Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 22 | |
22:1 См.: 🔗Ис. 15:3 | Что бысть тебѣ, яко нынѣ возлѣзосте вси на храмины тщетныя? |
22:2 См.: 🔗Ис. 27:10 | Наполнися градъ вопiющихъ, уязвленнiи твои не мечьми уязвлени, ниже мертвецы твои умерщвлени ратiю: |
22:3 | вси князи твои побѣгоша, и плѣненнiи жестоцѣ суть связани, и крѣпцыи въ тебѣ далече отбѣжаша. |
22:4 См.: 🔗Иер. 4:20 | Сего ради рекохъ: оставите мене, да горцѣ восплачуся: не належите утѣшати мя о сокрушенiи дщере рода моего: |
22:5 См.: 🔗Ис. 13:5 | яко день мятежа и пагубы и попранiя, и смятенiе от Господа Саваоѳа: въ дебри Сiони скитаются, от мала даже до велика скитаются по горамъ. |
22:6 См.: 🔗Ис. 21:2 🔗Иер. 49:35 | Еламите же взяша тулы, и всадницы человѣцы на конехъ, и соборъ ополченiя. |
22:7 | И будутъ избранны дебри твоя, наполнятся колесницъ, конницы же заступятъ врата твоя |
22:8 См.: 🔗3Цар. 7:2 🔗3Цар. 10:17 | и открыютъ врата Иудина, и воззрятъ въ той день во избранныя домы града, |
22:9 | и открыютъ сокровенная домовъ краеградiя давидова, и узрятъ, яко множайшiи суть, и яко отвратиша воду древнiя купѣли во градъ, |
22:10 См.: 🔗Иер. 33:4 | и яко разориша домы Иерусалимли на утвержденiе стѣнѣ граднѣй. |
22:11 См.: 🔗Ис. 7:3 | И сотвористе себѣ воду между двѣма стѣнама, внутрьуду купѣли древнiя, и не воззрѣсте на сотворившаго ю исперва, и сограждшаго ю не видѣсте. |
22:12 См.: 🔗Мих. 1:16 | И призва Господь, Господь Саваоѳъ въ той день плачь и рыданiе, и остриженiе и препоясанiе во вретища: |
22:13 | тіи же сотвориша радость и веселiе, закалающе телцы и жруще овцы, яко ясти мяса и пити вино, глаголюще: да ямы и пiемъ, утрѣ бо умремъ. |
22:14 См.: 🔗Мф. 12:32 🔗Евр. 6:4 | И откровенна сiя суть во ушiю Господа Саваоѳа, яко не оставится вамъ той грѣхъ, дондеже умрете. |
22:15 | Сице глаголетъ Господь Саваоѳъ: иди въ кущу ко сомнану строителю дому и рцы ему: |
22:16 | что ты здѣ, и что тебѣ здѣ, яко истесалъ еси себѣ здѣ гробъ и сотворилъ еси себѣ на высоцѣ гробъ, и написалъ еси себѣ на камени кущу? |
22:17 | Се, нынѣ Господь Саваоѳъ извержетъ и сотретъ мужа, и отъиметъ утварь твою и вѣнецъ твой славный, |
22:18 См.: 🔗Пс. 48:11 🔗Иер. 22:18 | и повержетъ тя во страну велику и безмѣрну, и тамо умреши: и положитъ колесницу твою добрую въ безчестiе и домъ князя твоего въ попранiе: |
22:19 | и извержешися от строителства твоего и от степене твоего. |
22:20 См.: 🔗4Цар. 18:18 | И будетъ въ той день, и призову раба моего Елiакима сына хелкіева |
22:21 | и облеку его во утварь твою, и вѣнецъ твой дамъ ему и державу твою, и строителство твое дамъ въ руцѣ его, и будетъ яко отецъ живущымъ во Иерусалимѣ и живущымъ во Иудеи. |
22:22 См.: 🔗Иов. 12:14 🔗Отк. 3:7 | И дамъ ему славу давидову, и обвладѣетъ, и не будетъ противоглаголющаго: и дамъ ему ключь дому давидова на рамо его, и отверзетъ, и не будетъ затворяющаго, и затворитъ, и не будетъ отверзающаго. |
22:23 См.: 🔗1Езд. 9:8 🔗Зах. 10:4 | И поставлю его князя на мѣстѣ вѣрнѣ, и будетъ на престолѣ славы дому отца своего. |
22:24 | И будетъ уповаяй на него всякъ славный въ дому отца его, от мала даже до велика: и будутъ зависяще на немъ. |
22:25 См.: 🔗Ис. 21:17 | Въ той день, сiя глаголетъ Господь Саваоѳъ, подвигнется человѣкъ утвержденъ на мѣстѣ вѣрнѣ, и отъимется, и падетъ, и потребится слава, яже на немъ, яко Господь глагола. Въ той день, сiя глаголетъ Господь Саваоѳъ, подвигнется человѣкъ утвержденъ на мѣстѣ вѣрнѣ, и отъимется, и падетъ, и потребится слава, яже на немъ, яко Господь глагола. Видѣнiе на тира. |