Книга пророка Исаии, глава 41

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 41
41:1 См.: 🔗Ис. 1:18 🔗Ис. 40:31 🔗Иер. 2:35	Обновляйтеся ко мнѣ, острови, князи бо измѣнятъ крѣпость: да при­­ближат­ся и да глаголютъ вкупѣ, тогда судъ да воз­вѣщаютъ.
41:2 См.: 🔗Деян. 7:4	Кто воз­стави от­ востокъ правду, при­­зва ю къ ногамъ сво­имъ, и пойдетъ? дастъ предъ языки, и цари ужаситъ: и повержетъ на землю мечы ихъ, и аки стеблiе от­вержени луцы ихъ,
41:3	и проженетъ я, и пройдетъ съ миромъ путь ногъ его.
41:4 См.: 🔗Ис. 43:10 🔗Отк. 1:17 🔗Отк. 22:13	Кто содѣла и сотвори сiя? при­­зва ю при­­зываяй ю от­ начала родовъ. Азъ Богъ первый, и въ грядущая азъ есмь.
41:5	Видѣша языцы и убояшася, концы земніи при­­ближишася и прiидоша вкупѣ.
41:6	Судяй кійждо ближнему, и брату помощи, и речетъ:
41:7 См.: 🔗Иер. 10:4	превоз­може мужъ древодѣлатель, и ковачь бiяй млатомъ, вкупѣ проковаяй: овогда убо речетъ: спаянiе добро есть, утвердиша я гвоз­дьми, положатъ я, и не подвигнут­ся.
41:8 См.: 🔗Втор. 7:8 🔗Пс. 134:4 🔗Ис. 44:1 🔗Лк. 1:54 🔗Иак. 2:23	Ты же, Израилю, рабе мой, Иакове, егоже избрахъ, сѣмя Авраамле, егоже воз­любихъ,
41:9	егоже пояхъ от­ конецъ земли, и от­ стражбъ ея при­­звахъ тя, и рекохъ ти: рабъ мой еси, избрахъ тя, и не оставихъ тебе:
41:10 См.: 🔗Быт. 15:1 🔗Ис. 43:1	не бойся, съ тобою бо есмь, не прельщаю: азъ бо есмь Богъ твой, укрѣпивый тя, и помогохъ ти, и утвердихъ тя десницею мо­ею праведною:
41:11 См.: 🔗Исх. 23:22 🔗Иер. 30:16 🔗Зах. 12:3	се, постыдят­ся и посрамят­ся вси сопротивляющiися тебѣ, будутъ бо яко не сущiи, и погибнутъ вси соперницы тво­и:
41:12	взыщеши ихъ, и не обрящеши человѣковъ, иже поругают­ся тебѣ: будутъ бо аки не быв­шiи и не будутъ рату­ю­щiи тебе.
41:13 См.: 🔗Пс. 72:23	Яко азъ Богъ твой держай десницу твою, глаголяй тебѣ:
41:14 См.: 🔗Лк. 12:32	не бойся, Иакове, малый Израилю, азъ помогохъ ти, глаголетъ Богъ твой, избавляяй тя святый Израилевъ:
41:15 См.: 🔗Мих. 4:13	се, сотворихъ тя аки колеса колесничная новая, стирающая аки пила, и сотреши горы, и истончиши холмы, и аки прахъ положиши,
41:16 См.: 🔗Ос. 4:19	и извѣеши, и вѣтръ возметъ я, и буря развѣетъ я: ты же воз­веселишися во святыхъ Израилевыхъ.
41:17	И воз­радуют­ся убозiи и неимущiи: по­ищутъ бо воды, и не будетъ, языкъ ихъ от­ жажди изсше. Азъ Господь Богъ, азъ услышу ихъ, Богъ Израилевъ, и не оставлю ихъ,
41:18 См.: 🔗Ис. 30:25 🔗Пс. 106:35	но от­верзу на горахъ рѣки и среди поля источники, сотворю пустыню въ луги водныя и жаждущую землю въ водотечы,
41:19 См.: 🔗Ис. 55:13	положу въ безводную землю кедръ и смерчiе, и мирсину и кипарисъ и тополю:
41:20 См.: 🔗Ис. 44:7	да узрятъ и уразумѣютъ, и помыслятъ и увѣдятъ вкупѣ, яко рука Господня сотвори сiя вся, и святый Израилевъ показа.
41:21	Приближает­ся судъ вашъ, глаголетъ Господь Богъ: при­­ближишася совѣти ваши, глаголетъ Царь Иаковль.
41:22	Да при­­ближат­ся и воз­вѣстятъ вамъ, яже сбудут­ся, или яже прежде быша, рцыте: и при­­ставимъ умъ и уразумѣемъ, что послѣдняя и будущая: рцыте намъ,
41:23 См.: 🔗Иер. 10:5	воз­вѣстите намъ грядущая на послѣдокъ, и увѣмы, яко бози есте: благо сотворите и зло сотворите, и почудимся и узримъ вкупѣ.
41:24	Яко от­куду есте вы, и от­куду дѣло ва­ше? от­ земли мерзость избраша васъ.
41:25	Азъ же воз­ставихъ, иже от­ сѣвера и иже от­ востокъ солнечныхъ, прозовут­ся именемъ мо­имъ: да прiидутъ князи, и яко бренiе скудельника и яко скудельникъ топчущь бренiе, тако попрани будете.
41:26	Кто бо воз­вѣститъ, яже исперва, да увѣмы, яже напреди, и речемъ, яко истин­на суть? нѣсть предглаголющаго, ни слышащаго словесъ вашихъ.
41:27 См.: 🔗Мф. 23:34	Начало Сiону дамъ и Иерусалима утѣшу на пути.
41:28	От языкъ бо, се, ни единъ: и от­ кумиръ ихъ нѣсть воз­вѣщаяй. И аще вопрошу ихъ, от­куду есте, не от­вѣщаютъ ми.
41:29 См.: 🔗Пс. 95:5 🔗Иер. 10:3	Суть бо творящiи васъ и всуе прельщающiи васъ.