Книга Судей Израилевых, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Чис. 27:21 🔗Суд. 20:18	И бысть по скончанiи иисусовѣ, и вопрошаху сынове Израилевы Господа, глаголюще: кто взыдетъ намъ къ Хананею во­евода, ратовати на нихъ?
1:2 См.: 🔗Быт. 49:8	И рече Господь: Иуда взыдетъ: се, дахъ землю въ руку его.
1:3 См.: 🔗Втор. 33:7	И рече Иуда къ Симеону брату сво­ему: взыди со мною въ жребiй мой, и ополчимся на Хананеа: и пойду и азъ съ тобою въ жребiй твой. И пойде съ нимъ Симеонъ.
1:4 См.: 🔗1Цар. 11:8	И взыде Иуда, и предаде Господь Хананеа и Ферезеа въ руцѣ ихъ: и избиша ихъ въ везецѣ до десяти тысящъ мужей.
1:5	И обрѣтоша Адонивезека въ везецѣ, и сѣкошася съ нимъ: и избиша Хананеа и Ферезеа.
1:6 См.: 🔗2Цар. 4:12	И побѣже Адонивезекъ: и гнаша вслѣдъ его, и яша его, и от­сѣкоша краи рукъ его и краи ногъ его.
1:7 См.: 🔗Лев. 24:20 🔗Мф. 7:2	И рече Адонивезекъ: седмидесяти царемъ обсѣкохъ краи рукъ ихъ и краи ногъ ихъ, и быша собирающе [от­ крупицъ] подъ трапезою мо­ею: якоже убо сотворихъ, тако воз­даде ми Богъ. И при­­ведоша его во Иерусалимъ, и умре тамо.
1:8 См.: 🔗Нав. 15:63 🔗Нав. 18:28	И во­еваша сынове Иудины на Иерусалимъ, и взяша его, и поразиша его острiемъ меча, и градъ сожгоша огнемъ.
1:9	И по сихъ снидоша сынове Иудины во­евати на Хананеа живущаго въ горнѣй къ югу и въ равнѣй.
1:10 См.: 🔗Нав. 15:14	И пойде Иуда на Хананеа живущаго въ Хевронѣ. И изыде Хевронъ со страны: имя же бѣ Хеврону прежде карiаѳарвокъ-сеферъ: и убиша сесина и Ахимана и Ѳолміа, роды енаковы.
1:11 См.: 🔗Нав. 12:13 🔗Нав. 15:15	И взыдоша от­туду къ живущымъ въ давирѣ: имя же давиру бѣ прежде карiаѳсеферъ, градъ писменъ.
1:12 См.: 🔗Нав. 15:16	И рече халевъ: иже аще поразитъ градъ писменъ и возметъ его, дамъ ему Асхань дщерь мою въ жену.
1:13 См.: 🔗1Пар. 4:13	И взя его Гоѳонiилъ сынъ Кенеза брата халевова юнѣйшiй, и даде ему халевъ Асхань дщерь свою въ жену.
1:14 См.: 🔗Нав. 15:18	И бысть внегда от­ходити ей, и подвиже ю Гоѳонiилъ просити у отца сво­его села, и ропта­ше [сѣдящи] на осляти, и вопiяше со осляти: на землю южную от­далъ мя еси. И рече ей халевъ: что ти есть?
1:15 См.: 🔗Быт. 33:11	И рече ему Асхань: даждь ми благословенiе: яко на землю южную от­далъ еси мя, да даси мнѣ и исходища водная. И даде ей халевъ по сердцу ея исходища вышнихъ и исходища нижнихъ.
1:16 См.: 🔗1Цар. 15:6	И сынове Иоѳора кинеева, ужика Моисеова, взыдоша от­ града Финическа къ сыномъ Иудинымъ въ пустыню сущую на югъ Иуды ко исходу Аредову, и по­идоша, и вселишася съ людьми.
1:17 См.: 🔗Втор. 2:34 🔗Чис. 14:45	И пойде Иуда съ Симеономъ братомъ сво­имъ, и изби Хананеа живущаго въ сефеѳѣ, и потребиша его: и прозваша имя граду потребленiе.
1:18 См.: 🔗4Цар. 1:2	И взя Иуда Газу и предѣлъ ея, и Аскалона и предѣлъ его, и аккаронъ и предѣлъ его, и азотъ и окрестная его.
1:19 См.: 🔗Нав. 17:16	И бяше Господь со Иудою. И взя гору, яко не воз­могоша потребити живущихъ во юдоли, зане рихавъ противоста имъ, и колесницы желѣзныя бяху тымъ.
1:20 См.: 🔗Чис. 14:24 🔗Нав. 14:13 🔗Нав. 15:13	И даша халеву Хевронъ, якоже глагола Моисей: и наслѣд­ст­вова тамо три грады сыновъ енаковыхъ, и изгна от­туду три сыны енаковы.
1:21 См.: 🔗Нав. 15:63 🔗Нав. 18:28	И Иевусеа живущаго во Иерусалимѣ не изгнаша сынове Венiаминовы, и живяше Иевусей съ сынми Венiамини во Иерусалимѣ даже до сего дне.
1:22 См.: 🔗Нав. 16:1	И взыдоша сынове Иосифли и сіи въ Веѳиль: и Господь бяше съ ними.
1:23 См.: 🔗Быт. 28:19	И ополчишася, и соглядаша [сынове Иосифовы] Веѳиль: имя же бѣ прежде граду луза.
1:24	И видѣша стрегущiи мужа исходящаго изъ града, и яша его и рекоша ему: покажи намъ входъ во градъ, и сотворимъ съ тобою милость.
1:25 См.: 🔗Нав. 6:24	И показа имъ входъ градный: и поразиша градъ острiемъ меча, мужа же и срод­ст­во его от­пустиша.
1:26 См.: 🔗Нав. 16:2	И отъиде мужъ въ землю Хеттiимъ, и созда тамо градъ, и прозва имя ему луза: сiе имя ему даже до дне сего.
1:27 См.: 🔗Нав. 17:11 🔗Нав. 21:25 🔗1Цар. 31:10	И не разори Манассій веѳсана, иже есть скиѳскiй градъ, ниже дщерей его, ниже окрестныхъ [предѣлъ] его, ниже Ѳанаха, ниже дщерей его, ниже живущихъ въ дорѣ, ниже дщерей его, ниже живущихъ во Иевламѣ, ниже окрестныхъ его, ниже дщерей его, и живущихъ въ Магеддонѣ, ниже окрестныхъ его и дщерей его. И нача Хананей жити на земли сей.
1:28	И бысть егда укрѣпися Израиль, и сотвори Хананеа дан­ника: изгнанiемъ же не изгна его.
1:29 См.: 🔗Нав. 16:10 🔗Нав. 21:21	И Ефремъ не изгна Хананеа живущаго въ газерѣ: и живяше Хананей средѣ его въ газерѣ, и бысть ему въ дан­ника.
1:30	И Завулонъ не изгна живущихъ въ Хевронѣ и живущихъ во Амманѣ: и вселися Хананей посредѣ ихъ и бысть ему дан­никъ.
1:31 См.: 🔗Нав. 15:44 🔗Нав. 19:29	И Асиръ не изгна живущихъ во акхорѣ, [и бысть ему дан­никъ,] ни живущихъ въ дорѣ, ни живущихъ въ Сидонѣ, ни живущихъ въ далафѣ и во Ахазивѣ, и во елвѣ и во Афекѣ и въ роовѣ.
1:32	И вселися Асиръ посредѣ Хананеа живущаго на земли [той], зане не воз­може изгнати его.
1:33	И Нефѳалимъ не изгна живущихъ въ веѳсамисѣ, ниже живущихъ въ веѳанахѣ: и вселися Нефѳалимъ средѣ Хананеа живущаго на земли [сей]: живущiи же въ веѳсамисѣ и въ веѳанахѣ быша ему дан­ницы.
1:34 См.: 🔗Суд. 18:1	И утѣсни Аморрей сыны Дановы въ горѣ, яко не попусти имъ низходити во юдоль.
1:35 См.: 🔗Нав. 19:42	И нача Аморрей жити въ горѣ чрепнѣй, идѣже медвѣди и лисицы, въ мирсинонѣ и въ Салавинѣ: и отяготѣ рука дому Иосифля на Аморреа, и бысть ему дан­никъ.
1:36	И предѣлъ Аморрейскiй Идумей от­ восхода акравиня, от­ камене и выше.