Книга пророка Иеремии, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	Слышите слово Господне, еже глагола Господь на васъ, доме Израилевъ.
10:2 См.: 🔗Втор. 18:9	Сiя глаголетъ Господь: по путемъ языковъ не учитеся и от­ знаменiй небесныхъ не страшитеся, яко ихъ боят­ся языцы.
10:3 См.: 🔗Ис. 44:13	Понеже законы языковъ суетни суть: древо есть от­ лѣса изсѣченое, дѣло тектонское и слiянiе:
10:4 См.: 🔗Прем. 13:10 🔗Ис. 40:19	сребромъ и златомъ украшена суть, и млатами и гвоз­дьми утвердиша я, да не движут­ся:
10:5 См.: 🔗Пс. 113:12 🔗Ис. 46:7	сребро изваяно есть, не глаголютъ, носими носят­ся, понеже ходити не воз­могутъ: не убойтеся ихъ, яко не сотворятъ зла, и блага нѣсть въ нихъ.
10:6 См.: 🔗Пс. 85:8	Нѣсть подобенъ тебѣ, Господи: великъ еси ты и велико имя твое въ крѣпости.
10:7 См.: 🔗Отк. 15:4	Кто не убо­ит­ся тебе, о, Царю языковъ твоя бо честь между всѣми премудрыми языковъ, и во всѣхъ цар­ст­вахъ ихъ ни единъ есть подобенъ тебѣ.
10:8 См.: 🔗Пс. 113:16 🔗Ис. 41:29 🔗Ос. 8:6	Купно буiи и безумнiи суть, ученiе суетныхъ ихъ древо есть:
10:9	сребро извито от­ Ѳарсиса при­­ходитъ, злато от­ офаза, и рука златарей, дѣла вся художниковъ: въ синету и багряницу одѣютъ ихъ, дѣла умодѣлниковъ вся сiя.
10:10 См.: 🔗Пс. 9:37	Господь же Богъ истиненъ есть, той Богъ живый и Царь вѣчный, от­ гнѣва его подвигнет­ся земля, и не стерпятъ языцы прещенiя его.
10:11 См.: 🔗Гал. 4:8 🔗Вар. 3:18	Тако рцыте имъ: бози, иже небесе и земли не сотвориша, да погибнутъ от­ земли и от­ сихъ, иже подъ небесемъ суть.
10:12 См.: 🔗Пс. 135:6 🔗Иер. 51:15	Господь сотворивый землю во крѣпости сво­ей, устроивый вселен­ную въ премудрости сво­ей, и разумомъ сво­имъ простре небо.
10:13 См.: 🔗Пс. 134:7 🔗Пс. 148:4	Ко гласу сво­ему даетъ множе­с­т­во водъ на небеси: и воз­веде облаки от­ послѣднихъ земли, блистанiя въ дождь сотвори и изведе вѣтръ от­ сокровищъ сво­ихъ.
10:14 См.: 🔗Иер. 51:17 🔗Рим. 1:22	Буй сотворися всякъ человѣкъ от­ ума [сво­его], постыдѣся всякъ златодѣлникъ во изваянiихъ сво­ихъ, яко ложная слiя, нѣсть духа въ нихъ:
10:15	суетна суть дѣла, смѣху достойна, во время посѣщенiя сво­его погибнутъ.
10:16 См.: 🔗Иер. 51:19	Нѣсть сицевая часть Иакову, яко создавый вся той есть, и Израиль жезлъ достоянiя его, Господь силъ имя ему.
10:17	Собра от­внѣ имѣнiе, обитающее во избран­ныхъ,
10:18	понеже тако глаголетъ Господь: се, азъ от­вергу обитатели земли сея въ скорби и смущу ихъ, яко да обрящет­ся язва твоя.
10:19	Горе во сокрушенiи тво­емъ, болѣзнен­на язва твоя: азъ же рѣхъ: во­истин­ну сiя болѣзнь моя [есть] и объятъ мя, жилище мое опустѣ, погибе:
10:20	скинiя моя опустѣ, погибе, и вся кожи моя растерзашася: сыновъ мо­ихъ и овецъ мо­ихъ нѣсть, нѣсть ктому мѣста скинiи мо­ей, мѣста кожамъ мо­имъ:
10:21 См.: 🔗Иер. 50:6 🔗Ос. 9:7	понеже обуяша пастырiе и Господа не взыскаша, сего ради не уразумѣ все стадо и расточено бысть.
10:22 См.: 🔗Иер. 1:14	Гласъ слышанiя, се, грядетъ и трусъ велiй от­ земли сѣверныя, да положитъ грады Иудины въ запустѣнiе и во обитанiе змиемъ {струѳомъ}.
10:23 См.: 🔗Пс. 36:23 🔗Прит. 20:24	Вѣмъ, Господи, яко нѣсть человѣку путь его, ниже мужъ пойдетъ и исправитъ ше­ст­вiе свое.
10:24 См.: 🔗Пс. 6:2 🔗Пс. 37:2	Накажи насъ, Господи, обаче въ судѣ, а не въ ярости, да не умаленыхъ насъ сотвориши.
10:25 См.: 🔗Пс. 78:6 🔗Сир. 36:2	Излій гнѣвъ твой на языки не знающыя тя и на племена, яже имене тво­его не при­­зваша, яко поядоша Иакова и потребиша его и пажить его опустошиша.