Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 См.: 🔗Мф. 4:15 | Сiе прежде испій, скоро твори, страно Завулоня и земле Нефѳалимля, и прочiи при мори живущiи, и объ ону страну Иордана, Галилеа языковъ. |
9:2 | Людiе ходящiи во тмѣ видѣша свѣтъ велiй: живущiи во странѣ и сѣни смертнѣй, свѣтъ возсiяетъ на вы. |
9:3 См.: 🔗Рим. 15:9 🔗Пс. 118:162 | Множайшiи людiе, яже извелъ еси, въ веселiи твоемъ: и возвеселятся предъ тобою, якоже веселящiися въ жатву, и якоже веселятся дѣлящiи корысти. |
9:4 | Зане отъятся яремъ лежай на нихъ, и жезлъ, иже на выи ихъ: жезлъ бо истязующихъ разсыпа Господь, якоже въ день, иже на Мадiама. |
9:5 См.: 🔗Иез. 39:9 | Яко всякую одежду собранну лестiю и ризу съ примиренiемъ отдадутъ, и восхотятъ, да быша огнемъ сожжены были. |
9:6 | Яко отроча родися намъ, Сынъ, и дадеся намъ, егоже началство бысть на рамѣ его: и нарицается имя его: велика совѣта ангелъ, чуденъ, совѣтникъ, Богъ крѣпкiй, властелинъ, князь мира, Отецъ будущаго вѣка: приведу бо миръ на князи, миръ и здравiе ему. |
9:7 См.: 🔗Лк. 1:32 | И велiе началство его, и мира его нѣсть предѣла на престолѣ Давидовѣ и на царствѣ его, исправити е и заступити его въ судѣ и правдѣ, отнынѣ и до вѣка: ревность Господа Саваоѳа сотворитъ сiя. |
9:8 | Смерть {Евр.: слово.} посла Господь на Иакова, и прiиде на Израиля: |
9:9 | и уразумѣютъ вси людiе Ефремовы и живущiи въ самаріи, въ досажденiи и высоцѣмъ сердцы глаголюще: |
9:10 | плинѳы падоша, но прiидите, изсѣчемъ каменiе и посѣчемъ черничiе и кедры, и созиждемъ себѣ столпъ. |
9:11 | И разрушитъ Богъ востающыя на гору Сiоню, и враги его разсыплетъ: |
9:12 См.: 🔗Ис. 5:25 | сирію от востокъ солнца и еллины от запада солнца, поядающыя Израиля всѣми усты. Во всѣхъ сихъ не отвратися ярость его, но еще рука его высока. |
9:13 | И людiе не обратишася, дондеже язвени быша, и Господа не взыскаша. |
9:14 См.: 🔗Ис. 19:15 | И отъятъ Господь от Израиля главу и ошибъ, велика и мала, во единъ день: |
9:15 См.: 🔗Ис. 3:3 | старца и чудящихся лицамъ, сiе начало: и пророка учаща беззаконная, сей ошибъ. |
9:16 См.: 🔗Мф. 15:14 🔗Лк. 6:39 | И будутъ блажащiи людій сихъ льстяше, и льстятъ, яко да поглотятъ я. |
9:17 | Сего ради о юношахъ ихъ не возвеселится Господь, и сиротъ ихъ и вдовицъ ихъ не помилуетъ: яко вси беззаконнiи и лукавiи, и всякая уста глаголютъ неправду. Во всѣхъ сихъ не отвратися ярость его, но еще рука его высока. |
9:18 | И разгорится яко огнь беззаконiе, и яко троскотъ сухій пояденъ будетъ огнемъ, и разгорится въ чащахъ дубравныхъ и поястъ, яже окрестъ холмовъ вся. |
9:19 См.: 🔗Соф. 1:18 | За ярость гнѣва Господня сгорѣ вся земля, и будутъ людiе яко огнемъ пожжени: человѣкъ брата своего не помилуетъ, |
9:20 | но уклонится на десно, яко взалчетъ, и снѣсть от шуiихъ, и не насытится человѣкъ ядый плоти мышцы своея:– |
9:21 | –снѣсть бо Манассій Ефремово, и Ефремъ Манассіино, яко вкупѣ повоюютъ Иуду. 21Во всѣхъ сихъ не отвратися ярость [его], но еще рука его высока. |