Книга пророка Исаии, глава 63

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 63
63:1 См.: 🔗Ис. 34:6	Кто сей при­­шедый от­ Едома, червлены ризы его от­ Восора, сей красенъ во утвари, зѣло съ крѣпостiю? Азъ глаголю правду и судъ спасенiя.
63:2 См.: 🔗Отк. 19:13	Почто червлены ризы твоя и одежды твоя яко от­ истоптанiя точила?
63:3 См.: 🔗Ис. 43:25 🔗Плч. 1:15 🔗Ин. 13:33	Исполненъ истоптанiя, и от­ языкъ нѣсть мужа со мною: и попрахъ я яростiю мо­ею, и сотрохъ я яко персть, и сведохъ кровь ихъ въ землю и вся ризы моя омочихъ:
63:4 См.: 🔗Ис. 34:8 🔗Ис. 61:2	день бо воз­даянiя прiиде на нихъ, и лѣто избавленiя при­­спѣ:
63:5 См.: 🔗Пс. 97:1 🔗Ис. 59:16	и воз­зрѣхъ, и не бѣ помощника: и помыслихъ, и никтоже заступи: и избави я мышца моя, и ярость моя наста:
63:6 См.: 🔗Ис. 49:26	и попрахъ я гнѣвомъ мо­имъ и сведохъ кровь ихъ въ землю.
63:7	Милость Господню помянухъ, добродѣтели Господни во всѣхъ, имиже намъ воз­даетъ: Господь, судiя благъ дому Израилеву, наводитъ намъ по милости сво­ей и по множе­ст­ву правды сво­ея.
63:8	И рече: не людiе ли мо­и? чада, и не от­вергнут­ся. И бысть имъ во спасенiе от­ всякiя скорби ихъ.
63:9 См.: 🔗Втор. 7:7 🔗Втор. 32:11 🔗Исх. 19:4	Не ходатай, ниже ангелъ, но самъ Господь спасе ихъ, зане любитъ ихъ и щадитъ ихъ: самъ избави ихъ и воспрiятъ ихъ и воз­несе ихъ во вся дни вѣка.
63:10 См.: 🔗Чис. 14:11 🔗Пс. 77:57	Тіи же не покоришася и разгнѣваша Духа святаго его, и обратися имъ на вражду, и той во­ева на ня.
63:11 См.: 🔗Исх. 14:30	И помяну дни вѣчныя: гдѣ воз­ведый от­ земли {Въ нѣк.: от­ моря.} пастыря овецъ сво­ихъ? гдѣ есть вложивый въ нихъ Духа святаго?
63:12 См.: 🔗Исх. 14:21 🔗Чис. 14:17	Возведшая десницею Моисеа, мышца славы его раздѣли воду предъ лицемъ его сотворити ему имя вѣчно,
63:13 См.: 🔗Прем. 19:9	проведе ихъ сквоз­ѣ бездну, якоже коня сквоз­ѣ пустыню, и не утрудишася,
63:14 См.: 🔗Пс. 105:8	и яко скоты по полю, и сниде Духъ от­ Господа и настави ихъ: тако провелъ еси люди твоя сотворити тебѣ самому имя славно.
63:15 См.: 🔗Втор. 26:15 🔗Вар. 2:16	Обратися, Господи, от­ небесе и виждь от­ дому святаго тво­его и славы тво­ея: гдѣ есть ревность твоя и крѣпость твоя? гдѣ есть множе­с­т­во милости тво­ея и щедротъ тво­ихъ, яко терпѣлъ еси намъ?
63:16 См.: 🔗Ис. 64:8	Ты бо еси Отецъ нашъ, понеже Авраамъ не увѣдѣ насъ, и Израиль не позна насъ, но ты, Господи, Отецъ нашъ, избави ны, исперва имя твое на насъ есть.
63:17 См.: 🔗Рим. 11:7 🔗2Кор. 3:14 🔗Втор. 32:9	Что уклонилъ еси насъ, Господи, от­ пути тво­его? и ожесточилъ еси сердца наша, еже не боятися тебе? Обратися ради рабъ тво­ихъ, ради племенъ достоянiя тво­его,
63:18 См.: 🔗Пс. 73:3	да [поне] мало наслѣдимъ горы святыя тво­ея. Противницы наши попраша святыню твою:
63:19 См.: 🔗Ис. 64:10	быхомъ яко исперва, егда не владѣлъ еси нами, ниже бѣ нарѣчено имя твое на насъ.