Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 10 | |
10:1 См.: 🔗Мф. 23:4 | Горе пишущымъ лукавство: пишущiи бо лукавство пишутъ, |
10:2 См.: 🔗Исх. 22:22 🔗Иер. 7:6 | укланяюще судъ убогихъ, восхищающе судъ нищихъ людій моихъ, яко быти имъ вдовицѣ въ расхищенiе и сиротѣ въ разграбленiе. |
10:3 См.: 🔗Ис. 9:12 | И что сотворятъ въ день посѣщенiя? скорбь бо вамъ отдалече прiидетъ. И къ кому прибѣгнете, да поможетъ вамъ? И гдѣ оставите славу вашу, |
10:4 См.: 🔗Ис. 9:12 | еже не впасти въ плѣненiе? И подъ убiеными падутъ. И во всѣхъ сихъ не отвратися гнѣвъ его, но еще рука его высока. |
10:5 | Горе Ассириемъ, жезлъ ярости моея и гнѣвъ есть въ руку ихъ. |
10:6 | Гнѣвъ мой послю на языкъ беззаконенъ, и своихъ людій повелю сотворити корысти и плѣненiе, и попрати грады и положити я въ прахъ. |
10:7 См.: 🔗Деян. 4:28 🔗Деян. 13:27 | Сей же не тако помысли и душею не тако возмнѣ: но отступитъ умъ его, и еже потребити языки не малы. |
10:8 См.: 🔗Ис. 8:7 | И аще рекутъ ему: ты ли еси единъ князь? |
10:9 | И речетъ: не взяхъ ли страны, яже выше Вавилона и халани, идѣже столпъ созданъ, и взяхъ Аравію и Дамаскъ и самарію? |
10:10 | Якоже сiя взяхъ, и вся княженiя возму. Возрыдайте, изваянная во Иерусалимѣ и въ самаріи: |
10:11 | якоже бо сотворихъ самаріи и рукотвореннымъ ея, тако сотворю и Иерусалиму и кумiромъ его. |
10:12 См.: 🔗4Цар. 19:35 🔗Ис. 37:36 | И будетъ, егда скончаетъ Господь вся творя въ горѣ Сiони и во Иерусалимѣ, наведетъ на умъ великiй, на князя Ассирійска и на высоту славы очiю его. |
10:13 См.: 🔗Авв. 1:16 | Рече бо: крѣпостiю руки моея сотворю, и премудростiю разума [моего] отиму предѣлы языковъ, и силу ихъ плѣню, |
10:14 | и сотрясу грады населеныя, и вселенную всю объиму рукою моею яко гнѣздо, и яко оставленая яица возму: и нѣсть, иже убѣжитъ мене, или противу мнѣ речетъ, и отверзетъ уста и глумитъ. |
10:15 | Еда прославится сѣкира безъ сѣкущаго ею? или вознесется пила безъ влекущаго ю? Такожде аще кто возметъ жезлъ, или древо: и не тако. |
10:16 | Но послетъ Господь Саваоѳъ на твою честь безчестiе, и на твою славу огнь горя возгорится. |
10:17 | И будетъ свѣтъ Израилевъ во огнь, и освятитъ его огнемъ горящимъ, и поястъ яко сѣно вещество. |
10:18 См.: 🔗Иер. 21:14 | Въ той день угаснутъ горы и холми и дубравы, и поястъ от души даже до плотей: и будетъ бѣжай, яко бѣжай от пламене горяща: |
10:19 См.: 🔗Ис. 10:33 | и оставльшiися от нихъ будутъ въ число, и отроча малое напишетъ я. |
10:20 См.: 🔗Иер. 3:23 🔗Зах. 13:9 | И будетъ въ той день, не приложится ктому останокъ Израилевъ, и спасеннiи Иаковли не будутъ ктому уповающе на обидѣвшыя ихъ, но будутъ уповающе на Бога святаго Израилева истиною. |
10:21 См.: 🔗Ис. 9:6 | И обратится останокъ Иаковль къ Богу крѣпкому. |
10:22 См.: 🔗Рим. 9:27 | И аще будутъ людiе Израилевы яко песокъ морскій, останокъ ихъ спасется: |
10:23 См.: 🔗Ис. 28:22 | слово бо совершая и сокращая правдою, яко слово сокращено сотворитъ Господь во всей вселеннѣй. |
10:24 См.: 🔗Мих. 7:14 🔗Исх. 1:14 | Сего ради сiя глаголетъ Господь Саваоѳъ: не бойтеся, людiе мои, от Ассиріанъ, живущiи въ Сiонѣ, яко жезломъ поразитъ тя: язву бо наводитъ на тя, еже видѣти путь Египта. |
10:25 См.: 🔗Ис. 54:9 | Еще бо мало, и престанетъ гнѣвъ, ярость же моя на совѣтъ ихъ: |
10:26 | и воздвигнетъ Богъ силъ на ня язву, яко язву Мадiамлю на мѣстѣ скорби, и ярость его на путь иже къ морю, на путь иже во Египетъ: |
10:27 | и будетъ въ той день, отъимется иго его от рамене твоего и страхъ его от тебе, и согнiетъ иго от раменъ вашихъ. |
10:28 См.: 🔗1Цар. 14:5 | Прiидетъ бо во градъ Аггай, и прейдетъ въ Магеддо, и въ Махмасѣ положитъ сосуды своя. |
10:29 См.: 🔗Нав. 18:25 | И минетъ дебрь, и прiидетъ во Аггай: страхъ прiиметъ раму градъ Сауловъ, |
10:30 См.: 🔗Суд. 18:14 🔗Нав. 21:18 | побѣгнетъ дщерь Галимля, услышится въ лаисѣ, услышится во Анаѳоѳѣ. |
10:31 | И ужасеся Мадемина и живущiи во гивимѣ. |
10:32 | Утѣшайте днесь еже на пути пребыти: утѣшайте рукою гору дщерь Сiоню, и холми, иже во Иерусалимѣ: |
10:33 См.: 🔗Ис. 10:19 | се, Владыка Господь Саваоѳъ смятетъ славныя со крѣпостiю, и высоцiи укоризною сокрушатся, и высоцыи смирятся, |
10:34 См.: 🔗Ис. 9:18 | и падутъ высоцыи мечемъ, Ливанъ же съ высокими падется. |