Книга пророка Исаии, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Лк. 3:32 🔗Деян. 13:22 🔗Рим. 15:12	И изыдетъ жезлъ изъ корене Иессеова, и цвѣтъ от­ корене его взыдетъ:
11:2 См.: 🔗Ис. 61:1	и почіетъ на немъ Духъ Божiй, Духъ премудрости и разума, Духъ совѣта и крѣпости, Духъ вѣдѣнiя и благо­честiя:
11:3 См.: 🔗Ис. 2:4	исполнитъ его Духъ страха Божiя: не по славѣ судити имать, ниже по глаголанiю обличитъ,
11:4 См.: 🔗Иов. 4:9 🔗2Фес. 2:8	но судитъ правдою смирен­ному судъ и обличитъ правостiю смирен­ныя земли, и поразитъ землю словомъ устъ сво­ихъ и Духомъ устенъ убiетъ нечестиваго:
11:5 См.: 🔗Пс. 44:5	и будетъ препоясанъ правдою о чреслѣхъ сво­ихъ и истиною обвитъ по ребрамъ сво­имъ:
11:6 См.: 🔗Ис. 65:25	и пастися будутъ вкупѣ волкъ со агнцемъ, и рысь почіетъ со козлищемъ, и телецъ и юнецъ и левъ вкупѣ пастися будутъ, и отроча мало поведетъ я:
11:7	и волъ и медвѣдь вкупѣ пастися будутъ, и вкупѣ дѣти ихъ будутъ, и левъ аки волъ ясти будетъ плевы:
11:8 См.: 🔗1Кор. 3:1 🔗Пс. 57:5	и отроча младо на пещеры аспидовъ и на ложе исчадiй аспидскихъ руку воз­ложитъ:
11:9 См.: 🔗Ам. 5:24	и не сотворятъ зла, ни воз­могутъ погубити ни когоже на горѣ святѣй мо­ей: яко наполнися вся земля вѣдѣнiя Господня, аки вода многа покры море.
11:10 См.: 🔗Рим. 15:12	И будетъ въ день оный корень Иессеовъ, и востаяй владѣти языки, на того языцы уповати будутъ: и будетъ покой его честь.
11:11	И будетъ въ день оный, при­­ложитъ Господь показати руку свою, еже воз­ревновати по останку прочему людій, иже аще останетъ от­ Ассириовъ и от­ Египта, и Вавилона и от­ еѳiопiи, и от­ Еламитовъ и от­ востоковъ солнца, и от­ Аравіи и от­ острововъ морскихъ.
11:12 См.: 🔗Мф. 15:24 🔗Лк. 21:28 🔗Ин. 10:16	И воз­двигнетъ знаменiе въ языки, и соберетъ погибшыя Израилевы, и расточен­ныя Иудины соберетъ от­ четырехъ крилъ земли.
11:13 См.: 🔗Ос. 1:11	И отъ­имет­ся ревность Ефремова, и врази Иудины погибнутъ: Ефремъ не воз­ревнуетъ Иудѣ, и Иуда не оскорбитъ Ефрема.
11:14 См.: 🔗Втор. 32:43 🔗Ис. 60:7 🔗Зах. 8:13	И полетятъ въ кораблехъ иноплемен­ничихъ, море купно плѣнятъ, и сущихъ от­ востокъ солнца, и Идумею: и на Моава первѣе руки воз­ложатъ, сынове же Аммони первiи покорят­ся.
11:15	И опустошитъ Господь море Египетское и воз­ложитъ руку свою на рѣку духомъ пресильнымъ: и поразитъ на седмь дебрiй, якоже преходити ю во обувенiи:
11:16 См.: 🔗Исх. 14:29	и будетъ проше­ст­вiе людемъ мо­имъ остав­шымъ во Египтѣ, и будетъ Израилю, якоже въ день, егда изыде от­ земли Египетскiя.