Книга пророка Исаии, глава 52

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 52
52:1 См.: 🔗Ис. 60:1 🔗Деян. 7:51 🔗Отк. 21:27	Востани, востани, Сiоне, облецыся во крѣпость твою, Сiоне, и ты облецыся во славу твою, Иерусалиме, граде святый, ктому не при­­ложитъ про­ити сквоз­ѣ тя необрѣзан­ный и нечистый.
52:2	Истряси прахъ и востани, сяди, Иерусалиме, совлецы узу выи тво­ея, плѣненая дщи Сiоня.
52:3 См.: 🔗1Пет. 1:18	Яко сiя глаголетъ Господь: туне продани бысте, и не сребромъ избавитеся.
52:4 См.: 🔗Быт. 46:6	Тако глаголетъ Господь: во Египетъ снидоша людiе мо­и прежде, еже при­­шелцемъ быти тамо, и во Ассирію нуждею от­ведошася.
52:5 См.: 🔗Иез. 36:20 🔗Рим. 2:24	И нынѣ что здѣ есте? сiя глаголетъ Господь: яко взяшася людiе мо­и туне, чудитеся и плачитеся. Тако глаголетъ Господь: васъ ради присно имя мое хулит­ся во языцѣхъ.
52:6	Сего ради познаютъ людiе мо­и имя мое въ той день, яко азъ есмь самъ глаголяй, ту есмь.
52:7 См.: 🔗Пс. 67:12 🔗Наум. 1:15 🔗Рим. 10:15	Коль красны на горахъ ноги благовѣ­ст­вующихъ миръ, благовѣ­ст­вующихъ благая, яко слышано сотворю спасенiе твое, глаголя: Сiоне, воцарит­ся Богъ твой.
52:8 См.: 🔗Иез. 3:17	Яко гласъ хранящихъ тя воз­несеся, и гласомъ вкупѣ воз­радуют­ся: яко очи ко очесемъ воз­зрятъ, егда помилуетъ Господь Сiона.
52:9 См.: 🔗Ис. 40:1	Да от­рыгнутъ веселiе вкупѣ пустыни Иерусалимскiя, яко помилова Господь людій сво­ихъ и избави Иерусалима:
52:10 См.: 🔗Пс. 97:2	и от­крыетъ Господь мышцу свою святую предъ всѣми языки, и узрятъ вси концы земли спасенiе, еже от­ Бога на­шего.
52:11 См.: 🔗2Кор. 6:17 🔗Отк. 18:4	Отступите, от­ступите, изыдите от­сюду и нечистотѣ не при­­касайтеся, изыдите от­ среды его, от­лучитеся, носящiи сосуды Господни:
52:12 См.: 🔗Исх. 12:33	яко не съ мятежемъ изыдете, ниже убѣжанiемъ пойдете: пойдетъ бо предъ вами Господь, и собираяй вы Господь Богъ Израилевъ.
52:13 См.: 🔗Зах. 3:8 🔗Мф. 12:18 🔗Флп. 2:9	Се, уразумѣетъ отрокъ мой и воз­несет­ся и прославит­ся зѣло.
52:14 См.: 🔗Ис. 8:14 🔗Лк. 2:34	Якоже ужаснут­ся о тебѣ мнози, тако обезславит­ся от­ человѣкъ видъ твой, и слава твоя от­ сыновъ человѣческихъ.
52:15 См.: 🔗Рим. 15:21	Тако удивят­ся языцы мнози о немъ, и заградятъ царiе уста своя: яко, имже не воз­вѣстися о немъ, узрятъ, и иже не слышаша, уразумѣютъ.