Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 См.: 🔗Иер. 30:1 🔗Иер. 50:1 | Видѣнiе на Вавилона, еже видѣ Исаiа сынъ Амосовъ. |
13:2 | На горѣ польнѣй воздвигните знаменiе, вознесите гласъ имъ, не бойтеся, поущайте рукою, отверзите, князи. |
13:3 См.: 🔗Иер. 22:7 | Азъ повелѣваю, освященни суть: и азъ веду ихъ, исполини идутъ исполнити ярость мою радующеся, вкупѣ и укаряюще. |
13:4 | Гласъ языковъ многихъ на горахъ, подобенъ языковъ многихъ, гласъ царей и языковъ собравшихся: Господь Саваоѳъ заповѣда языку оружеборцу |
13:5 | прiити от земли издалеча, от края основанiя небесе, Господь и оружеборцы его, растлити всю вселенную. |
13:6 См.: 🔗Иоил. 1:15 | Рыдайте: близъ бо день Господень, и сокрушенiе от Бога прiидетъ: |
13:7 | сего ради всяка рука разслабѣетъ, и всяка душа человѣча убоится, |
13:8 | и смятутся послы, и болѣзни прiимутъ я яко жены раждающiя: и поскорбятъ другъ ко другу, и ужаснутся, и лице свое яко пламень измѣнятъ. |
13:9 См.: 🔗Ис. 22:5 | Се бо, день Господень грядетъ неисцѣльный, ярости и гнѣва, положити вселенную [всю] пусту и грѣшники погубити от нея. |
13:10 | Звѣзды бо небесныя и орионъ и все украшенiе небесное свѣта своего не дадятъ, и помрачится солнце возсiявающее, и луна не дастъ свѣта своего. |
13:11 | И заповѣмъ всей вселеннѣй злая и нечестивымъ грѣхи ихъ, и погублю укоризну беззаконныхъ и укоризну гордыхъ смирю: |
13:12 | и будутъ оставшiи честніи паче, нежели злато нежженое, и человѣкъ честенъ будетъ паче, нежели камень, иже от суфира. |
13:13 | Разъярится бо небо, и земля потрясется от основанiй своихъ, за ярость гнѣва Господа Саваоѳа въ день, въ оньже прiидетъ ярость его. |
13:14 См.: 🔗3Цар. 22:17 🔗Мк. 6:34 | И будутъ оставшiи яко серна бѣжащая и яко овца заблудившая, и не будетъ собираяй, яко человѣку въ люди своя возвратитися, и человѣкъ во страну свою побѣгнетъ. |
13:15 | Иже бо аще плѣнится, поразится, и иже собрани суть, мечемъ падутъ. |
13:16 См.: 🔗Пс. 136:9 🔗Иер. 8:10 | И чада ихъ предъ ними разбiютъ, и домы ихъ плѣнятъ, и жены ихъ поймутъ. |
13:17 См.: 🔗Иер. 51:11 🔗Дан. 5:31 | Се, азъ возбуждаю на вы мидовъ, иже сребра не вмѣняютъ, ниже злата требуютъ: |
13:18 | стрѣлянiя юношеская сокрушатъ, и чадъ вашихъ не помилуютъ, ниже пощадятъ чадъ твоихъ очи ихъ. |
13:19 | И будетъ Вавилонъ, иже нарицается славный от царя Халдейска, якоже разсыпа Богъ Cодому и Гоморру, |
13:20 | не населится въ вѣчное время, и не внидутъ въ онь чрезъ многiя роды, ниже пройдутъ его Аравляне, ниже пастуси почіютъ въ немъ. |
13:21 См.: 🔗Иер. 50:39 | И почіютъ тамо звѣрiе, и наполнятся домове шума, и почіютъ ту Сирини, и бѣси тамо воспляшутъ, |
13:22 | и онокентавры тамо вселятся, и вогнѣздятся ежеве въ домѣхъ ихъ. |