Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 34 | |
34:1 | Отвѣщавъ же Елiусъ, рече: |
34:2 | послушайте мене, премудрiи: свѣдущiи, внушите [доброе], |
34:3 См.: 🔗Иов. 12:11 | яко ухо словеса искушаетъ, гортань же вкушаетъ брашна. |
34:4 | Судъ изберемъ себѣ, уразумѣемъ посредѣ себе, что лучшее. |
34:5 | Яко рече иовъ: праведенъ есмь, Господь отъятъ ми судъ, |
34:6 См.: 🔗Иов. 6:4 | солга же суду моему: насильна стрѣла моя безъ неправды. |
34:7 См.: 🔗Иов. 15:16 | Кто мужъ, якоже иовъ, пiяй поруганiе, якоже воду, |
34:8 | не согрѣшая, ниже нечествовавъ, ниже приобщився къ творящымъ беззаконiя, еже ходити съ нечестивыми? |
34:9 См.: 🔗Иов. 9:22 🔗Мал. 3:14 | Не рцы бо, яко нѣсть посѣщенiя мужеви, и посѣщенiя ему от Господа. |
34:10 См.: 🔗Иов. 8:3 🔗Иов. 36:23 | Тѣмже, разумивiи сердцемъ, послушайте мене, не буди ми предъ Господемъ нечествовати и предъ Вседержителемъ возмутити правду: |
34:11 См.: 🔗Прит. 24:12 🔗Рим. 2:6 | но воздаетъ человѣкови, якоже творитъ кійждо ихъ, и на стези мужестѣй обрящетъ и. |
34:12 | Мниши же Господа нелѣпая сотворити, или Вседержитель смятетъ судъ, иже сотвори землю? |
34:13 См.: 🔗Иов. 38:4 | Кто же есть творяй поднебесную и яже въ ней всяческая? |
34:14 См.: 🔗Пс. 103:29 | Аще бо восхощетъ запретити и духъ у себе удержати, |
34:15 См.: 🔗Быт. 3:19 | умретъ всяка плоть вкупѣ, всякъ же человѣкъ въ землю пойдетъ, отнюдуже и созданъ бысть. |
34:16 | Аще же не увѣщаешися, послушай сихъ, внуши гласъ глаголъ. |
34:17 | Виждь ты ненавидящаго беззаконная и губящаго лукавыя, суща, вѣчна, праведна. |
34:18 | Нечестивъ есть глаголяй цареви, законъ преступаеши, нечестивѣйше, княземъ: |
34:19 | иже не постыдѣся лица честнаго, ниже вѣсть честь возложити сильнымъ, удивитися лицамъ ихъ. |
34:20 | Тще же имъ сбудется, еже возопити и молити мужа: зане употребиша беззаконно, безчестяще немощныхъ. |
34:21 | Той бо зритель есть дѣлъ человѣческихъ, утаися же от него ничтоже от тѣхъ, яже творятъ: |
34:22 | ниже будетъ мѣсто укрытися творящымъ беззаконная: |
34:23 | яко не на мужа положитъ еще. |
34:24 См.: 🔗Прит. 5:21 | Господь бо всѣхъ видитъ, постизаяй неизслѣдная, славная же и изрядная, имже нѣсть числа, |
34:25 См.: 🔗Иов. 27:20 | свѣдый ихъ дѣла, и обратитъ нощь, и смирятся. |
34:26 | Угаси же нечестивыя, видими же предъ нимъ: |
34:27 См.: 🔗Пс. 27:5 | яко уклонишася от закона Божiя, оправданiй же его не познаша, |
34:28 См.: 🔗Пс. 9:13 | еже вознести къ нему вопль нищихъ, и вопль убогихъ услышитъ. |
34:29 См.: 🔗Ин. 14:27 🔗Рим. 8:34 | И той тишину подастъ, и кто осудитъ? и сокрыетъ лице, и кто узритъ его? и на языкъ, и на человѣка вкупѣ, |
34:30 См.: 🔗Ос. 13:11 | иже поставляетъ царемъ человѣка лицемѣра за строптивость людій. |
34:31 | Яко къ крѣпкому глаголяй: взяхъ, не отиму вмѣсто залога: |
34:32 | безъ мене узрю, ты покажи ми: аще неправду содѣлахъ, не имамъ приложити. |
34:33 | Еда от тебе истяжетъ ю, яко ты отринеши, яко ты избереши, а не азъ ли? и что разумѣеши? глаголи. |
34:34 | Тѣмже смысленнiи сердцемъ рекутъ сiя, мужъ же премудръ услыша глаголъ мой. |
34:35 | Иовъ же не въ разумѣ глаголаше, словеса же его не въ хитрости. |
34:36 | Обаче навыкни, иове, не даждь еще отвѣта, якоже немудрiи: |
34:37 | да не приложимъ на грѣхи нашя: беззаконiе же на насъ вмѣнится, многая глаголющихъ словеса на Господа. |