Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 27 | |
27:1 | Въ началѣ царства Иоакима сына Иосіина, царя Иудина, бысть слово сiе ко иереміи от Господа глаголя: |
27:2 См.: 🔗2Пар. 10:4 🔗Наум. 1:13 | тако рече Господь: сотвори себѣ узы и клады и возложи на выю свою, |
27:3 См.: 🔗Иер. 48:1 | и да послеши я ко царю Идумейску и ко царю Моавску и ко царю сыновъ Аммонихъ, и ко царю тирску и ко царю Сидонску, въ руку пословъ ихъ идущихъ срѣтенiемъ своимъ во Иерусалимъ ко седекіи царю Иудину, |
27:4 | и завѣщай имъ ко господемъ ихъ рещи: тако рече Господь Богъ Израилевъ: тако рцыте ко господемъ своимъ: |
27:5 См.: 🔗Дан. 4:22 | азъ сотворихъ землю и человѣка и скоты, яже на лицы земли, крѣпостiю моею великою и мышцею моею высокою, и дамъ ю, емуже будетъ угодно предъ очима моима. |
27:6 См.: 🔗Иер. 25:9 🔗Иер. 28:14 | И нынѣ азъ дахъ всю землю сiю въ руцѣ навуходоносору царю Вавилонску, да ему работаютъ, и звѣри селныя дахъ дѣлати ему: |
27:7 См.: 🔗Иер. 25:14 | и послужатъ ему вси языцы и сыну его и сыну сына его, дондеже прiидетъ время земли его и его самого, и послужатъ ему мнози народи и царiе велицы: |
27:8 | страна же и царство, елицы аще не поработаютъ царю Вавилонску и елицы не вдѣжутъ выи своея въ яремъ царя Вавилонска, мечемъ и гладомъ посѣщу ихъ, рече Господь, дондеже скончаются въ руцѣ его. |
27:9 См.: 🔗Иер. 23:16 | Вы же не слушайте лжепророкъ вашихъ и волхвующихъ вамъ и видящихъ сонiя вамъ, ни чарованiй вашихъ, ни обаятелей вашихъ глаголющихъ: не послужите царю Вавилонскому: |
27:10 | яко лжу прорицаютъ тіи вамъ, еже бы удалитися вамъ от земли вашея, извергнути васъ и еже погибнути вамъ. |
27:11 | Страна же, яже склонитъ выю свою подъ яремъ царя Вавилонска и послужитъ ему, оставлю ю на земли своей, глаголетъ Господь: и орати будетъ ю и вселится на ней. |
27:12 | И ко седекіи царю Иудину глаголахъ по всѣмъ словесемъ симъ, глаголя: склоните выи вашя подъ иго царя Вавилонска и служите ему и людемъ его, и живи будете: |
27:13 См.: 🔗Иез. 18:32 | почто умираете, ты и людiе твои, мечемъ и гладомъ и моромъ, якоже рече Господь ко странамъ, не хотѣвшымъ служити царю Вавилонску? |
27:14 См.: 🔗Вар. 2:24 | не послушайте словъ пророковъ глаголющихъ вамъ: не послужите царю Вавилонску: |
27:15 См.: 🔗Иер. 14:14 🔗Иер. 23:21 | яко неправедно тіи прорицаютъ вамъ: яко не послахъ ихъ, рече Господь, тіи же прорицаютъ именемъ моимъ о неправдѣ, еже бы погубити васъ, и погибнете вы и пророцы ваши, прорицающiи вамъ о неправдѣ ложная. |
27:16 См.: 🔗Иер. 28:3 | Вамъ и всѣмъ людемъ симъ и жерцемъ глаголахъ, рекій: тако рече Господь: не слушайте словесъ пророческихъ, прорицающихъ вамъ лжу и глаголющихъ: се, сосуди дому Господня возвратятся от Вавилона нынѣ вскорѣ: яко лжу прорицаютъ вамъ, |
27:17 | не послушайте ихъ, но служите царю Вавилонскому, да живи будете. Вскую даете градъ сей въ запустѣнiе? |
27:18 | Аще суть пророцы и есть слово Господне въ нихъ, да предстанутъ Господу Вседержителю, да не отидутъ сосуди, оставшiися въ дому Господни и въ дому царя Иудина и во Иерусалимѣ, въ Вавилонъ. |
27:19 См.: 🔗4Цар. 25:13 🔗Иер. 52:17 | Тако бо глаголетъ Господь Вседержитель о столпѣхъ и о умывалницѣ, и о подставахъ и о прочихъ сосудѣхъ оставшихся во градѣ семъ, |
27:20 См.: 🔗4Цар. 24:12 | ихже не взя навуходоносоръ царь Вавилонскiй, егда пресели Иехонію сына Иоакимова, царя Иудина, изъ Иерусалима въ Вавилонъ, и вся старѣйшины Иудины и Иерусалимли. |
27:21 | Тако бо глаголетъ Господь Вседержитель Богъ Израилевъ о сосудѣхъ оставшихся въ дому Господни и въ дому царя Иудина и во Иерусалимѣ: |
27:22 См.: 🔗4Цар. 25:13 🔗2Пар. 36:18 | въ Вавилонъ принесутся и тамо будутъ даже до дне посѣщенiя своего, глаголетъ Господь: и повелю принести я и возвратити на мѣсто сiе. |