Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 | Отвѣщавъ же иовъ, рече: |
9:2 См.: 🔗Иов. 4:17 | воистинну вѣмъ, яко тако есть: како бо будетъ праведенъ человѣкъ у Господа? |
9:3 | аще бо восхощетъ судитися съ нимъ, не послушаетъ его, да не преречетъ ко единому словеси его от тысящи. |
9:4 См.: 🔗Иов. 37:23 | Премудръ бо есть мыслiю, крѣпокъ же и великъ: кто жестокъ бывъ противу его, пребысть? |
9:5 См.: 🔗Иер. 51:25 🔗Мф. 17:20 | Обетшаяй горы, и не вѣдятъ, превращаяй я гнѣвомъ: |
9:6 | трясый поднебесную изъ основанiй, столпи же ея колеблются: |
9:7 См.: 🔗Нав. 10:13 🔗4Цар. 20:11 | глаголяй солнцу, и не восходитъ, звѣзды же печатствуетъ: |
9:8 См.: 🔗Иер. 51:15 | прострый единъ небо и ходяй по морю, яко по земли: |
9:9 | творяй плiады и еспера, и Арктура и сокровища южная: |
9:10 См.: 🔗Иов. 5:9 | творяй велiя и неизслѣдованная, славная же и изрядная, имже нѣсть числа. |
9:11 | Аще прiидетъ ко мнѣ, не имамъ видѣти: и аще мимоидетъ мене, никако уразумѣхъ. |
9:12 См.: 🔗Ис. 10:15 🔗Ис. 14:27 | Аще возметъ, кто возвратитъ? или кто речетъ ему: что сотворилъ еси? |
9:13 См.: 🔗Наум. 1:6 | Самъ бо отвращаетъ гнѣвъ, слякошася подъ нимъ кити поднебеснiи. |
9:14 | Аще же мя услышитъ, или разсудитъ глаголы моя? |
9:15 См.: 🔗Иов. 10:7 | Аще бо и праведенъ буду, не услышитъ мене, суду его помолюся: |
9:16 | аще же воззову, и услышитъ мя, не иму вѣры, яко услыша гласъ мой. |
9:17 | Да не мглою мя потребитъ, многа же ми сотренiя сотвори всуе, |
9:18 | не оставляетъ бо мя отдохнути, исполни же мя горести. |
9:19 | Понеже силенъ есть крѣпостiю: кто убо суду его воспротивится? |
9:20 | Аще бо буду праведенъ, уста моя нечестiя сотворятъ: аще же буду непороченъ, стропотенъ буду. |
9:21 См.: 🔗1Кор. 4:4 | Аще бо нечестiе сотворихъ, не вѣмъ душею моею: обаче отъемлется ми животъ. |
9:22 См.: 🔗Иов. 34:9 | Тѣмже рѣхъ: велика и сильна губитъ гнѣвъ. |
9:23 | Яко лукавiи смертiю лютою погибнутъ, обаче праведнымъ посмѣваются. |
9:24 | Предана есть земля въ руцѣ нечестиваго, лица судій ея покрываетъ: аще же не самъ есть, кто есть? |
9:25 См.: 🔗Иов. 7:7 🔗Пс. 89:10 | Житiе же мое есть легчае скоротечца: отбѣгоша и не видѣша. |
9:26 См.: 🔗Прем. 5:10 | Или есть кораблемъ слѣдъ пути, или орла летяща, ищуща яди? |
9:27 | Аще бо реку: забуду глаголя, приникнувъ лицемъ воздохну, |
9:28 | трясуся всѣми удесы: вѣмъ бо, яко не безвинна мя оставиши. |
9:29 См.: 🔗Иов. 7:20 | Аще же нечестивъ есмь, почто не умрохъ? |
9:30 См.: 🔗Иер. 2:22 | Аще бо измыюся снѣгомъ и очищуся руками чистыми, |
9:31 | доволно во сквернѣ омочилъ мя еси, возгнушася же мною одежда моя. |
9:32 См.: 🔗Еккл. 6:10 🔗Иер. 49:19 | Нѣси бо человѣкъ, якоже азъ, емуже противопрюся, да прiидемъ вкупѣ на судъ. |
9:33 | О, дабы ходатай намъ былъ, и обличаяй и разслушаяй между обѣма. |
9:34 См.: 🔗Пс. 88:33 | Да отъиметъ от мене жезлъ, страхъ же его да не смущаетъ мене: |
9:35 См.: 🔗1Кор. 4:4 | и не убоюся, но возглаголю, ибо тако не вѣмъ самъ себе. |