Книга пророка Исаии, глава 65

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 65
65:1 См.: 🔗Ис. 66:19 🔗Рим. 9:24 🔗Рим. 10:20 🔗Еф. 2:12	Явленъ быхъ не ищущымъ мене, обрѣтохся не вопрошающымъ о мнѣ, рекохъ: се, есмь: языку, иже не при­­зваша имене мо­его.
65:2 См.: 🔗Прит. 1:24 🔗Ис. 50:2	Прострохъ руцѣ мо­и весь день къ людемъ не покаряющымся и противу глаголющымъ, иже не ходиша путемъ истин­нымъ, но вслѣдъ грѣховъ сво­ихъ.
65:3 См.: 🔗Втор. 32:5 🔗Ис. 1:29	Людiе сіи разгнѣвляющiи мя предъ лицемъ мо­имъ присно: тіи жертвы при­­носятъ въ вертоградѣхъ и кадятъ во чрепѣхъ бѣсомъ, иже не суть,
65:4 См.: 🔗Втор. 14:8	и во гробѣхъ и во пещерахъ лежатъ сонiй ради, иже ядятъ мяса свиная и юху требъ, осквернени сосуди ихъ вси:
65:5 См.: 🔗Ис. 66:5 🔗Рим. 14:3 🔗Иер. 4:4	иже глаголютъ: от­иди от­ мене, не при­­коснися мнѣ, яко чистъ есмь. Сей дымъ ярости мо­ея, огнь горитъ въ немъ вся дни.
65:6 См.: 🔗Иер. 17:1	Се, написася предо мною: не умолчу, дондеже от­дамъ въ нѣдра имъ грѣхи ихъ и грѣхи отецъ ихъ, глаголетъ Господь:
65:7 См.: 🔗Иез. 18:6	иже кадяху на горахъ и на холмѣхъ укориша мя, от­дамъ дѣла ихъ въ нѣдра имъ.
65:8 См.: 🔗Мф. 24:22	Тако глаголетъ Господь: имже образомъ обрѣтает­ся ягода на грезнѣ, и рекутъ: не погуби его, яко благословенiе есть въ немъ: тако сотворю служащаго ми ради, не имамъ всѣхъ погубити ради его:
65:9	и изведу изъ Иакова сѣмя и изъ Иуды, и наслѣдитъ гору святую мою, и наслѣдятъ избран­нiи мо­и и раби мо­и и вселят­ся тамо.
65:10 См.: 🔗Ис. 35:2 🔗Нав. 7:26	И будутъ во дубравѣ ограды стадомъ, и юдоль Ахорская въ покоище говядовъ людемъ мо­имъ, иже взыскаша мене.
65:11 См.: 🔗Иер. 7:18	Вы же, оставив­шiи мя и забывающiи гору святую мою, и уготовляющiи демону трапезу и исполняющiи щастiю ра­ст­воренiе,
65:12 См.: 🔗Прит. 1:24 🔗Иер. 7:13 🔗Иер. 35:14 🔗Ис. 66:4	азъ предамъ васъ подъ мечь, вси закланiемъ падете: яко звахъ васъ, и не послушасте, глаголахъ, и преслушасте и сотвористе лукавое предо мною, и яже не хотѣхъ, избрасте.
65:13 См.: 🔗Лк. 6:25	Сего ради тако глаголетъ Господь: се, работа­ю­щiи ми ясти будутъ, вы же взалчете: се, работа­ю­щiи ми пити будутъ, вы же воз­жаждете:
65:14	се, работа­ю­щiи ми воз­радуют­ся, вы же посрамитеся: се, работа­ю­щiи ми воз­веселят­ся въ веселiи сердца, вы же возопiете въ болѣзни сердца ва­шего и от­ сокрушенiя духа восплачетеся.
65:15 См.: 🔗Чис. 5:21 🔗Деян. 11:26 🔗Гал. 3:14	Оставите бо имя ва­ше въ насыщенiе избран­нымъ мо­имъ, васъ же избiетъ Господь: работа­ю­щымъ же мнѣ наречет­ся имя новое,
65:16 См.: 🔗Втор. 6:13	еже благословит­ся на земли, благословятъ бо Бога истин­наго: и кленущiися на земли клятися будутъ Богомъ истин­нымъ, забудутъ бо печаль свою первую, и не взыдетъ имъ на сердце.
65:17 См.: 🔗2Пет. 3:13 🔗Отк. 21:1 🔗Ис. 43:18 🔗Ис. 66:22	Будетъ бо небо ново и земля нова, и не помянутъ прежнихъ, ниже взыдутъ на сердце ихъ,
65:18 См.: 🔗Иер. 31:13	но радость и веселiе обрящутъ на ней, яко се, азъ творю веселiе Иерусалиму и людемъ мо­имъ радость.
65:19 См.: 🔗Ис. 61:3 🔗Ис. 62:5 🔗Отк. 21:4	И воз­веселюся о Иерусалимѣ и воз­радуюся о людехъ мо­ихъ, и ксему не услышит­ся въ немъ гласъ плача, ни гласъ вопля,
65:20 См.: 🔗Зах. 8:4	ниже будетъ тамо младенецъ, ни старецъ, иже не исполнитъ лѣтъ сво­ихъ: будетъ бо юный ста лѣтъ, умираяй же грѣшникъ ста лѣтъ и проклятъ будетъ.
65:21 См.: 🔗Ис. 62:8	И созиждутъ домы и сами вселят­ся, и насадятъ винограды и сами снѣдятъ плоды ихъ.
65:22 См.: 🔗Пс. 1:3 🔗Пс. 91:13	Не созиждутъ, да иніи вселят­ся, и не насадятъ, да иніи снѣдятъ: якоже бо дніе древа жизни, будутъ дніе людій мо­ихъ: дѣла бо трудовъ ихъ обетшаютъ.
65:23 См.: 🔗Ис. 61:9 🔗Евр. 6:10	Избран­нiи же мо­и не имутъ трудитися вотще, ниже породятъ чадъ на проклятiе, яко сѣмя благословено есть Богомъ, и внуцы ихъ съ ними будутъ.
65:24 См.: 🔗Пс. 33:16 🔗Ис. 58:9	И будетъ, прежде неже воз­звати имъ, азъ услышу ихъ, еще глаголющымъ имъ, реку: что есть?
65:25 См.: 🔗Ис. 11:6	Тогда волцы и агнцы имутъ пастися вкупѣ, и левъ яко волъ снѣсть плевы, и змiя землю яко хлѣбъ: не повредятъ, ниже погубятъ на горѣ святѣй мо­ей, глаголетъ Господь.