Книга пророка Иеремии, глава 48

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 48
48:1 См.: 🔗Иез. 25:8	О Моавѣ тако рече Господь Вседержитель, Богъ Израилевъ: о, лютѣ Нававу, яко погибе, взяся карiаѳаимъ, посрамися Масигаѳъ и побѣжденъ есть.
48:2 См.: 🔗Иер. 11:19	Нѣсть ктому цѣленiе въ Моавѣ, веселiе во есевонѣ, помыслиша нань злая: прiидите и потребимъ я от­ языкъ: [сего ради] молчя умолкнеши, пойдетъ за тобою мечь.
48:3	Гласъ вопля от­ оронаима, погубленiе и сотренiе велико.
48:4	Сотреся Моавъ, воз­вѣстите вопль малыхъ его.
48:5 См.: 🔗Ис. 15:5	Яко исполнися алаоѳъ плача: взыдетъ рыдая путемъ оронаима, врази, вопль сотренiя слышасте.
48:6	Бѣжите и спасите душы вашя, и будете яко оселъ дивiй въ пустыни.
48:7 См.: 🔗Иер. 5:17 🔗Иер. 49:4 🔗3Цар. 11:7	Понеже имѣлъ еси надежду во оградахъ тво­ихъ и въ сокровищихъ тво­ихъ, и ты ятъ будеши: и пойдетъ хамосъ во преселенiе, и священ­ницы его и князи его вкупѣ.
48:8	И прiидетъ губитель на всякъ градъ, и не избавит­ся ни единъ градъ, и погибнутъ удолiя, и погубят­ся поля, якоже рече Господь.
48:9	Дайте знаменiе Моаву, яко при­­косновенiемъ при­­косновенъ будетъ, и вси гради его будутъ пусти и безъ живущихъ.
48:10	Проклятъ [человѣкъ] творяй дѣло Господне съ небреженiемъ, и проклятъ воз­браняяй мечу сво­ему от­ крове.
48:11 См.: 🔗Соф. 1:12	Почива­ше Моавъ от­ младости сво­ея и бѣ уповая на славу свою: не прелiяся от­ сосуда въ сосудъ и во преселенiе не отъиде: сего ради пребысть вкусъ его въ немъ, и воня его нѣсть премѣнена.
48:12	Сего ради, се, дніе грядутъ, глаголетъ Господь, и послю ему преселители, и преселятъ его, и сосуды его истощатъ и роги его сокрушатъ:
48:13 См.: 🔗3Цар. 12:29	и посрамит­ся Моавъ от­ хамоса, якоже посрамленъ есть домъ Израилевъ от­ Веѳиля, въ немже имяху надежду.
48:14	Како глаголете: сильни есмы и мужiе крѣпцы во бранехъ?
48:15	Погибе Моавъ, градъ его, и избран­нiи юноши его снидоша подъ мечь, глаголетъ Царь, Господь Вседержитель имя его.
48:16	Близъ день Моавль, еже прiити, и зло его скоро зѣло.
48:17	Утѣшайте его вси, иже окрестъ его, и вси вѣдящiи имя его: рцыте, како сокрушися жезлъ крѣпости, палица славна?
48:18 См.: 🔗Ис. 47:1	Сниди от­ славы и сяди, во влагѣ живущая, дщи дивоня, яко губитель Моавскiй взыдетъ на тя разрушаяй ограды твоя.
48:19	На пути стани и воз­зри, живущая во Аро­ирѣ, и вопроси бѣжащаго и избѣгшаго, и рцы: что се бысть?
48:20 См.: 🔗Ис. 16:7	Посрамися Моавъ, зане побѣжденъ есть: рыдайте и вопійте, воз­вѣстите во Арнонѣ, яко погибе Моавъ,
48:21	и судъ прiиде на землю напольную, на хелонъ и на рефасъ и на мофаѳъ,
48:22	и на Девонъ и на наво и на домъ Девлаѳаимъ,
48:23	и на карiаѳаимъ и на веѳгамулъ и на домъ маоновъ,
48:24 См.: 🔗Ам. 2:2 🔗Ис. 63:1	и на карiоѳъ и на Восора и на вся грады Моавли, иже далече и иже близъ суть.
48:25 См.: 🔗Плч. 2:3 🔗Иез. 30:21	Отсѣченъ есть рогъ Моавль, и мышца его сокрушися, глаголетъ Господь:
48:26	упойте его, яко на Господа воз­величися, и при­­разитъ Моавъ руку свою [о блевотину], и будетъ въ посмѣхъ и самъ.
48:27 См.: 🔗Иер. 2:26	И аще не въ посмѣхъ бысть тебѣ Израиль, аще въ тат­ст­вѣ тво­емъ обрѣтеся, яко во­евалъ еси его: преселишися инамо.
48:28	Оставите грады и пребывайте на камени, живущiи въ Моавѣ, и будите якоже голуби гнѣздящiися въ каменехъ, во устѣхъ скважни.
48:29 См.: 🔗Ис. 16:6	Слышахомъ гордость Моавлю, гордъ бѣ зѣло: презор­ст­во его и киченiе его, воз­ношенiе и воз­движенiе сердца его.
48:30	Азъ же вѣмъ дѣла его, глаголетъ Господь: не довол­ст­во ли его тако сотвори?
48:31	Сего ради надъ Моавомъ воз­рыдайте всюду, возопійте надъ мужи кирады смущенiя.
48:32 См.: 🔗Ис. 16:8	Яко плачемъ Иазировымъ восплачуся о тебѣ, винограде Асеримль! лѣторасли твоя про­идоша море, градовъ Иазировыхъ коснушася, на жатву твою и на вин­ное собиранiе твое хищникъ нападе.
48:33 См.: 🔗Ис. 16:10	Отята есть радость и веселiе от­ кармила и от­ земли Моавли, и вино от­ точилъ отъ­яхъ: никакоже изгнетаяй вин­ну ягоду по обычаю пѣсни воспо­етъ.
48:34 См.: 🔗Иер. 25:25 🔗Ис. 15:4	От вопля есевонска даже до Елеала и Иаса грады ихъ даша гласъ свой, от­ сигора даже до оронаима, и юница трилѣтная, понеже и воды немримъ во сожженiе будутъ.
48:35	И от­иму Моава, глаголетъ Господь, жрущаго на горахъ и кадящаго богомъ сво­имъ.
48:36 См.: 🔗Ис. 16:11 🔗Плч. 1:20	Того ради сердце Моава, яко цѣвницы звяцати будутъ, и сердце мое къ мужемъ кирады яко цѣвница звяцати будетъ: сего ради, яже при­­стяжа, погибоша от­ человѣкъ.
48:37 См.: 🔗Ис. 15:2 🔗Иез. 7:18	Всяка бо глава на всяцѣмъ мѣстѣ острижена будетъ, и всяка брада оброснет­ся, и всяка рука посѣчена будетъ, и на всяцѣмъ чреслѣ вретище,
48:38 См.: 🔗Иер. 22:28 🔗Иер. 51:34	и на всѣхъ храминахъ Моавскихъ и на стогнахъ его всякъ плачь, понеже сокрушихъ Моава, якоже сосудъ непотребенъ, глаголетъ Господь.
48:39	Како измѣнися? воз­рыдаша, како обрати хребетъ Моавъ и посрамися? и бысть Моавъ въ посмѣхъ и въ ненависть всѣмъ окрестъ себе.
48:40 См.: 🔗Авв. 1:8 🔗Дан. 7:4 🔗Ос. 8:1	Яко тако глаголетъ Господь: се, якоже орелъ полетитъ и распростретъ крилѣ сво­и на Моава,
48:41 См.: 🔗Иер. 30:6	взятъ есть карiоѳъ, и ограды его обсто­имы суть: и будетъ сердце сильныхъ Моавскихъ въ той день, яко сердце жены родящiя.
48:42	И погибнетъ Моавъ от­ людій, яко на Господа воз­величися.
48:43 См.: 🔗Ис. 24:17	Страхъ и пропасть и сѣть на тя, о, живущiй въ Моавѣ, глаголетъ Господь.
48:44 См.: 🔗Ам. 5:19	Иже убѣжитъ от­ лица страха, впадетъ въ пропасть: и излазяй изъ пропасти имет­ся сѣтiю: понеже наведу сiя на Моава въ лѣто посѣщенiя ихъ, глаголетъ Господь.
48:45 См.: 🔗Чис. 21:28	Во стѣни есевонстѣй сташа от­ силы избѣгше, огнь бо изыде от­ есевона и пламень от­ среды сеона, и пожже часть Моава и верхъ сыновъ смятенiя.
48:46 См.: 🔗Чис. 21:29	Горе тебѣ, Моаве! погибоша людiе хамоса, яко от­ведошася сынове тво­и и дщери твоя въ плѣнъ.
48:47 См.: 🔗Иер. 49:39	И воз­вращу плѣнъ Моавль въ послѣднiя дни, глаголетъ Господь. До здѣ судъ Моавль.