Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 35 | |
35:1 | Отвѣщавъ же еще Елiусъ, рече: |
35:2 См.: 🔗Иов. 32:2 🔗Иов. 34:5 | что сiе мнилъ еси на судѣ? ты кто еси, яко реклъ еси: правъ есмь предъ Господемъ? |
35:3 | Или речеши: что сотворю согрѣшивъ? |
35:4 | Азъ же ти дамъ отвѣтъ и трiемъ другомъ твоимъ. |
35:5 | Воззри на небо и виждь: смотри же на облаки, коль высоки суть от тебе. |
35:6 См.: 🔗Иер. 7:19 | Аще согрѣшилъ еси, что сотвориши? аще же и много беззаконновалъ еси, что можеши сотворити? |
35:7 См.: 🔗Иов. 22:3 | Понеже убо праведенъ еси, что даси ему? или что изъ руки твоея возметъ? |
35:8 | Мужеви подобному тебѣ нечестiе твое, и сыну человѣческому правда твоя. |
35:9 См.: 🔗Иов. 24:12 | От множества оклеветаемiи воззовутъ, возопiютъ от мышцы многихъ: |
35:10 См.: 🔗Пс. 41:9 | и не рече: гдѣ есть Богъ сотворивый мя, устрояяй стражбы нощныя, |
35:11 См.: 🔗2Пет. 2:12 | отдѣляяй мя от четвероногихъ земныхъ и от небесныхъ птицъ? |
35:12 См.: 🔗Иов. 27:9 🔗Прит. 15:29 | тамо воззовутъ, и не имаши услышати, и от досады злыхъ. |
35:13 | Безмѣстная бо видѣти не хощетъ Господь: самъ бо Вседержитель зритель есть творящихъ беззаконная, и спасетъ мя. |
35:14 | Судися же предъ нимъ, аще можеши похвалити его, якоже есть и нынѣ. |
35:15 | Яко нѣсть посѣщаяй гнѣвомъ своимъ, и не позна прегрѣшенiя коеголибо зѣло. |
35:16 | Иовъ же всуе отверзаетъ уста своя, невѣдѣнiемъ словеса отягощаетъ. |