Книга пророка Иеремии, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗1Пар. 6:60	Слово Божiе, еже бысть ко иереміи сыну хелкіеву от­ священ­никъ, иже обита­ше во Анаѳоѳѣ, въ земли Венiаминовѣ,
1:2 См.: 🔗4Цар. 21:26	якоже бысть слово Господне къ нему, во дни Иосіи сына Амоса царя Иудина, въ третiе­на­де­сять лѣто цар­ст­ва его,
1:3 См.: 🔗4Цар. 23:34 🔗4Цар. 24:17 🔗4Цар. 25:8	и бысть во дни Иоакима сына Иосіи царя Иудина, даже до перваго­на­де­сять лѣта седекіи сына Иосіи царя Иудина, даже до плѣненiя Иерусалимскаго въ месяцъ пятый.
1:4	И бысть слово Господне ко мнѣ глаголя:
1:5 См.: 🔗Гал. 1:15	прежде неже мнѣ создати тя во чревѣ, познахъ тя, и прежде неже изыти тебѣ изъ ложеснъ, освятихъ тя, пророка во языки поставихъ тя.
1:6 См.: 🔗Исх. 4:10	И рекохъ: о, сый Владыко Господи, се, не вѣмъ глаголати, яко отрокъ азъ есмь.
1:7	И рече Господь ко мнѣ: не глаголи, яко отрокъ азъ есмь, ибо ко всѣмъ, къ нимже послю тя, пойдеши, и вся, елика повелю тебѣ, воз­глаголеши:
1:8 См.: 🔗Втор. 31:6 🔗Иез. 3:9 🔗Нав. 11:6	не убойся от­ лица ихъ, яко съ тобою азъ есмь, еже избавити тя, глаголетъ Господь.
1:9 См.: 🔗Ис. 6:7 🔗Иер. 5:14	И простре Господь руку свою ко мнѣ и при­­коснуся устомъ мо­имъ, и рече Господь ко мнѣ: се, дахъ словеса моя во уста твоя:
1:10 См.: 🔗Сир. 49:9 🔗Иер. 18:7	се, поставихъ тя днесь надъ языки и надъ цар­ст­вы, да искорениши и разориши, и расточиши и разрушиши, и паки созиждеши и насадиши.
1:11	И бысть слово Господне ко мнѣ глаголя: что ты видиши, иереміе? И рекохъ: жезлъ орѣховый [азъ вижду].
1:12 См.: 🔗Дан. 9:14 🔗2Пет. 2:3	И рече Господь ко мнѣ: благо видѣлъ еси, понеже бдѣхъ азъ надъ словесы мо­ими, еже сотворити я.
1:13	И бысть слово Господне вторицею ко мнѣ глаголя: что ты видиши? И рекохъ: конобъ поджигаемый [азъ вижду] и лице его от­ лица сѣвера.
1:14 См.: 🔗Иер. 4:6 🔗Иер. 10:22 🔗Иер. 13:20	И рече Господь ко мнѣ: от­ лица сѣвера воз­горят­ся злая на всѣхъ обитающихъ на земли,
1:15 См.: 🔗Иер. 5:15	зане се, азъ созову вся цар­ст­ва земная от­ сѣвера, рече Господь: и прiидутъ и поставятъ кійждо престолъ свой въ преддверiихъ вратъ Иерусалимскихъ и на всѣхъ стѣнахъ окрестъ его и на всѣхъ градѣхъ Иудиныхъ:
1:16	и воз­глаголю къ нимъ съ судомъ о всяцѣй злобѣ ихъ, како оставиша мя и пожроша богомъ чуждимъ и поклонишася дѣломъ рукъ сво­ихъ.
1:17 См.: 🔗Лк. 12:35 🔗1Пет. 1:13	Ты же препояши чресла твоя, и востани и глаголи къ нимъ вся, елика заповѣдаю тебѣ: не убойся от­ лица ихъ, ниже устрашися предъ ними, яко съ тобою есмь, еже избавити тя, глаголетъ Господь:
1:18 См.: 🔗Иер. 15:20 🔗Иез. 3:8	се, положихъ тя днесь аки градъ твердъ и въ столпъ желѣзный, и аки стѣну мѣдяну, крѣпку всѣмъ царемъ Иудинымъ и княземъ его, и священ­никомъ его и людемъ земли:
1:19	и ратовати будутъ на тя и не премогутъ тя, понеже съ тобою азъ есмь, да избавлю тя, рече Господь.