Книга Иова, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1	Отвѣщавъ же иовъ, рече:
21:2	послушайте, послушайте словесъ мо­ихъ, да не будетъ ми от­ васъ сiе утѣшенiе:
21:3	потерпите ми, азъ же воз­глаголю, таже не посмѣетемися.
21:4	Что бо? еда человѣческо ми обличенiе? или почто не воз­ъярюся?
21:5 См.: 🔗Мих. 7:16	Воззрѣв­шiи на мя удивитеся, руку положше на ланитѣ.
21:6	Аще бо воспомяну, ужаснуся: обдержатъ бо плоть мою болѣзни.
21:7 См.: 🔗Иер. 12:1 🔗Авв. 1:13	Почто нечестивiи живутъ, обетшаша же въ богат­ст­вѣ?
21:8	Сѣмя ихъ по души, чада же ихъ предъ очима.
21:9 См.: 🔗Пс. 72:4 🔗Пс. 143:12	Домове ихъ обилнiи суть, страхъ же нигдѣ, раны же от­ Господа нѣсть на нихъ.
21:10	Говядо ихъ не изверже: спасена же бысть ихъ имущая во чревѣ и не лишися.
21:11	Пребываютъ же яко овцы вѣчныя, дѣти же ихъ предъиграютъ,
21:12 См.: 🔗Ис. 5:12 🔗Ам. 6:5	вземше псалтирь и гусли, и веселят­ся гласомъ пѣсни.
21:13	Скончаша во благихъ житiе свое, въ покои же адовѣ успоша.
21:14 См.: 🔗Иов. 22:17 🔗Иер. 2:20	Глаголютъ же Господеви: от­ступи от­ насъ, путій тво­ихъ вѣдѣти не хощемъ:
21:15 См.: 🔗Мал. 3:14	что достоинъ, яко да поработаемъ ему? и кая польза, яко да взыщемъ его?
21:16 См.: 🔗Иов. 22:18	Въ рукахъ бо ихъ бяху благая, дѣлъ же нечестивыхъ не надзираетъ.
21:17 См.: 🔗Иов. 18:5 🔗Иов. 29:3 🔗Иов. 38:15	Обаче же и нечестивыхъ свѣтилникъ угаснетъ, найдетъ же имъ развращенiе, болѣзни же ихъ объимутъ от­ гнѣва:
21:18 См.: 🔗Пс. 1:4 🔗Ис. 29:5 🔗Ос. 13:3	будутъ же аки плевы предъ вѣтромъ, или якоже прахъ, егоже взя вихръ.
21:19	Да оскудѣютъ сыномъ имѣнiя его: воз­дастъ противу ему, и уразумѣетъ.
21:20	Да узрятъ очи его свое убiенiе, от­ Господа же да не спасет­ся.
21:21 См.: 🔗Пс. 54:24 🔗Пс. 57:10	Яко воля его съ нимъ въ дому его, и числа месяцей его раздѣлишася.
21:22	Не Господь ли есть научаяй разуму и хитрости? тойже мудрыхъ разсуждаетъ.
21:23	Той умретъ въ силѣ простоты сво­ея, всецѣлъ же благодуше­ст­вуяй и благо­успѣваяй,
21:24	утроба же его исполнена тука, мозгъ же его разливает­ся.
21:25	Овъ же умираетъ въ горести души, не ядый ничтоже блага.
21:26 См.: 🔗Иов. 17:14	Вкупѣ же на земли спятъ, гнилость же ихъ покры.
21:27	Тѣмже вѣмъ васъ, яко дерзостiю належите ми,
21:28	яко речете: гдѣ есть домъ княжь? и гдѣ есть покровъ селенiй нечестивыхъ?
21:29	Вопросите мимоходящихъ путемъ, и знаменiя ихъ не чужда сотворите.
21:30 См.: 🔗Пс. 72:18 🔗Прит. 16:4	Яко на день пагубы соблюдает­ся нечестивый, и въ день гнѣва его от­веденъ будетъ.
21:31	Кто воз­вѣститъ предъ лицемъ его путь его, и еже той сотвори, кто воз­дастъ ему?
21:32	И той во гробъ от­несенъ бысть, и на гробищихъ побдѣ.
21:33	Усладися ему дробное каменiе потока, и вслѣдъ его всякъ человѣкъ отъидетъ, и предъ нимъ безчислен­нiи.
21:34 См.: 🔗Иов. 16:2	Како же мя утѣшаете суетными? а еже бы мнѣ почити от­ васъ, ничтоже.