:7 🔗Ис. 19:13 🔗Ис. 32:13	Сего ради, се, пойдутъ от­ труда Египетска, и прiиметъ ихъ мемфисъ, и погребетъ я Махмасъ: сребро ихъ пагуба наслѣдитъ, тернiе во дворѣхъ ихъ.
9:7 См.: 🔗Ис. 34:8	Приспѣша дніе от­мщенiя тво­его, прiидоша дніе воз­даянiя тво­его, и озлобит­ся Израиль, якоже пророкъ изумлен­ный, человѣкъ духомъ носимый: от­ множе­ст­ва неправдъ тво­ихъ умножися изумленiе твое.
9:8 См.: 🔗Иез. 3:17 🔗Иер. 5:31 🔗Ос. 5:1	Стражъ Ефремъ съ Богомъ, пророкъ пругло строптиво на всѣхъ путехъ его: изумленiе въ дому Божiи утвердиша.
9:9 См.: 🔗Суд. 19:22 🔗Суд. 20:13 🔗Ос. 10:9	Растлѣшася по днемъ холма: воспомянетъ неправды ихъ, от­мститъ грѣхи ихъ.
9:10 См.: 🔗Чис. 25:3	Якоже грезнъ въ пустыни обрѣтохъ Израиля и яко стража на смоковницѣ ран­няго увидѣхъ отцы ихъ: тіи внидоша ко веельфегору и от­чуждишася на стыдѣнiе, и быша мерзостнiи якоже воз­люблен­нiи.
9:11 См.: 🔗Ис. 16:2	Ефремъ яко птица от­летѣ, славы ихъ от­ порожденiй и болѣзней и от­ зачатiй.
9:12 См.: 🔗Втор. 28:41	Тѣмже аще и воскормятъ чада своя, безчадны будутъ от­ человѣкъ: понеже и лютѣ имъ есть, [зане оставихъ я,] плоть моя от­ нихъ.
9:13	Ефремъ, якоже видѣхъ, въ ловитву предпоставиша чада своя, и Ефремъ еже извести на заколенiе чада своя.
9:14 См.: 🔗Быт. 49:25	Даждь имъ, Господи: что даси имъ? даждь имъ утробу неплодящую и сосцы сухи.
9:15 См.: 🔗Ос. 12:11	Вся злобы ихъ во Галгалѣхъ, яко тамо ихъ воз­ненавидѣхъ за злобы начинанiй ихъ: изъ дому мо­его изжену я, [ксему] не при­­ложу любити ихъ:
9:16	вси князи ихъ непокориви. Поболѣ Ефремъ: коренiе его изсхоша, плода ксему да не при­­несетъ: понеже аще и породятъ, побiю вожделѣн­ная утробъ ихъ.
9:17 См.: 🔗Ос. 4:6	Отринетъ я Богъ, яко не послушаша его, и будутъ заблуждающiи въ языцѣхъ.