Книга Левит, глава 18

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 18
18:1	И рече Господь къ Моисею, глаголя:
18:2 См.: 🔗Лев. 11:44	глаголи сыномъ Израилевымъ и речеши къ нимъ: Азъ Господь Богъ вашъ:
18:3	по дѣломъ земли Египетскiя, въ нейже обитасте, да не сотворите, и по начинаниемъ земли Ханаанскiя, въ нюже Азъ веду вы тамо, не сотворите, и по закономъ ихъ не ходите:
18:4 См.: 🔗Мф. 15:3	судьбы Моя сотворите, и повелѣнiя Моя сохраните и ходите въ нихъ: Азъ Господь Богъ вашъ:
18:5 См.: 🔗Иез. 20:11 🔗Неем. 9:29 🔗Рим. 10:5 🔗Гал. 3:12	и сохраните вся повелѣнiя Моя и вся судьбы Моя, и сотворите я: Сотворивый та человѣкъ живъ будетъ въ нихъ: Азъ Господь Богъ вашъ.
18:6 См.: 🔗2Цар. 16:22	Человѣкъ человѣкъ ко всякому ближнему плоти сво­ея да не при­­ступитъ от­крыти срамоты: Азъ Господь.
18:7 См.: 🔗Быт. 9:22 🔗Быт. 19:32 🔗Иез. 22:10	Срамоты отца тво­его и срамоты матере тво­ея да не от­крыеши: мати бо твоя есть, да не от­крыеши срамоты ея.
18:8 См.: 🔗Втор. 27:20 🔗2Цар. 16:22 🔗Иез. 22:10	Срамоты жены отца тво­его да не от­крыеши: срамота отца тво­его есть.
18:9 См.: 🔗Втор. 27:22 🔗2Цар. 13:12 🔗Иез. 22:11	Срамоты сестры тво­ея яже от­ отца тво­его или от­ матере тво­ея, въ дому рожден­ныя или внѣ рожден­ныя, да не от­крыеши срамоты ихъ.
18:10	Срамоты дщере сына тво­его или дщере дщере тво­ея, да не от­крыеши срамоты ихъ, яко твоя срамота есть.
18:11	Срамоты дщере жены отца тво­его да не от­крыеши, единоотча сестра ти есть, да не от­крыеши срамоты ея.
18:12 См.: 🔗Лев. 20:19	Срамоты сестры отца тво­его да не от­крыеши, своя бо отцу тво­ему есть.
18:13	Срамоты сестры матере тво­ея да не от­крыеши, своя бо матери тво­ей есть.
18:14 См.: 🔗Лев. 20:20	Срамоты брата отца тво­его да не от­крыеши и къ женѣ его да не внидеши, сродникъ бо ти есть.
18:15 См.: 🔗Быт. 38:16 🔗Втор. 27:23 🔗Иез. 22:11	Срамоты невѣстки тво­ея да не от­крыеши, жена бо сына тво­его есть, да не от­крыеши срамоты ея.
18:16 См.: 🔗Лев. 20:21 🔗Мф. 14:4 🔗Мк. 6:18	Срамоты жены брата тво­его да не от­крыеши, срамота брата тво­его есть.
18:17 См.: 🔗Лев. 20:14	Срамоты жены и дщере ея, да не от­крыеши, дщере сына ея, и дщери дщере ея да не поймеши от­крыти срамоты ихъ, ближнiи бо ти суть, нечестiе есть.
18:18	Сестру жены тво­ея да не поймеши въ наложницу, от­крыти срамоту ея предъ нею, еще живѣ сущей ей.
18:19 См.: 🔗Лев. 15:19	И къ женѣ во от­лученiи нечистоты ея да не внидеши от­крыти срамоты ея.
18:20 См.: 🔗Лев. 20:10	И къ женѣ ближняго тво­его да не даси ложа сѣмене тво­его, осквернитися съ нею.
18:21 См.: 🔗Лев. 20:2 🔗4Цар. 23:10	И от­ сѣмене тво­его да не даси служити Молоху, да не оскверниши имене Святаго: Азъ Господь.
18:22 См.: 🔗Рим. 1:27 🔗1Кор. 6:9	И съ мужескимъ поломъ да не ляжеши женскимъ ложемъ, мерзость бо есть.
18:23 См.: 🔗Исх. 22:19	И всякому четвероногому да не даси ложа сво­его въ сѣмененiе, осквернитися съ нимъ: и жена да не станетъ ко всякому четвероногому снитися, гнусно бо есть.
18:24 См.: 🔗Лев. 20:23 🔗4Цар. 17:15	Не оскверняйтеся во всѣхъ сихъ: во всѣхъ бо сихъ осквернишася языцы, ихже Азъ от­жену предъ лицемъ вашимъ:
18:25 См.: 🔗Ис. 26:21	и осквернися земля, и воз­дахъ неправду имъ ея ради: и воз­ненавидѣ земля сѣдящихъ на ней.
18:26	И сохраните вся законы Моя и вся повелѣнiя Моя, и не сотворите от­ всѣхъ гнусностей сихъ, туземецъ и при­­быв­шiй при­­шлецъ въ васъ:
18:27	вся бо сiя гнусности сотвориша человѣцы земніи, быв­шiи прежде васъ, и осквернися земля.
18:28 См.: 🔗Лев. 20:22	И да не воз­негодуетъ на васъ земля, внегда осквернити вамъ ю, имже образомъ воз­негодова на языки иже прежде васъ:
18:29	яко всякъ, иже аще сотворитъ от­ всѣхъ гнусностей сихъ, потребят­ся душы творящыя сiе от­ людій сво­ихъ.
18:30 См.: 🔗Лев. 19:37 🔗Лев. 20:8	И сохраните повелѣнiя Моя, яко да не сотворите от­ всѣхъ законъ гнусныхъ, иже бѣша прежде васъ: и да не осквернитеся въ нихъ, яко Азъ Господь Богъ вашъ.