Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 | И бысть слово Господне ко мнѣ, рекущее: и ты да не поймеши жены, |
16:2 См.: 🔗1Кор. 7:26 | и не родится тебѣ сынъ, ниже дщерь на мѣстѣ семъ. |
16:3 | Яко сiя глаголетъ Господь о сынѣхъ и дщерехъ, иже родятся на мѣстѣ семъ, и о матерехъ ихъ, яже родиша ихъ, и о отцѣхъ ихъ родившихъ я въ земли сей: |
16:4 | смертiю лютою изомрутъ, не оплачутся и не погребутся: во образъ на лицы земли будутъ и мечемъ падутъ и гладомъ скончаются, и будутъ трупiе ихъ во снѣдь птицамъ небеснымъ и звѣремъ земнымъ. |
16:5 См.: 🔗Иер. 13:14 | Сiя глаголетъ Господь: да не внидеши въ домъ ихъ пирный, ни да ходиши плакати, ниже да рыдаеши ихъ, понеже отъяхъ миръ мой от людій сихъ, рече Господь, милость и щедроты. |
16:6 См.: 🔗Лев. 19:27 | И умрутъ велицыи и малiи въ земли сей: не погребутся, ни оплачутся, ниже терзанiе о нихъ будетъ, ниже обріются ради ихъ, |
16:7 См.: 🔗Втор. 26:14 | и не преломятъ хлѣба во стенанiи ихъ ко утѣшенiю надъ мертвымъ, и не дадутъ имъ питiя чаши ко утѣшенiю надъ отцемъ и матерiю ихъ. |
16:8 См.: 🔗Иез. 24:22 | И въ домъ пирный да не внидеши сѣдѣти съ ними, еже ясти и пити. |
16:9 | Понеже сiя глаголетъ Господь силъ, Богъ Израилевъ: се, азъ отиму от мѣста сего во очiю вашею и во днехъ вашихъ гласъ радости и гласъ веселiя, гласъ жениха и гласъ невѣсты. |
16:10 См.: 🔗Иер. 5:19 | И будетъ, егда возвѣстиши людемъ симъ вся словеса сiя, и рекутъ къ тебѣ: вскую глаголалъ есть Господь на насъ вся злая сiя? кая неправда наша? и кій грѣхъ нашъ, имже согрѣшихомъ Господу Богу нашему? |
16:11 | И речеши къ нимъ: понеже оставиша мя отцы ваши, глаголетъ Господь, и идоша вслѣдъ боговъ чуждихъ, и послужиша имъ и поклонишася имъ, мене же оставиша и закона моего не сохраниша: |
16:12 См.: 🔗Иер. 7:26 | и вы горше дѣласте, неже отцы ваши, и се, вы ходите кійждо вслѣдъ похотей сердца вашего лукаваго, еже не слушати мене: |
16:13 См.: 🔗Втор. 4:27 | и изрину васъ от земли сея въ землю, еяже не вѣсте вы и отцы ваши, и послужите тамо богомъ чуждимъ день и нощь, иже не дадутъ вамъ милости. |
16:14 См.: 🔗Иер. 23:7 | Сего ради, се, дніе грядутъ, глаголетъ Господь, и не рекутъ ктому: живъ Господь, иже изведе сыновъ Израилевыхъ от земли Египетскiя: |
16:15 | но: живетъ Господь, иже изведе сыновъ Израилевыхъ от земли сѣверныя и от всѣхъ странъ, аможе извержени быша: и возвращу ихъ въ землю ихъ, юже дахъ отцемъ ихъ. |
16:16 | Се, азъ послю рыбари многи, рече Господь, и уловятъ ихъ: и посемъ послю многи ловцы, и уловятъ ихъ на всяцѣй горѣ и на всяцѣмъ холмѣ и от пещеръ каменныхъ. |
16:17 См.: 🔗Иов. 34:21 🔗Прит. 5:21 | Яко очи мои на всѣхъ путехъ ихъ, не сокровени суть от лица моего, и не утаена суть беззаконiя ихъ от очiю моею. |
16:18 См.: 🔗Ис. 40:2 | И воздамъ первѣе сугубая беззаконiя и грѣхи ихъ, имиже оскверниша землю мою въ мертвечинахъ мерзостей своихъ и въ беззаконiихъ своихъ, имиже наполниша достоянiе мое. |
16:19 | Господи, ты крѣпость моя и помощь моя и прибѣжище мое во днехъ злыхъ: къ тебѣ языцы прiидутъ от послѣднихъ земли и рекутъ: воистинну лживыхъ стяжаша отцы наши идоловъ, и нѣсть въ нихъ пользы. |
16:20 | Еда сотворитъ себѣ человѣкъ боги, и тіи не суть бози? |
16:21 | Сего ради, се, азъ покажу имъ во время сiе руку мою и знаему сотворю имъ силу мою, и познаютъ, яко имя мнѣ Господь. |