Книга пророка Исаии, глава 38

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 38
38:1 См.: 🔗4Цар. 20:1 🔗2Пар. 32:24	Бысть же въ то время, разболѣся езекіа до смерти. И прiиде къ нему Исаiа пророкъ сынъ Амосовъ и рече къ нему: сiя глаголетъ Господь: устрой о домѣ тво­емъ, умираеши бо ты и не будеши живъ.
38:2 См.: 🔗Сир. 38:9	И обрати езекіа лице свое ко стѣнѣ и помолися ко Господеви глаголя:
38:3 См.: 🔗Мф. 5:48	помяни, Господь, како ходихъ предъ тобою со истиною и сердцемъ истин­нымъ, и угодная предъ тобою сотворихъ. И плакася езекіа плачемъ великимъ.
38:4	И бысть слово Господне ко Исаiи глаголя:
38:5 См.: 🔗4Цар. 20:5 🔗Евр. 11:34	иди и рцы езекіи: тако глаголетъ Господь Богъ давида отца тво­его: услышахъ молитву твою и видѣхъ слезы твоя, се, при­­лагаю къ лѣтомъ тво­имъ лѣтъ пять­на­де­сять,
38:6	и от­ руки царя Ассирійска избавлю тя и градъ сей, и защищу о градѣ семъ:
38:7	сiе же тебѣ знаменiе от­ Господа, яко Богъ сотворитъ глаголъ сей, якоже глагола:
38:8 См.: 🔗Сир. 48:26	се, азъ воз­вращу сѣнь степеней, имиже сниде солнце десять степеней дому отца тво­его, воз­вращу солнце десять степеней, имиже сниде сѣнь. И взыде солнце десять степеней, имиже сниде сѣнь.
38:9	Молитва езекіи царя Иудейска, егда болѣ и воста от­ недуга сво­его.
38:10	Азъ рекохъ въ высотѣ дній мо­ихъ: пойду во врата адова, оставлю лѣта прочая.
38:11	Рекохъ: ктому не узрю спасенiя Божiя на земли живыхъ, ктому не узрю спасенiя Израилева на земли, ктому не узрю человѣка со живущими:
38:12 См.: 🔗2Пет. 1:13 🔗Иов. 30:22	остахъ от­ срод­ст­ва мо­его, оставихъ прочее живота мо­его, изыде и отъиде от­ мене аки разрушаяй кущу поткнувый: аки платно духъ мой во мнѣ бысть, ткателницѣ при­­ближающейся от­рѣзати.
38:13 См.: 🔗Иов. 4:21	Въ той день преданъ быхъ до заутра аки льву, тако сокруши вся кости моя: от­ дне бо до нощи преданъ быхъ.
38:14	Яко ластовица, тако возопiю, и яко голубь, тако по­учуся: исчезостѣ бо очи мо­и, еже взирати на высоту небесную ко Господу, иже избави мя и отъ­я болѣзнь души мо­ея:
38:15	и той сотвори путевод­ст­во во вся лѣта моя.
38:16	Господи, о той бо воз­вѣстися тебѣ, и воз­двиглъ еси дыханiе мое, и утѣшився ожихъ.
38:17 См.: 🔗Ин. 3:16 🔗Иез. 18:22	Избавилъ бо еси душу мою, да не погибнетъ, и заверглъ еси за мя вся грѣхи моя.
38:18 См.: 🔗Пс. 6:6 🔗Пс. 113:25 🔗Вар. 2:17	Не похвалятъ бо тебе, иже во адѣ, ни умершiи воз­благословятъ тя, и не надѣют­ся, иже во адѣ, милости тво­ея.
38:19 См.: 🔗4Цар. 20:18	Живіи же воз­благословятъ тя, якоже и азъ: от­днесь бо дѣти сотворю, яже воз­вѣстятъ правду твою,
38:20 См.: 🔗Пс. 26:6	Господи спасенiя мо­его: и не престану благословя тя съ пѣснiю вся дни живота мо­его прямо дому Божiю.
38:21	И рече Исаiа ко езекіи: воз­ми от­ смоквiй и сотри, и при­­ложи пластырь на язву и здравъ будеши.
38:22 См.: 🔗Ис. 38:8	И рече езекіа: сiе знаменiе, яко взыду въ домъ Божiй.