Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 | Отвѣщавъ же иовъ, рече: |
12:2 | убо вы ли едини есте человѣцы, или съ вами скончается премудрость? |
12:3 | И у мене сердце есть якоже и у васъ. |
12:4 См.: 🔗Иов. 17:6 🔗Прем. 5:3 | Праведенъ бо мужъ и непороченъ бысть въ поруганiе: |
12:5 | во время бо опредѣленое уготованъ бысть пасти от иныхъ, домы же его опустошены быти беззаконными. обаче никтоже да уповаетъ, лукавъ сый, неповиненъ быти, |
12:6 | елицы разгнѣвляютъ Господа, аки и истязанiя имъ не будетъ. |
12:7 | Но вопроси четвероногихъ, аще ти рекутъ, и птицъ небесныхъ, аще ти возвѣстятъ: |
12:8 | повѣждь земли, аще ти скажетъ, и исповѣдятъ ти рыбы морскія. |
12:9 См.: 🔗Прит. 16:4 🔗Ам. 3:6 | Кто убо не разумѣ во всѣхъ сихъ, яко рука Господня сотвори сiя? |
12:10 См.: 🔗Деян. 17:28 | Не въ руцѣ ли его душа всѣхъ живущихъ и духъ всякаго человѣка? |
12:11 См.: 🔗Иов. 34:3 | Ухо бо словеса разсуждаетъ, гортань же брашна вкушаетъ. |
12:12 См.: 🔗Иов. 15:10 | Во мнозѣмъ времени премудрость, во мнозѣ же житiи вѣдѣнiе. |
12:13 См.: 🔗Прем. 7:25 | У него премудрость и сила, у того совѣтъ и разумъ. |
12:14 См.: 🔗Ис. 22:22 🔗Отк. 3:7 | Аще низложитъ, кто созиждетъ? аще затворитъ от человѣковъ, кто отверзетъ? |
12:15 См.: 🔗Быт. 7:11 | Аще возбранитъ воду, изсушитъ землю: аще же пуститъ, погубитъ ю превративъ. |
12:16 | У него держава и крѣпость, у того вѣдѣнiе и разумъ. |
12:17 См.: 🔗Ис. 29:14 | Проводяй совѣтники плѣнены, судiи же земли ужаси: |
12:18 | посаждаяй цари на престолѣхъ и обвязуяй поясомъ чресла ихъ: |
12:19 | отпущаяй жерцы плѣнники, сильныхъ же земли низврати: |
12:20 См.: 🔗2Фес. 2:11 | измѣняяй устнѣ вѣрныхъ, разумъ же старцевъ уразумѣ: |
12:21 См.: 🔗Ис. 28:15 | изливаяй безчестiе на князи, смиренныя же изцѣли: |
12:22 | открываяй глубокая от тмы, изведе же на свѣтъ сѣнь смертную: |
12:23 | прельщаяй языки и погубляяй ихъ, низлагаяй языки и наставляяй ихъ: |
12:24 См.: 🔗Пс. 75:13 | измѣняяй сердца князей земныхъ, прельсти же ихъ на пути, егоже не вѣдяху, |
12:25 См.: 🔗Ис. 29:9 🔗Ис. 59:10 | да осяжутъ тму, а не свѣтъ, да заблудятъ же яко пiяный. |