Книга пророка Исаии, глава 40

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 40
40:1 См.: 🔗Ис. 35:4 🔗Ис. 52:9 🔗Лк. 2:10	Утѣшайте, утѣшайте люди моя, глаголетъ Богъ:
40:2 См.: 🔗Иер. 16:18	священ­ницы, глаголите въ сердце Иерусалиму, утѣшайте и, яко наполнися смиренiе его, разрѣшися грѣхъ его, яко прiятъ от­ руки Господни сугубы грѣхи своя.
40:3 См.: 🔗Мф. 3:3 🔗Мк. 1:3 🔗Лк. 3:4 🔗Ин. 1:23	Гласъ вопiющаго въ пустыни: уготовайте путь Господень, правы сотворите стези Бога на­шего:
40:4 См.: 🔗Лк. 18:14 🔗Ис. 42:16	всяка дебрь наполнит­ся, и всяка гора и холмъ смирит­ся, и будутъ вся стропотная въ право, и острая въ пути гладки.
40:5 См.: 🔗Деян. 11:14	И явит­ся слава Господня, и узритъ всяка плоть спасенiе Божiе, яко Господь глагола.
40:6 См.: 🔗Иов. 14:2 🔗Пс. 102:15 🔗Сир. 14:18 🔗Иак. 1:10 🔗1Пет. 1:24	Гласъ вопiющаго: возопій. И рекохъ: что возопiю? всяка плоть сѣно, и всяка слава человѣча яко цвѣтъ травный:
40:7	изсше трава, и цвѣтъ от­паде,
40:8 См.: 🔗Пс. 118:89 🔗Мф. 24:35 🔗1Пет. 1:25	глаголъ же Бога на­шего пребываетъ во вѣки.
40:9	На гору высоку взыди, благовѣ­ст­вуяй Сiону, воз­выси крѣпостiю гласъ твой, благовѣ­ст­вуяй Иерусалиму: воз­высите, не бойтеся. Рцы градомъ Иудинымъ:
40:10 См.: 🔗Ин. 1:27 🔗Ис. 62:11	се, Богъ вашъ, се, Господь, Господь со крѣпостiю идетъ, и мышца его со властiю: се, мзда его съ нимъ, и дѣло его предъ нимъ:
40:11 См.: 🔗Иез. 34:23 🔗Ин. 10:11	аки пастырь упасетъ па­ст­ву свою, и мышцею сво­ею соберетъ агнцы, и имущыя во утробѣ утѣшитъ.
40:12 См.: 🔗Ис. 48:13	Кто измѣри горстiю воду и небо пядiю и всю землю горстiю? кто постави горы въ мѣрилѣ и холмы въ вѣсѣ?
40:13 См.: 🔗Прем. 9:13 🔗Сир. 1:6 🔗Рим. 11:34 🔗1Кор. 2:14	кто уразумѣ умъ Господень, и кто совѣтникъ ему бысть, иже научаетъ его?
40:14	или съ кимъ совѣтова, и настави и? или кто показа ему судъ? или путь разумѣнiя кто показа ему? или кто прежде даде ему, и воз­даст­ся ему?
40:15 См.: 🔗Пс. 102:14 🔗Дан. 4:32 🔗Сир. 7:31	Аще вси языцы, аки капля от­ кади, и яко претяженiе вѣса вмѣнишася, и аки плюновенiе вмѣнят­ся?
40:16	Дубрава же Ливанова не доволна на сожженiе, и вся четвероногая не доволна на всесожженiе.
40:17 См.: 🔗Пс. 38:6	И вси языцы яко ничтоже суть, и въ ничтоже вмѣнишася.
40:18 См.: 🔗Деян. 17:29	Кому уподобисте Господа, и ко­ему подобiю уподобисте его?
40:19 См.: 🔗Ис. 44:12 🔗Прем. 13:11 🔗Прем. 15:9	Еда образъ сотвори древодѣлатель, или златарь слiявъ злато позлати его, или подобiемъ сотвори его?
40:20	Древо бо негнiющее избираетъ древодѣлатель и мудрѣ ищетъ, како поставитъ образъ его, и да не поколеблет­ся.
40:21	Не разумѣсте ли, не слышасте ли, не воз­вѣстися ли вамъ исперва? не разумѣсте ли основанiя земли?
40:22 См.: 🔗Иер. 10:12	Содержай кругъ земли, и живущiи на ней аки прузи: поставивый небо яко камару и простеръ е, яко скинiю обитати:
40:23 См.: 🔗Иов. 12:21	даяй князи аки ничтоже владѣти, и землю аки ничтоже сотвори.
40:24	Не насадятъ бо, ниже насѣютъ, и не вкоренит­ся въ земли коренiе ихъ: дхну на нихъ вѣтръ, и изсхоша, и буря аки стеблiе возметъ ихъ.
40:25 См.: 🔗Ис. 40:18	Нынѣ убо кому мя уподобисте, и воз­несуся? рече святый.
40:26 См.: 🔗Пс. 146:4	Воззрите на высоту очима вашима и видите, кто сотвори сiя вся: носяй по числу утварь свою, и вся по имени прозоветъ от­ многiя славы и въ державѣ крѣпости сво­ея: ничтоже утаися от­ тебе.
40:27 См.: 🔗Иов. 34:5	Еда бо речеши, Иакове, и что глаголалъ еси, Израилю: утаися путь мой от­ Бога, и Богъ мой судъ отъ­я, и от­ступи?
40:28 См.: 🔗Ис. 42:5 🔗Ис. 45:11	И нынѣ не уразумѣлъ ли еси? ни ли слышалъ еси? Богъ вѣчный, Богъ устроивый концы земли, не взалчетъ, ниже утрудит­ся, ниже есть изобрѣтенiе премудрости его,
40:29 См.: 🔗Ис. 33:24 🔗2Кор. 12:9 🔗Кол. 1:11	даяй алчущымъ крѣпость и неболѣзнен­нымъ печаль.
40:30	Взалчутъ бо юнѣйшiи, и утрудят­ся юноты, и избран­нiи не крѣпцы будутъ:
40:31 См.: 🔗Иов. 29:20 🔗Ис. 41:1	терпящiи же Господа измѣнятъ крѣпость, окрылатѣютъ аки орли, потекутъ и не утрудят­ся, пойдутъ и не взалчутъ.