Книга Судей Израилевых, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	И воста по Авимелесѣ спасти Израиля Ѳола сынъ Фуи, сынъ брата отца его, мужъ от­ Иссахара: и сей живяше въ самiрѣ въ горѣ Ефремовѣ,
10:2	и суди Израиля лѣтъ двадесять три, и умре, и погребенъ бысть въ самiрѣ.
10:3 См.: 🔗Быт. 31:21 🔗Чис. 32:1	И воста по немъ Иаиръ Галаадитинъ, и суди Израиля лѣтъ двадесять два:
10:4 См.: 🔗Суд. 5:10	и быша ему сынове тридесять два ѣздящiи на тридесяти двухъ ослѣхъ: и грады имъ тридесять два: и прозываху ихъ грады Иаировы, даже до днесь, иже суть въ земли Галаадовѣ:
10:5	и умре Иаиръ, и погребенъ бысть въ камонѣ.
10:6 См.: 🔗Суд. 2:11 🔗1Цар. 7:3	И при­­ложиша сынове Израилевы творити злое предъ Господемъ и послужиша Ваалимамъ и Астароѳамъ и богомъ сирскимъ и богомъ Сидонскимъ и богомъ Моавлскимъ и богомъ сыновъ Аммонихъ и богомъ иноплемен­никовъ: и оставиша Господа и не работаша ему.
10:7 См.: 🔗Суд. 2:14 🔗1Цар. 12:9	И разгнѣвася Господь яростiю на Израиля и предаде ихъ въ руку Филистимску и въ руку сыновъ Аммонихъ.
10:8	И озлобиша, и сокрушиша сыновъ Израилевыхъ въ то время осмь­на­де­сять лѣтъ, всѣхъ сыновъ Израилевыхъ, иже объ ону страну Иордана въ земли Аморреа иже въ Галаадѣ.
10:9	И преидоша сынове Аммони Иорданъ во­евати на Иуду и Венiамина и на домъ Ефремовъ: и оскорблени быша сынове Израилевы зѣло.
10:10 См.: 🔗Суд. 3:9	И возопиша сынове Израилевы ко Господу, глаголюще: согрѣшихомъ тебѣ, яко оставихомъ Бога на­шего и работахомъ Ваалиму.
10:11	И рече Господь къ сыномъ Израилевымъ: не от­ Египта ли и от­ Аморреа и от­ сыновъ Аммонихъ и от­ Филистима
10:12	и от­ Сидонянъ и от­ Амалика и от­ Мадiама, иже стужиша вамъ, и возописте ко мнѣ, и спасохъ вы от­ руки ихъ?
10:13 См.: 🔗Втор. 32:15 🔗Иер. 2:13 🔗3Цар. 18:27	вы же остависте мене и работасте богомъ инымъ: сего ради не при­­ложу спасти васъ:
10:14	идите и возопійте къ богомъ, ихже избрасте себѣ, и тіи да спасутъ вы во время скорби ва­шея.
10:15	И рѣша сынове Израилевы ко Господу: согрѣшихомъ, сотвори ты намъ по всему, елико угодно предъ очима тво­има: точiю избави насъ въ сей день.
10:16 См.: 🔗Быт. 35:4 🔗Суд. 2:18	И извергоша боги чуждыя от­ среды себе и послужиша Господеви единому: и сжалѣся душа его о утружденiи Израилевѣ.
10:17 См.: 🔗Суд. 11:11	И взыдоша сынове Аммони, и ополчишася въ Галаадѣ: и собрашася и сынове Израилевы, и ополчишася въ Массифѣ.
10:18 См.: 🔗Суд. 11:6	И рѣша людiе князи Галаадстiи кійждо ко ближнему сво­ему: мужъ, иже начнетъ битися съ сынми Аммоновыми, той будетъ князь всѣмъ живущымъ въ Галаадѣ.