Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 30 | |
30:1 | Слово бывшее ко иереміи от Господа глаголя: |
30:2 См.: 🔗Иер. 36:2 | тако рече Господь Богъ Израилевъ глаголя: впиши вся словеса въ книги, яже глаголахъ къ тебѣ. |
30:3 См.: 🔗Иер. 25:12 | Яко се, дніе грядутъ, рече Господь, и возвращу преселенiе людій моихъ Израиля и Иуды, рече Господь Вседержитель, и возвращу я на землю, юже дахъ отцемъ ихъ, и овладѣютъ ею. |
30:4 | И сiя словеса, яже глагола Господь о Израили и о Иудѣ. |
30:5 | Тако рече Господь: гласъ страха услышите: страхъ, и нѣсть мира. |
30:6 См.: 🔗Иер. 4:31 | Вопросите и видите, аще раждаетъ мужескъ полъ? и о страсѣ, въ немже имѣти будутъ чресла и спасенiе? понеже видѣхъ всякаго человѣка, и руцѣ его на чреслѣхъ его аки раждающiя: обратишася лица въ желтую болѣзнь. |
30:7 | О, лютѣ! яко бысть великъ день той и нѣсть подобна ему: и время тѣсно есть Иакову, и от того спасется. |
30:8 | Въ той день, рече Господь, сокрушу яремъ со выи ихъ и узы ихъ расторгну: и не послужатъ тіи ктому чуждимъ, |
30:9 См.: 🔗Иез. 34:24 | но послужатъ тіи Господу Богу своему: и давида царя ихъ возставлю имъ. |
30:10 См.: 🔗Ис. 44:2 🔗Иер. 46:27 | Сего ради ты не бойся, рабе мой Иакове, глаголетъ Господь, ни устрашайся, Израилю: яко се, азъ спасу тя изъ земли дальнiя и сѣмя твое изъ земли плѣненiя ихъ: и возвратится паки Иаковъ и почіетъ и всякаго добра исполненъ будетъ, и не будетъ устрашаяй тя. |
30:11 | Яко азъ съ тобою есмь, глаголетъ Господь, спасаяй тя: яко сотворю скончанiе во всѣхъ языцѣхъ, въ няже разсѣяхъ тя: тебе же не сотворю во скончанiе, но накажу тя въ судѣ и очищая не очищу тя. |
30:12 См.: 🔗Иер. 8:22 | Тако бо глаголетъ Господь: возставихъ сокрушенiе твое, болѣзненна есть язва твоя, |
30:13 | нѣсть судяй суда твоего, на болѣзнь врачевался еси, пользы нѣсть тебѣ: |
30:14 См.: 🔗Плч. 1:19 🔗Иер. 2:19 | вси друзiе твои забыша тя, ниже вопросятъ тя, яже о мирѣ твоемъ: яко язвою вражiею поразихъ тя, наказанiемъ твердымъ: множества ради неправды твоея превозмогоша грѣси твои. |
30:15 См.: 🔗Иер. 13:22 🔗Иер. 15:18 | Что вопiеши о сокрушенiи твоемъ? неисцѣльна есть болѣзнь твоя множества ради неправды твоея, и твердыхъ ради грѣховъ твоихъ сотворихъ ти сiя [вся]. |
30:16 См.: 🔗Исх. 23:22 🔗Ис. 41:11 | Того ради вси ядущiи тя изъядени будутъ, и вси врази твои плоть ихъ всю изъядятъ: во множествѣ неправды твоея умножишася грѣси твои, сотвориша сiя тебѣ: и будутъ разграбляющiи тя въ разграбленiе, и всѣхъ плѣняющихъ тя дамъ во плѣненiе. |
30:17 См.: 🔗Иер. 33:6 | Яко обяжу язву твою и от ранъ твоихъ уврачую тя, рече Господь: яко расточеннымъ называху тя, Сiоне ловитва наша есть, яко нѣсть взыскающаго его. |
30:18 См.: 🔗Иер. 31:23 | Тако глаголетъ Господь: се, азъ возвращу преселенiе Иаковле и плѣнники его помилую, и возградится градъ въ высоту свою, и храмъ по чину своему утвердится: |
30:19 | и изыдутъ изъ него поющiи и гласъ играющихъ, и умножу я, и не умалятся. |
30:20 | И внидутъ сынове ихъ якоже и прежде, и свидѣнiя ихъ предъ лицемъ моимъ исправятся: и посѣщу на вся стужающыя имъ, |
30:21 | и будутъ крѣпльшiи его на ня, и князь его изъ него изыдетъ: и соберу я, и обратятся ко мнѣ: кто бо есть той, иже приложитъ сердце свое обратитися ко мнѣ? рече Господь. |
30:22 См.: 🔗Иер. 24:7 | И будете ми въ люди, и азъ вамъ буду въ Бога. |
30:23 См.: 🔗Иер. 23:19 | Яко гнѣвъ Господень изыде яръ, изыде гнѣвъ обращаемь, на нечестивыя прiидетъ. |
30:24 См.: 🔗Иер. 23:20 | Не отвратится гнѣвъ ярости Господни, дондеже сотворитъ и дондеже исполнитъ умышленiе сердца своего: въ послѣднiя дни познаете я. |