Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | Аще же душа принесетъ даръ жертву Господу, мука пшенична да будетъ даръ его, и да возлiетъ на ню елей, и возложитъ на ню Ливанъ: жертва есть: |
2:2 | и да принесетъ ю къ сыномъ Ааронимъ жерцемъ, и возметъ от нея полну горсть муки пшеничны съ елеемъ и весь Ливанъ ея, и да возложитъ жрецъ память ея на олтарь: жертва воня благоуханiя Господу: |
2:3 См.: 🔗Чис. 18:9 🔗Сир. 7:33 | и останокъ от жертвы Аарону и сыномъ его: святое святыхъ от жертвъ Господнихъ. |
2:4 | Аще же принесетъ даръ жертву печену въ пещи от муки пшеничны, хлѣбы прѣсны спряжены съ елеемъ и опрѣсноки помазаны елеемъ. |
2:5 См.: 🔗1Пар. 9:31 | Аще же жертва от сковрады даръ твой, мука пшенична смѣшена со елеемъ, прѣсна да будутъ: |
2:6 | и да разломиши я на укрухи, и возлiеши на ня елей: жертва есть Господу. |
2:7 | Аще же жертву от огнища даръ твой, мука пшенична съ елеемъ да сотворена будетъ: |
2:8 | и принесетъ жертву, юже аще сотворитъ от сихъ Господу, и да принесетъ къ жерцу: |
2:9 См.: 🔗Лев. 1:9 | и приступивъ ко олтарю, да отъиметъ жрецъ от жертвы память ея, и да возложитъ жрецъ на олтарь: приношенiе воня благовонiя Господу: |
2:10 | останокъ же от жертвы Аарону и сыномъ его: святая святыхъ от приношенiй Господу. |
2:11 См.: 🔗Лев. 6:17 | Всяку жертву, юже аще приносите Господу, не сотворите квасну: всякъ бо квасъ и всякъ медъ да не принесете от него, еже приносити Господу даръ. |
2:12 См.: 🔗Лев. 23:17 | От начатковъ да принесете я Господу: на олтарь же да не вознесутся въ воню благовонiя Господу. |
2:13 См.: 🔗Мк. 9:49 | И всякъ даръ жертвы вашея солiю да осолится: да не отставите соли завѣта Господня от жертвъ вашихъ, во всякомъ дарѣ вашемъ да принесете Господу Богу вашему соль. |
2:14 См.: 🔗Нав. 5:11 | Аще же принесеши жертву от начатковъ житъ Господу, новы спряжены зелены класы истлачены Господу, и принесеши жертву от начатковъ житъ: |
2:15 | и да возлiеши на ню елей, и да возложиши на ню ливанъ: жертва есть: |
2:16 | и да вознесетъ жрецъ память ея от спряженыхъ съ елеемъ, и весь ливанъ ея: приносъ есть Господу. |