Книга Иова, глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1 См.: 🔗Иов. 4:1 🔗Иов. 15:1	Отвѣщавъ же Елифазъ Ѳеманитинъ, рече:
22:2	не Господь ли есть научаяй разуму и хитрости?
22:3 См.: 🔗Иов. 35:7	Ибо кое попеченiе Господу, аще ты былъ еси дѣлы непороченъ? или [кая] польза, яко простъ творити будеши путь твой?
22:4	или опасенiе имѣя от­ тебе обличитъ тя и внидетъ съ тобою въ судъ?
22:5	Еда злоба твоя есть не многа? безчислен­нiи же тво­и суть грѣси?
22:6 См.: 🔗Иез. 18:7 🔗Ис. 58:7	Въ залогъ бо ималъ еси от­ братiи тво­ея вотще, одежду же нагихъ от­нималъ еси,
22:7 См.: 🔗Мф. 25:42	ниже водою жаждущихъ напо­илъ еси, но алчущихъ лишилъ еси хлѣба:
22:8	удивлял­ся же еси нѣкихъ лицу и повергалъ еси убогихъ на земли:
22:9	вдовицы же от­пустилъ еси тщы и сироты озлобилъ еси.
22:10 См.: 🔗2Цар. 22:6	Сего ради обыдоша тя сѣти, и поспѣши на тя рать велика:
22:11 См.: 🔗2Цар. 22:17	свѣтъ тебѣ тма бысть, уснув­шаго же вода тя покры.
22:12	Еда на высокихъ живый не при­­зираетъ? укоризною же воз­носящихся смири.
22:13 См.: 🔗Иов. 24:15 🔗Пс. 93:7 🔗Ис. 29:15	И реклъ еси: что разумѣ крѣпкiй? или во мрацѣ разсудитъ?
22:14	Облакъ покровъ его, и неувидимь будетъ, и кругъ небесе обходитъ.
22:15 См.: 🔗1Пет. 4:2	Еда стезю древнюю сохраниши, въ нюже ходиша мужiе неправедни,
22:16 См.: 🔗Иов. 15:32	иже яти быша прежде времене? рѣка текущая основанiя ихъ,
22:17	глаголющiи: что сотворитъ намъ Господь? или что нанесетъ на ны Вседержитель?
22:18 См.: 🔗Иов. 21:16	Иже исполнилъ есть домы ихъ благими: совѣтъ же нечестивыхъ далече от­ него.
22:19 См.: 🔗Пс. 106:42	Видѣв­ше праведницы воз­смѣяшася, непороченъ же глумляшеся имъ:
22:20 См.: 🔗Иез. 28:18	не погибе ли имѣнiе ихъ, и останки ихъ поястъ огнь?
22:21	Буди убо твердъ, аще претерпиши, потомъ плодъ твой будетъ во благихъ.
22:22	Прiими же изъ устъ его изрѣченiе и воспрiими словеса его въ сердце твое.
22:23 См.: 🔗Иов. 8:5	Аще же обратишися и смириши себе предъ Господемъ, и далече сотвориши от­ жилища тво­его неправду,
22:24	и положенъ будеши на персти въ камени, и якоже камень потока офирска.
22:25	Будетъ убо тебѣ Вседержитель помощникъ от­ врагъ, чиста же сотворитъ тя якоже сребро разжжено,
22:26	потомъ дерзновенiе воз­ъимѣеши предъ Богомъ, воз­зрѣвъ весело на небо.
22:27 См.: 🔗Пс. 49:15 🔗Ис. 58:9 🔗Ис. 65:24	Помольшуся же тебѣ къ нему, услышитъ тя, дастъ же ти обѣты твоя воз­дати,
22:28	устроитъ же ти жилище правды, на путехъ же тво­ихъ будетъ свѣтъ:
22:29 См.: 🔗Прит. 29:23 🔗Лк. 18:14	яко смирилъ еси себе, тогда речеши: воз­несеся, и поникша очима спасетъ,
22:30 См.: 🔗Пс. 17:21	избавитъ неповин­наго, и спасешися чистыма рукама тво­има.