Книга пророка Исаии, глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1	Горе вѣнцу гордыни, наимницы Ефремовы, цвѣтъ от­падый от­ славы, на версѣ горы тучныя пiянiи безъ вина.
28:2 См.: 🔗4Цар. 17:3	Се, крѣпка и жестока ярость Господня, аки градъ низпущаемый не имый крова, насильно низпущаемый: якоже воды многое множе­с­т­во влекущее страну, земли сотворитъ покой рукама,
28:3 См.: 🔗Дан. 7:7 🔗Мих. 7:10	и ногама поперет­ся вѣнецъ гордыни, наимницы Ефремовы.
28:4 См.: 🔗Ис. 1:30	И будетъ цвѣтъ от­падый от­ надежды славы на версѣ горы высокiя, аки ран­нiй плодъ смоквинъ: видѣвый его, прежде взятiя въ руцѣ сво­и, восхощетъ поглотити его.
28:5 См.: 🔗Прит. 4:9 🔗Ис. 62:3 🔗Иез. 16:12	Въ той день будетъ Господь Саваоѳъ вѣнецъ надежди, сплетеный славою остав­шымся людемъ.
28:6	И оставят­ся духомъ суднымъ на судъ, и крѣпость воз­браняющихъ погубляти.
28:7 См.: 🔗Прит. 20:1 🔗Ос. 4:11 🔗Ос. 9:7	Сіи бо виномъ суть прельщени: прельстишася Сикеры ради, жрецъ и пророкъ изступиша ума от­ Сикеры, пожерты быша виномъ, потрясошася от­ пiян­ства Сикеры, прельстишася: сiе есть при­­видѣнiе.
28:8	Проклятiе поястъ сей совѣтъ, сей бо совѣтъ ради лихо­им­ст­ва.
28:9	Кому воз­вѣстихомъ злая и кому повѣдахомъ вѣсть? иже от­до­енiи [суть] от­ млека, от­торжен­нiи от­ сосца.
28:10 См.: 🔗Ис. 42:20	Печали на печаль ожидай, надежды къ надежди, еще мало, еще мало,
28:11 См.: 🔗1Кор. 14:21	яко худостiю устенъ, языкомъ инымъ воз­глаголютъ людемъ симъ, рекуще имъ:
28:12 См.: 🔗Мф. 11:28	сей покой алчному и сiе сокрушенiе, и не восхотѣша слышати.
28:13 См.: 🔗Ис. 8:15	И будетъ имъ слово Господа Бога, печаль къ печали, надежда къ надежди, еще мало, еще мало, да идутъ и падут­ся вспять и въ бѣду впадутъ, и сокрушат­ся и плѣнени будутъ.
28:14 См.: 🔗Деян. 13:40	Сего ради услышите слово Господне, мужiе озлоблен­нiи и князи людій сущихъ во Иерусалимѣ.
28:15 См.: 🔗Иер. 5:12 🔗Ис. 29:15	Яко рекосте: сотворихомъ завѣтъ со адомъ и со смертiю сложенiе: буря носима аще мимо­идетъ, не прiидетъ на насъ: положихомъ лжу надежду нашу и лжею покрыемся.
28:16 См.: 🔗Пс. 117:22 🔗Ис. 8:14 🔗Мф. 21:42 🔗Мк. 12:10 🔗Лк. 20:17 🔗Деян. 4:11 🔗1Пет. 2:7 🔗Рим. 9:33	Сего ради тако глаголетъ Господь: се, азъ полагаю во основанiе Сiону камень многоцѣненъ, избранъ, крае­уголенъ, честенъ, во основанiе ему, и вѣруяй въ онь не постыдит­ся:
28:17	и положу судъ въ надежду, милость же моя на мѣрилѣхъ, и уповав­шiи вотще на лжу, яко не минетъ васъ буря:
28:18 См.: 🔗Ис. 28:15 🔗Мф. 7:27	и не отъ­иметъ от­ васъ завѣта смертнаго, и надежда ваша, яже ко аду, не пребудетъ. Буря идущая аще найдетъ, будете ей въ попранiе:
28:19 См.: 🔗Мф. 6:13	егда мимо­идетъ, возметъ васъ: яко по всяко утро преходити будетъ въ день, и въ нощи будетъ надежда зла. Научитеся слышати, утѣсняемiи:
28:20	не можемъ ратовати, сами же изнемогаемъ, еже собратися намъ.
28:21 См.: 🔗2Цар. 5:20 🔗1Пар. 14:11 🔗Нав. 10:12	Якоже гора на нечестивыхъ востанетъ Господь, и будетъ [якоже] въ дебри гаваонстѣй, съ яростiю сотворитъ дѣла своя, горести дѣло: ярость же его чуждо употребит­ся, и погубленiе его стран­но.
28:22 См.: 🔗Ис. 10:23	И вы не радуйтеся, ниже да воз­могутъ ваши узы: зане скончаны и сокращены вещи слышахъ от­ Господа Саваоѳа, яже сотворитъ надъ всею землею.
28:23 См.: 🔗Ис. 34:1	Внушите и слышите гласъ мой, внемлите и слышите словеса моя.
28:24	Еда весь день будетъ оряй орати? или сѣмя уготовитъ прежде воз­дѣланiя земли?
28:25	Не егда ли умягчитъ {уравнитъ} лице ея, тогда всѣетъ мало чернухи и кимина, потомъ же сѣетъ пшеницу и ячмень и просо въ предѣлѣхъ тво­ихъ?
28:26 См.: 🔗Прем. 3:5 🔗Вар. 3:37	И научишися суду Бога тво­его и воз­радуешися.
28:27 См.: 🔗Ис. 25:10	Ибо не съ жестокостiю очищает­ся чернуха, ниже коло колесничное обыдетъ кимина, но жезломъ истрясает­ся чернуха, киминъ же со хлѣбомъ снѣст­ся.
28:28	Не во вѣкъ бо азъ разгнѣваюся на вы, ниже гласъ гнѣва мо­его поперетъ васъ.
28:29 См.: 🔗Ис. 55:8 🔗Иер. 32:19	И сiя от­ Господа Саваоѳа изыдоша чудеса: совѣтуйте, воз­несите тщетное утѣшенiе.