Книга пророка Ионы, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Мф. 12:40 🔗Мф. 16:4 🔗Лк. 11:29 🔗1Кор. 15:4	И повелѣ Господь киту великому пожрети Иону. И бѣ Иона во чревѣ китовѣ три дни и три нощи.
2:2	И помолися Иона ко Господу Богу сво­ему от­ чрева китова
2:3 См.: 🔗Пс. 119:1	и рече: возопихъ въ скорби мо­ей ко Господу Богу мо­ему, и услыша мя: изъ чрева адова вопль мой, услышалъ еси гласъ мой:
2:4 См.: 🔗Пс. 41:8	от­верглъ мя еси во глубины сердца морскаго, и рѣки обыдоша мя: вся высоты твоя и волны твоя на мнѣ преидоша.
2:5 См.: 🔗Ис. 38:11	И азъ рѣхъ: от­ринуся от­ очiю тво­ею еда при­­ложу при­­зрѣти ми ко храму святому тво­ему?
2:6 См.: 🔗Пс. 68:2	Возлiяся на мя вода до души мо­ея, бездна обыде мя послѣдняя, понре глава моя въ разсѣлины горъ,
2:7	снидохъ въ землю, еяже вереи ея заклепи вѣчнiи: и да взыдетъ изъ истлѣнiя животъ мой къ тебѣ, Господи Боже мой.
2:8 См.: 🔗Пс. 17:7	Внегда скончаватися от­ мене души мо­ей, Господа помянухъ, и да прiидетъ къ тебѣ молитва моя ко храму святому тво­ему.
2:9	Хранящiи суетная и ложная милость свою оставиша
2:10 См.: 🔗Пс. 49:14 🔗Евр. 13:15	азъ же со гласомъ хваленiя и исповѣданiя пожру тебѣ, елика обѣщахъ, воз­дамъ тебѣ во спасенiе мое Господеви.
2:11 См.: 🔗Мф. 12:40	И повелѣ Господь китови, и изверже Иону на сушу.