Книга пророка Иеремии, глава 50

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 50
50:1 См.: 🔗Ис. 13:1 🔗Ис. 14:4	Слово, еже рече Господь на Вавилонъ и на землю Халдейскую иереміею пророкомъ.
50:2 См.: 🔗Ис. 46:1	Возвѣстите во языцѣхъ и слышано сотворите, воз­двигните знаменiе, возопійте и не скрывайте, рцыте: плѣненъ бысть Вавилонъ, посрамися вилъ, побѣдися меродахъ, посрамишася изваянiя его, сокрушишася кумiры ихъ.
50:3 См.: 🔗Иер. 4:25 🔗Иер. 9:10	Яко прiиде нань языкъ от­ сѣвера, той положитъ землю его въ запустѣнiе, и не будетъ живяй въ ней от­ человѣка даже и до скота: подвигнушася, от­идоша.
50:4 См.: 🔗Ис. 55:6 🔗Ос. 3:5 🔗Ос. 6:1	Въ тыя дни и въ то время, глаголетъ Господь, прiидутъ сынове Израилевы, тіи и сынове Иудины вкупѣ ходяще и плачуще пойдутъ и Господа Бога сво­его взыщутъ.
50:5	Во Сiонъ испытаютъ стези, тамо бо обратив­ше лица своя прiидутъ и при­­ложат­ся ко Господу завѣтомъ вѣчнымъ, иже забвенiю не предаст­ся.
50:6 См.: 🔗Иер. 2:8 🔗Иер. 10:21 🔗Иез. 34:1	Овцы погибшыя быша людiе мо­и, пастырiе ихъ совратиша ихъ и сотвориша я крытися по горамъ: съ горы на холмъ ходиша.
50:7	Забыша ложа сво­его, вси обрѣтающiи ихъ снѣдаху ихъ, и врази ихъ рекоша: не пощадимъ ихъ, зане согрѣшиша Господу, пажить правды, собирающему отцевъ ихъ Господу.
50:8 См.: 🔗Ис. 48:20 🔗Иер. 51:6 🔗Отк. 18:4	Отидите от­ среды Вавилона и от­ земли Халдейски изыдите, и будите яко козлища предъ овцами.
50:9	Яко се, азъ воз­двигну и при­­веду на Вавилонъ собранiя языковъ великихъ от­ земли полунощныя, и ополчат­ся нань: от­туду плѣненъ будетъ, якоже стрѣла мужа сильна искусна не воз­вратит­ся праздна.
50:10	И будетъ земля Халдейска въ разграбленiе, вси грабителе ея наполнят­ся, глаголетъ Господь:
50:11 См.: 🔗Иез. 34:18	зане веселистеся и велерѣчивасте, расхищающе наслѣдiе мое, скакасте бо яко телцы на травѣ и бодосте якоже волы.
50:12	Поругана бысть мати ваша зѣло, и посрамися родив­шая васъ: се, послѣдняя во языцѣхъ пуста и непроходна и суха.
50:13 См.: 🔗Иер. 18:16 🔗Иер. 49:17	От гнѣва Господня не поживутъ во вѣкъ: но будетъ весь въ запустѣнiе, и всякъ ходяй сквоз­ѣ Вавилонъ подивит­ся и позвиждетъ надъ всякою язвою его.
50:14	Ополчитеся на Вавилонъ, вси окрестнiи наляцающiи лукъ, стрѣляйте нань, не щадите стрѣлъ вашихъ, понеже предъ Господемъ согрѣши,
50:15 См.: 🔗Втор. 32:35 🔗Рим. 12:19	воз­мите его: ослабѣша руцѣ его, падоша основанiя его, сокрушишася забрала его, яко месть Господня есть: от­мстите ему, якоже сотвори, сотворите ему:
50:16	потребите сѣмя от­ Вавилона, и держащаго серпъ во время жатвы от­ лица меча еллинска, кійждо къ людемъ сво­имъ обратит­ся, и кійждо въ землю свою убѣжитъ.
50:17 См.: 🔗4Цар. 15:19 🔗4Цар. 16:7 🔗4Цар. 17:3	Овча заблуждающее Израиль, львове изнуриша е: первѣе яде его царь Ассуръ, сей же послѣднiй и кости оглода ему навуходоносоръ царь Вавилонскiй.
50:18 См.: 🔗4Цар. 19:35 🔗Ис. 37:36	Сего ради тако глаголетъ Господь Вседержитель, Богъ Израилевъ: се, азъ посѣщу на царя Вавилонска и на землю его, якоже посѣтихъ на царя Ассурска,
50:19 См.: 🔗3Цар. 18:19 🔗Втор. 32:14	и воз­веду паки Израиля на пажить его, и упасет­ся въ кармилѣ и Васанѣ, и въ горѣ Ефремли и въ Галаадѣ, и насытит­ся душа его.
50:20 См.: 🔗Иер. 31:34 🔗Иер. 33:8 🔗Дан. 9:24	Въ тыя дни и въ той часъ, глаголетъ Господь, по­ищутъ неправды Израилевы, и не будетъ, и грѣховъ Иудиныхъ, и не обрящут­ся: яко милостивъ буду имъ остав­шымся.
50:21	На землю владѣющихъ взыди и на живущихъ въ ней посѣти, разори и убій сущыя по нихъ, глаголетъ Господь: и сотвори вся, елика заповѣдаю тебѣ.
50:22	Гласъ брани и сотренiе велико въ земли Халдейстѣй.
50:23 См.: 🔗Ис. 13:19 🔗Ис. 14:4 🔗Отк. 18:17	Како сокрушися и сотреся млатъ всея земли? како обратися въ пустыню Вавилонъ во языцѣхъ?
50:24	Взыдутъ на тя, и плѣненъ будеши, и не познаеши, яко Вавилонъ еси: обрѣтенъ и ятъ еси, понеже разгнѣвалъ еси Господа.
50:25 См.: 🔗Втор. 32:34 🔗Ис. 13:5 🔗Рим. 2:5	Отверзе Господь сокровища своя и изнесе сосуды гнѣва сво­его, яко дѣло есть Господу Вседержителю въ земли Халдейстѣй:
50:26	яко прiидоша времена его: от­верзите хранилища его и испытайте и, аки вертепъ, и погубите его, да не будетъ останка его.
50:27 См.: 🔗Иер. 46:21 🔗4Цар. 25:9	Изсушите вся плоды его, и да снидутъ въ закланiе: горе имъ, яко прiиде день ихъ и часъ от­мщенiя ихъ.
50:28	Гласъ бѣжащихъ и избѣгшихъ от­ земли Вавилонскiя, да воз­вѣстятъ въ Сiонѣ от­мщенiе Господа Бога на­шего, от­мщенiе храма его.
50:29 См.: 🔗Отк. 17:16 🔗Отк. 18:6	Возвѣстите на Вавилонъ многимъ, всѣмъ наляцающымъ лукъ, ополчитеся нань окрестъ: да не убѣжитъ ни единъ изъ него: воз­дайте ему по дѣломъ его, по всему, елика сотвори, сотворите ему, яко воста на Господа Бога святаго Израилева.
50:30 См.: 🔗Иер. 49:26	Сего ради падутъ юноши его на стогнахъ его, и вси мужiе воинстiи его низвержени будутъ въ той день, глаголетъ Господь.
50:31 См.: 🔗Иер. 46:10 🔗Отк. 18:8	Се, азъ на тя, горде, глаголетъ Господь Богъ Вседержитель, яко прiиде день твой и часъ посѣщенiя тво­его:
50:32 См.: 🔗Иер. 11:16	и падетъ гордыня твоя и разрушит­ся, и не будетъ воз­ставляяй ю: и воз­жгу огнь въ дубравѣ его, и поястъ вся окрестная его.
50:33	Тако глаголетъ Господь Вседержитель: порабощенiе терпятъ сынове Израилевы и сынове Иудины, вкупѣ вси плѣнив­шiи ихъ поработиша ихъ, не хощутъ бо от­пустити ихъ.
50:34	Избавитель же ихъ сильный, Господь Вседержитель имя ему, судомъ судити имать супостаты своя, яко да избавитъ землю, и потрясетъ жительми Вавилонскими.
50:35	Мечь на халдеевъ, глаголетъ Господь, и на жители вавилонскiя, и на князи и на мудрыя его,
50:36	мечь на обаятели его, и буiи будутъ, и мечь на сильныя его, и ослабѣютъ:
50:37 См.: 🔗Иер. 51:30	мечь на кони его и на колесницы его, и на вся прочыя люди, иже суть посредѣ его, и будутъ яко жены: мечь на сокровища его, и расхитят­ся:
50:38	мечь на воды его, и постыдят­ся, яко земля изваян­ныхъ есть, и во островѣхъ хваляхуся.
50:39 См.: 🔗Ис. 13:21 🔗Отк. 18:2	Сего ради поживутъ мечты во островѣхъ, и поживутъ въ немъ дщери Сириновъ, и не будетъ живуща въ немъ ктому во вѣки, ниже соградит­ся от­ рода въ родъ.
50:40 См.: 🔗Быт. 19:25 🔗Иер. 49:18	Якоже преврати Господь Cодома и Гоморра и окрестныя грады ихъ, глаголетъ Господь, не пребудетъ тамо мужъ, ниже поживетъ въ немъ сынъ человѣчь.
50:41 См.: 🔗Иер. 6:22 🔗Мих. 5:5	Се, людiе идутъ от­ сѣвера, и языкъ великъ, и царiе мнози востанутъ от­ конецъ земли,
50:42	луки и щиты имуще, грозни суть и немилостиви: гласъ ихъ яко море воз­шумитъ, на кони воз­сядутъ, уготовани якоже огнь на брань противу тебе, дщи Вавилоня.
50:43 См.: 🔗Дан. 5:5	Услыша царь Вавилонскiй слухъ ихъ, и ослабѣша руцѣ его, скорбь объятъ его и болѣзни, яко раждающую.
50:44 См.: 🔗Иер. 49:19 🔗Иов. 41:1	Се, яко левъ изыдетъ от­ рыканiя Иорданова на мѣсто еѳана, яко скоро от­мщу ихъ от­ него, и всякаго юношу надъ нимъ поставлю. Кто бо подобенъ мнѣ? и кто можетъ стояти противу мене? и кто есть пастырь сей, иже воспротивит­ся лицу мо­ему?
50:45 См.: 🔗Иер. 49:20	Тѣмже слышите совѣтъ Господень, егоже совѣща на Вавилонъ, и умышленiя его, яже умысли на землю Халдейску: аще не исторгнут­ся агнцы овецъ ихъ, аще не будетъ разметана [вкупѣ съ ними] пажить ихъ.
50:46 См.: 🔗Иер. 49:21 🔗Иер. 51:29 🔗Отк. 18:15	От гласа бо плѣненiя Вавилонскаго потрясет­ся земля, и вопль во языцѣхъ слышанъ будетъ.