Книга Иова, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Иов. 4:1 🔗Иов. 22:1	Отвѣщавъ же Елифазъ Ѳеманитинъ, рече:
15:2	еда премудрый дастъ от­вѣтъ разуменъ на вѣтръ, и наполни болѣзнiю чрево,
15:3	обличая глаголы, имиже не подобаетъ, и словесы, ихже ни кая польза?
15:4	Не и ты ли от­ринулъ еси страхъ? скончалъ же еси глаголы таковы предъ Господемъ?
15:5	Повиненъ еси глаголомъ устъ тво­ихъ, ниже разсудилъ еси глаголы сильныхъ.
15:6 См.: 🔗Мф. 12:37	Да обличатъ тя уста твоя, а не азъ, и устнѣ тво­и на тя воз­свидѣтел­ст­вуютъ.
15:7 См.: 🔗Прит. 8:25	Что бо? еда первый от­ человѣкъ рожденъ еси? или прежде холмовъ сгустил­ся еси?
15:8 См.: 🔗Ис. 40:13 🔗Иер. 23:18	или стро­енiе Господне слышалъ еси? или въ совѣтника тя употреби Богъ? и на тя [единаго] ли прiиде премудрость?
15:9 См.: 🔗Иов. 13:2	что бо вѣси, егоже не вѣмы? или что разумѣеши ты, егоже и мы [не разумѣемъ]?
15:10	И старъ и древенъ есть въ насъ, старшiй отца тво­его деньми.
15:11	Мало, о нихже согрѣшилъ еси, уязвленъ еси, вельми выше мѣры воз­глаголалъ еси.
15:12	Что дерзостно бысть сердце твое? или что воз­несостѣся очи тво­и?
15:13	Яко ярость изрыгнулъ еси предъ Господемъ, изнеслъ же еси изо устъ такова словеса?
15:14 См.: 🔗Быт. 6:5 🔗3Цар. 8:46 🔗2Пар. 6:36	Кто бо сый человѣкъ яко будетъ непороченъ? или аки будущiй праведникъ рожденъ от­ жены?
15:15 См.: 🔗Иов. 4:18	Аще во святыхъ не вѣритъ, небо же нечисто предъ нимъ,
15:16 См.: 🔗Кол. 2:13	кольми паче мерзкiй и нечистый мужъ, пiяй неправды, якоже питiе.
15:17	Возвѣщу же ти, послушай мене: яже нынѣ видѣхъ, воз­вѣщу ти,
15:18	яже премудрiи рекутъ, и не утаиша отцы ихъ,
15:19	имже единымъ дана бысть земля, и не найде иноплемен­никъ на ня.
15:20 См.: 🔗Прит. 28:1 🔗Ис. 48:22	Все житiе нечестиваго въ попеченiи, лѣта же изочтена дана сильному,
15:21 См.: 🔗Лев. 26:36	страхъ же его во ушесѣхъ его: егда мнитъ уже въ мирѣ быти, тогда прiидетъ нань низвращенiе:
15:22	да не вѣруетъ от­вратитися от­ тмы, осужденъ бо уже въ руки желѣза,
15:23 См.: 🔗Иов. 18:11 🔗Пс. 108:10	учиненъ же есть въ брашно неясытемъ: вѣсть же въ себѣ, яко ждетъ паденiя, день же теменъ превратитъ его,
15:24	бѣда же и скорбь объиметъ его, якоже во­еначалникъ напреди стояй падаетъ,
15:25 См.: 🔗Лев. 26:21	яко воз­несе руцѣ на Господа, предъ Господемъ же Вседержителемъ ожесточи выю,
15:26	тече же противу ему укоризною въ толщи хребта щита сво­его:
15:27 См.: 🔗Втор. 32:15 🔗Пс. 16:10 🔗Пс. 118:70	яко покры лице свое тукомъ сво­имъ и сотвори ометъ на стегнахъ: [хвала же его укоризна].
15:28	Да вселит­ся же во градѣхъ пустыхъ, внидетъ же въ домы ненаселен­ныя: а яже они уготоваша, иніи от­несутъ.
15:29	Ниже обогатит­ся, ниже останетъ имѣнiе его, не имать положити на землю сѣни,
15:30 См.: 🔗Иов. 4:9 🔗2Фес. 2:8	ниже избѣжитъ тмы: прозябенiе его да усушитъ вѣтръ, и да от­падетъ цвѣтъ его:
15:31	да не вѣритъ, яко стерпитъ, тщетная бо сбудут­ся ему.
15:32 См.: 🔗Иов. 22:16 🔗Пс. 54:24 🔗Пс. 72:19 🔗Еккл. 7:17	Посѣченiе его прежде часа растлѣетъ, и лѣторасль его не обли­ст­венѣетъ:
15:33	да объиманъ будетъ якоже недозрѣлая ягода прежде часа, да от­падетъ же яко цвѣтъ масличiя.
15:34 См.: 🔗Ис. 9:19	Послуше­с­т­во бо нечестиваго смерть, огнь же пожжетъ домы мздо­имцевъ:
15:35 См.: 🔗Пс. 7:15 🔗Ис. 59:4	во чревѣ же прiиметъ болѣзни, сбудет­ся же ему тщета,чрево же его понесетъ лесть.