Книга Иова, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1	Се, сiя видѣ око мое, и слыша ухо мое,
13:2 См.: 🔗Иов. 12:3 🔗Иов. 15:9	и вѣмъ, елика и вы вѣсте: и не неразумнѣе есмь васъ.
13:3	Но обаче и азъ ко Господу воз­глаголю, обличу же предъ нимъ, аще восхощетъ.
13:4 См.: 🔗Иов. 16:2	Вы бо есте врачеве неправеднiи и цѣлителе злыхъ вси,
13:5 См.: 🔗Прит. 17:28	буди же вамъ онѣмѣти, и сбудет­ся вамъ въ премудрость.
13:6	Слышите же обличенiе устъ мо­ихъ, суду же устенъ мо­ихъ вонмите.
13:7	Не предъ Богомъ ли глаголете и предъ нимъ вѣщаете лесть?
13:8	или уклонитеся, вы же сами судiи будите.
13:9	Добро бо, аще изслѣдитъ васъ: аще бо вси творящiи при­­ложитеся къ нему, обаче обличитъ вы.
13:10 См.: 🔗Втор. 10:17	Аще же и тай лицамъ удивитеся,
13:11	не движенiе ли его смятетъ васъ, боязнь же от­ него нападетъ на вы?
13:12	Отидетъ же величанiе ва­ше равно пепелу, тѣло же брен­но.
13:13	Умолчите, да воз­глаголю и почію от­ гнѣва.
13:14	Вземля плоти моя зубами, душу же мою положу въ руцѣ мо­ей.
13:15	Аще мя убiетъ сильный, понеже и нача, обаче воз­глаголю и обличу предъ нимъ:
13:16 См.: 🔗Мф. 7:23	и сiе ми сбудет­ся во спасенiе: не внидетъ бо предъ нимъ лесть.
13:17	Послушайте, послушайте глаголъ мо­ихъ: воз­вѣщу бо вамъ слышащымъ.
13:18	Се, азъ близъ есмь суда мо­его, вѣмъ азъ, яко праведенъ явлюся.
13:19	Кто бо есть судяйся со мною, да нынѣ умолчу и изчезну?
13:20	Двое же ми сотвориши, тогда от­ лица тво­его не скрыюся:
13:21 См.: 🔗Иов. 6:9	руку от­ мене от­ими, страхъ же твой да не ужасаетъ мя:
13:22 См.: 🔗Иов. 38:3	посемъ при­­зовеши, азъ же тя послушаю, или воз­глаголеши, азъ же ти дамъ от­вѣтъ.
13:23	Колицы суть грѣси мо­и и беззаконiя моя? научи мя, кая суть?
13:24 См.: 🔗Пс. 43:25 🔗Иов. 19:11 🔗Иов. 33:10	Почто крыешися от­ мене? мниши же мя противна суща тебѣ?
13:25	Или яко листъ движимь вѣтромъ убо­ишися? или яко сѣну носиму вѣтромъ противляешимися?
13:26 См.: 🔗Пс. 24:7	Яко написалъ еси на мя злая, обложилъ же ми еси юностныя грѣхи:
13:27	положилъ же еси ногу мою въ воз­браненiе: сохранилъ же еси дѣла моя вся: въ коренiя же ногъ мо­ихъ при­­шелъ еси:
13:28 См.: 🔗Иов. 4:19 🔗Ис. 51:8	иже обетшаютъ якоже мѣхъ, или якоже риза молiемъ изъядена.