Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 30 | |
30:1 См.: 🔗Лк. 12:17 | Горе, чада отступившая, сiя глаголетъ Господь: сотвористе совѣтъ не мною и завѣты не Духомъ моимъ, приложити грѣхи ко грѣхомъ: |
30:2 | идущiи снити во Египетъ, мене же не вопросиша, еже помощь имѣти от фараона и заступленiе от Египтянъ. |
30:3 См.: 🔗Иер. 2:36 | Будетъ бо вамъ покровъ фараоновъ въ постыдѣнiе и уповающымъ на Египетъ укоризна: |
30:4 См.: 🔗Ис. 19:13 🔗Иер. 2:16 | яко суть въ танѣ старѣйшины его, и вѣстницы его зли. |
30:5 См.: 🔗Иер. 2:36 | Вотще потрудятся людій ради, иже не упользуютъ ихъ, ниже на помощь, ниже на пользу, но на студъ и на укоризну. |
30:6 | Видѣнiе четвероногихъ, иже въ пустыни. Въ печали и въ тѣснотѣ левъ и львичищь: оттуду аспиды и племя аспидовъ парящихъ, иже везяху на ослѣхъ и на велблюдѣхъ богатство свое ко языку, иже не поможетъ имъ въ помощь, но на студъ и укоризну. |
30:7 | Египтяне вотще и всуе успѣютъ вамъ: возвѣсти имъ, яко тщетно утѣшенiе ваше сiе. |
30:8 См.: 🔗Ис. 8:1 | Нынѣ убо сѣдъ напиши сiя на дскѣ и въ книгу: яко будутъ сiя во дни временъ и даже до вѣка. |
30:9 См.: 🔗Деян. 7:52 | Яко людiе непокориви суть, сынове лживiи, иже не похотѣша слышати закона Божiя, |
30:10 См.: 🔗Ам. 2:12 | глаголюще пророкомъ: не повѣдайте намъ: и видѣнiя видящымъ: не глаголите намъ, но намъ глаголите и возвѣщайте намъ иное прельщенiе |
30:11 См.: 🔗Ис. 1:4 | и совратите насъ съ пути сего: отимите от насъ путь сей и отимите от насъ судъ Израилевъ {Евр.: святое Израилево.}. |
30:12 См.: 🔗Пс. 61:11 🔗Ис. 47:10 | Того ради сице глаголетъ Господь святый Израилевъ: понеже не покористеся словесемъ симъ и надѣястеся на лжу, и яко пороптасте и уповающе бысте на слово сiе, |
30:13 См.: 🔗Ис. 29:5 | сего ради будетъ вамъ грѣхъ сей, аки стѣна падающая внезапу града тверда плѣнена, егоже абiе настоитъ паденiе: |
30:14 См.: 🔗Пс. 2:9 | и паденiе его будетъ яко сокрушенiе сосуда глиняна, от глины дробны, яко не можно обрѣсти въ нихъ чрепа, имже огнь возмеши и въ оньже влiеши воды мало. |
30:15 См.: 🔗Плч. 3:26 | Тако глаголетъ Господь, Господь святый Израилевъ: егда возвратився воздохнеши, тогда спасешися и уразумѣеши, гдѣ еси былъ: егда уповалъ еси на суетная, тщетна крѣпость ваша бысть, и не хотѣсте послушати, |
30:16 См.: 🔗Ос. 14:4 | но рекосте: на конехъ побѣгнемъ. Того ради побѣгнете. И рекосте: на легкихъ всадницы будемъ. Того ради легцы будутъ гонящiи васъ. |
30:17 См.: 🔗Лев. 26:36 | От гласа единаго побѣгнутъ тысяща, и от гласа пяти побѣгнутъ мнози, дондеже оставлени будете аки щогла на горѣ и яко знамя носяй на холмѣ. |
30:18 | И паки пождетъ Богъ, еже ущедрити васъ, и сего ради вознесется еже помиловати васъ: зане судiя Господь Богъ вашъ есть, и гдѣ оставите славу вашу? блажени вси пребывающiи въ немъ. |
30:19 См.: 🔗Пс. 90:15 🔗Ис. 58:9 | Зане людiе святіи въ Сiонѣ вселятся, Иерусалимъ же плачемъ восплакася: помилуй мя. Помилуетъ тя, егда узрѣ гласъ вопля твоего, послуша тебе. |
30:20 См.: 🔗Пс. 79:6 | И дастъ Господь вамъ хлѣбъ печали и воду тѣсную, и ктому не приближатся къ тебѣ льстящiи тя: яко очи твои узрятъ прельщающихъ тя, |
30:21 | и ушеса твоя услышатъ словеса созади тебе прельщающихъ, иже глаголютъ: сей путь, поидимъ по нему или на десно, или на лѣво. |
30:22 См.: 🔗Лев. 15:19 | И отвержеши кумiры посребренныя, и позлащенныя раздробиши, и развѣеши яко воду жены мѣсячныя, и аки мотыла отвержеши я. |
30:23 См.: 🔗Втор. 11:14 | Тогда будетъ дождь сѣмени земли твоея, и хлѣбъ жита земли твоея будетъ изобиленъ и тученъ, и напасутся скоти твои въ той день на мѣстѣ тучнѣ и пространнѣ. |
30:24 | Юнцы ваши и волове дѣлающiи землю наядятся плевъ смѣшенныхъ со ячменемъ извѣянымъ. |
30:25 См.: 🔗Ис. 2:15 🔗Ис. 41:18 | И будетъ на всяцѣй горѣ высоцѣ и на всяцѣмъ холмѣ вознесеннѣ вода текущая въ день оный, егда погибнутъ мнози, и егда падутся столпи: |
30:26 | и будетъ свѣтъ луны аки свѣтъ солнца, и свѣтъ солнечный будетъ седмерицею въ той день, егда исцѣлитъ Господь сокрушенiе людій своихъ и болѣзнь язвы твоея исцѣлитъ. |
30:27 | Се, имя Господне идетъ временемъ многимъ, горящая ярость его: со славою слово устенъ его, слово гнѣва полно, и гнѣвъ ярости яко огнь поястъ: |
30:28 См.: 🔗2Цар. 22:16 🔗Ис. 8:8 | и духъ его аки вода въ дебри влекущи прiидетъ даже до выи и раздѣлится, еже смутити языки о прельщенiи суетнѣмъ, и поженетъ я прелесть тща, и возметъ я предъ лицемъ ихъ. |
30:29 См.: 🔗Пс. 41:5 | Еда присно подобаетъ вамъ радоватися и входити во святая моя всегда, аки празднующымъ и яко веселящымся внити со сопѣлiю въ гору Господню къ Богу Израилеву? |
30:30 См.: 🔗Ис. 29:6 🔗Отк. 20:15 | И слышану сотворитъ Господь славу гласа своего, и ярость мышцы своея показати, съ яростiю и гнѣвомъ, и со пламенемъ поядающимъ возгремитъ зѣлно, и яко вода и градъ низходящь нуждею. |
30:31 См.: 🔗Пс. 28:4 | Гласомъ бо Господнимъ побѣждени будутъ Ассиріане язвою, еюже аще поразитъ я. |
30:32 | И будетъ ему окрестъ, отонудуже бѣ ихъ надежда помощи, на нюже той уповаше: тіи со тимпаны и гусльми ратовати будутъ нань от премѣненiя. |
30:33 См.: 🔗Отк. 19:20 🔗Мф. 25:41 | Ты бо прежде дній истязанъ будеши: еда и тебѣ уготовася царствовати? дебрь глубокую, древеса лежаща, огнь и древа многа, ярость Господня аки дебрь жупеломъ горящая. |