Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 | Слово Господне, иже бысть ко Иоилю сыну Ваѳуилеву. |
1:2 | Слышите сiя, старцы, и внушите, вси живущiи на земли: аще быша сицевая во днехъ вашихъ или во днехъ отецъ вашихъ? |
1:3 См.: 🔗Исх. 10:2 🔗Пс. 77:4 | О сихъ чадомъ своимъ повѣдите, а чада ваша чадомъ своимъ, а чада ихъ роду другому: |
1:4 См.: 🔗Иоил. 2:25 | останокъ гусеницъ поядоша прузи, и останокъ пруговъ поядоша мшицы, и останокъ мшицъ поядоша сиплеве. |
1:5 | Утрезвитеся, пiянiи, от вина своего и плачитеся: рыдайте, вси пiющiи вино до пiянства, яко отъяся от устъ вашихъ веселiе и радость. |
1:6 См.: 🔗Иоил. 2:4 | Понеже языкъ взыде на землю мою крѣпокъ и безчисленъ: зубы его [якоже] зубы львовы, и членовныя его якоже львичища: |
1:7 См.: 🔗Дан. 4:11 | положи виноградъ мой въ погубленiе и смоквы моя въ сломленiе: взыскуя объиска и и сверже, обѣли лозiе его. |
1:8 | Восплачися ко мнѣ паче невѣсты препоясаныя во вретище по мужи своемъ дѣвственнѣмъ. |
1:9 См.: 🔗Лев. 2:1 🔗Исх. 29:40 | Извержеся жертва и возлiянiе изъ дому Господня: плачитеся, жерцы, служащiи жертвеннику Господню, |
1:10 См.: 🔗Ис. 24:3 🔗Иер. 14:2 | яко опустѣша поля. плачися, земле, яко пострада пшеница, и изсше вино, умалися елей, |
1:11 См.: 🔗Иер. 14:4 | посрамишася земледѣлателе. плачитеся, села, по пшеницѣ и по ячмени, яко погибе объиманiе от нивы, |
1:12 | виноградъ изсше, и смоквы умалишася: шипки, и финиксъ, и яблонь, и вся древа польская изсхоша, яко посрамиша радость сынове человѣчи. |
1:13 | Препояшитеся и бійтеся, жерцы, плачитеся, служащiи жертвеннику: внидите, поспите во вретищихъ, служащiи Богу, яко отъяся от дому Бога вашего жертва и возлiянiе: |
1:14 См.: 🔗Иоил. 2:15 | освятите постъ, проповѣдите цѣльбу, соберите старѣйшины вся живущыя на земли въ домъ Бога вашего и воззовите ко Господу усердно: |
1:15 См.: 🔗Ис. 13:6 | увы мнѣ, увы мнѣ, увы мнѣ въ день! яко близъ есть день Господень, и яко бѣда от бѣды прiидетъ: |
1:16 См.: 🔗Втор. 16:11 | яко предъ очима вашима пищы взяшася и от дому Бога вашего веселiе и радость. |
1:17 | Вскочиша юницы у яслей своихъ, погибоша сокровища, раскопашася точила, яко посше пшеница. |
1:18 См.: 🔗Иер. 14:5 | Что положимъ себѣ? восплакашася стада воловъ, яко не бѣ пажити имъ, и паствы овчыя погибоша. |
1:19 | Къ тебѣ, Господи, возопiю, яко огнь потреби красная пустыни, и пламень пожже вся древа польская, |
1:20 См.: 🔗Пс. 103:11 🔗Пс. 146:9 | и скоти польстіи воззрѣша къ тебѣ, яко посхоша источницы водніи, и огнь пояде красная пустыни. |