Книга Иова, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗Иов. 2:11 🔗Иов. 20:1	Отвѣщавъ же Софаръ Минейскiй, рече:
11:2 См.: 🔗Прит. 10:14	глаголяй много, и противо­услышитъ: или многорѣчивъ мнит­ся быти праведенъ? благословенъ рожден­ный от­ жены малолѣтенъ.
11:3	Не многъ во словесѣхъ буди: нѣсть бо противовѣщаяй ти.
11:4	Не глаголи бо, яко чистъ есмь дѣлы и безпороченъ предъ нимъ:
11:5	но како Господь воз­глаголетъ къ тебѣ и от­верзетъ устнѣ сво­и съ тобою?
11:6 См.: 🔗Пс. 50:8	Потомъ воз­вѣститъ ти силу премудрости, яко сугубъ будетъ въ сихъ, яже противу тебе: и тогда уразумѣеши, яко достойная тебѣ сбышася от­ Господа, имиже согрѣшилъ еси,
11:7 См.: 🔗Рим. 11:33 🔗1Кор. 2:11	Или слѣдъ Господень обрящеши? или въ послѣдняя достиглъ еси, яже сотвори Вседержитель?
11:8 См.: 🔗Пс. 138:8 🔗Иер. 23:24	Высоко небо, и что сотвориши? глубочае же сущихъ во адѣ что вѣси?
11:9	не должае ли мѣры земныя, или широты морскія?
11:10	Аще же превратитъ вся, кто речетъ ему: что сотворилъ еси?
11:11 См.: 🔗Пс. 93:9	Той бо вѣсть дѣла беззакон­ныхъ: видѣвъ же нелѣпая, не презритъ.
11:12	Человѣкъ же инако обилуетъ словесы: земный же рожден­ный от­ жены равенъ ослу пустын­ному.
11:13	Аще бо ты чисто положилъ еси сердце твое, воз­дѣваеши же руцѣ тво­и къ нему,
11:14 См.: 🔗Ис. 1:16	аще беззакон­но что есть въ руку твоею, далече сотвори е от­ тебе, неправда же въ жилищи тво­емъ да не вселит­ся:
11:15 См.: 🔗1Ин. 3:21	тако бо ти воз­сiяетъ лице, якоже вода чиста: совлечешися же скверны, и не убо­ишися,
11:16 См.: 🔗Иер. 12:11	и труда забудеши, якоже волны мимошедшiя, и не устрашишися.
11:17 См.: 🔗Пс. 36:6 🔗Ис. 58:8	Молитва же твоя, аки ден­ница, и паче полудне воз­сiяетъ ти жизнь:
11:18	уповая же будеши, яко будетъ ти надежда: от­ туги же и попеченiя явит­ся ти миръ:
11:19 См.: 🔗Лев. 26:5	упокоишися бо, и не будетъ боряй тя: премѣняющiися же мнози имутъ просити тя,
11:20 См.: 🔗Иов. 8:13 🔗Иов. 14:19	спасенiе же оставитъ ихъ: надежда бо ихъ пагуба, очи же нечестивыхъ истаютъ.