Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 33 | |
33:1 | Но послушай, иове, словесъ моихъ и бесѣду мою внуши: |
33:2 | се бо, отверзохъ уста моя, и возглагола языкъ мой: |
33:3 | чисто сердце мое во словесѣхъ, разумъ же устну моею чистая уразумѣетъ: |
33:4 | Духъ Божiй сотворивый мя, дыханiе же Вседержителево поучающее мя: |
33:5 | аще можеши, даждь ми отвѣтъ къ симъ: потерпи, стани противу мене, и азъ противу тебе. |
33:6 См.: 🔗Иов. 10:9 🔗Еккл. 12:7 | От бренiя сотворенъ еси ты, якоже и азъ: от тогожде сотворенiя есмы: |
33:7 | не страхъ мой тя смятетъ, ниже рука моя тяжка будетъ на тя. |
33:8 | Обаче реклъ еси во ушы мои, и гласъ глаголъ твоихъ услышахъ, занеже глаголеши: |
33:9 | чистъ есмь азъ, не согрѣшая, непороченъ же есмь, ибо не беззаконновахъ: |
33:10 См.: 🔗Иов. 13:24 🔗Иов. 19:11 | зазоръ же на мя обрѣте и мнитъ мя, яко противника себѣ: |
33:11 См.: 🔗Иов. 13:27 | вложи же ногу мою въ древо и надсмотрялъ пути моя вся. |
33:12 См.: 🔗Иов. 34:7 | Како бо глаголеши, яко правъ есмь, и не послуша мене? Вѣченъ бо есть, иже надъ земными. |
33:13 | Глаголеши бо: чесо ради правды моея не услыша всяко слово? |
33:14 См.: 🔗Чис. 23:19 🔗1Цар. 15:29 | Единою бо возглаголетъ Господь, второе же во снѣ, или въ поученiи нощнѣмъ, |
33:15 См.: 🔗Иов. 4:13 | или, яко егда нападаетъ страхъ лютъ на человѣки, во дреманiихъ на ложи: |
33:16 См.: 🔗2Цар. 7:27 🔗Ис. 50:4 | тогда открыетъ умъ человѣческiй, видѣньми страха тацѣми ихъ устрашитъ, |
33:17 | да возвратитъ человѣка от неправды, тѣло же его от паденiя избави, |
33:18 | пощадѣ же душу его от смерти, еже не пасти ему на брани. |
33:19 | Паки же обличи его болѣзнiю на ложи и множество костей его разслаби: |
33:20 См.: 🔗Пс. 106:18 | всякаго же брашна пшенична не возможетъ прiяти, а душа его яди хощетъ, |
33:21 | дондеже согнiютъ плоти его, и покажетъ кости его тощя: |
33:22 | приближися же на смерть душа его, и животъ его во адѣ. |
33:23 | Аще будетъ тысяща ангелъ смертоносныхъ, единъ от нихъ не уязвитъ его: аще помыслитъ сердцемъ обратитися ко Господу, повѣсть же человѣку свой зазоръ, и безумiе свое покажетъ, |
33:24 | заступитъ е, еже не впасти ему въ смерть, обновитъ же тѣло его якоже повапленiе на стѣнѣ, кости же его исполнитъ мозга: |
33:25 | умягчитъ же его плоть якоже младенца, и устроитъ его возмужавша въ человѣцѣхъ. |
33:26 См.: 🔗Пс. 49:15 🔗Ис. 58:9 | Помолится же ко Господу и прiятъ имъ будетъ, внидетъ же лицемъ веселымъ со исповѣданiемъ, воздастъ же человѣкомъ правду свою. |
33:27 | Посемъ тогда зазритъ человѣкъ самъ себѣ, глаголя: яковая содѣвахъ? и не по достоинству истяза мя, о нихже согрѣшихъ: |
33:28 См.: 🔗1Кор. 11:32 | спаси душу мою, еже не внити во истлѣнiе, и жизнь моя свѣтъ узритъ. |
33:29 | Се, сiя вся творитъ крѣпкiй [Богъ] пути три съ мужемъ: |
33:30 См.: 🔗Пс. 55:14 🔗Пс. 102:4 | но избави душу мою от смерти, да животъ мой во свѣтѣ хвалитъ его. |
33:31 | Внимай, иове, и послушай мене, премолчи, и азъ возглаголю: |
33:32 | и аще тебѣ суть словеса, отвѣщай ми: глаголи, хощу бо оправдитися тебѣ: |
33:33 | аще же ни, ты послушай мене, умолчи, и научу тя премудрости. |