Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 21 | |
21:1 См.: 🔗Иез. 44:25 | И рече Господь къ Моисею, глаголя: рцы жерцемъ сыномъ Ааронимъ, и речеши имъ: надъ душами да не осквернятся въ языцѣ своемъ, |
21:2 См.: 🔗Чис. 6:7 | но развѣ въ дому ближняго своего, надъ отцемъ и матерiю, и сынами и дщерьми, надъ братомъ |
21:3 | и надъ сестрою своею дѣвою, яже есть ближняя ему, не дана мужу, надъ сими да осквернятся: |
21:4 | да не осквернится внезапу въ людехъ своихъ, во оскверненiе свое. |
21:5 | И да не обріете главы по мертвѣмъ, и обличiя брады да не обріютъ, и на плотехъ своихъ да не сотворятъ язвъ: |
21:6 | святи да будутъ Богу своему и не осквернятъ имене Бога своего: жертвы бо Господни дары Бога своего сами приносятъ, и будутъ святи. |
21:7 См.: 🔗Иез. 44:22 🔗Еф. 5:27 | Жены блудницы и осквернены да не поймутъ, и жены изгнаныя от мужа ея да не поймутъ: яко святи суть Господу Богу своему: |
21:8 См.: 🔗Лев. 11:44 | и да освятиши его: дары Господа Бога вашего сей приноситъ, святъ будетъ: яко святъ Азъ есмь Господь Богъ вашъ освящая ихъ. |
21:9 | И дщерь человѣка жерца аще осквернится, еже соблудити, имя отца своего сiя оскверняетъ: огнемъ да сожжется. |
21:10 См.: 🔗Исх. 28:41 🔗Лев. 10:6 | И жрецъ великiй от братiй своихъ, емуже возлiянъ на главу елей помазанiя, и совершенный, еже облачитися въ ризы, главы да не открыетъ, и ризъ своихъ да не раздеретъ, |
21:11 | и ко всякой души умершей да не прiидетъ: надъ отцемъ своимъ и надъ матерiю своею да не осквернится, |
21:12 См.: 🔗Лев. 10:7 🔗Исх. 28:38 | и от святыхъ да не изыдетъ, и да не осквернитъ имене святаго Бога своего, яко святый елей помазанiя Бога его на немъ: Азъ Господь. |
21:13 См.: 🔗Иез. 44:22 | Сей въ жену дѣву от рода своего да пойметъ: |
21:14 | вдовицы же и изгнаныя, и оскверненыя и блудницы, сихъ да не пойметъ: но дѣвицу от племене своего да пойметъ въ жену: |
21:15 | и да не осквернитъ сѣмене своего въ людехъ своихъ: Азъ Господь Богъ освящаяй его. |
21:16 | И рече Господь къ Моисею, глаголя: |
21:17 См.: 🔗1Тим. 3:2 🔗Тит. 1:7 | рцы ко Аарону, глаголя: человѣкъ от рода твоего въ родѣхъ вашихъ, аще коему будетъ на немъ порокъ, да не приступитъ приносити дары Бога своего: |
21:18 См.: 🔗1Тим. 6:14 🔗2Пет. 3:14 | всякъ человѣкъ, емуже аще будетъ на немъ порокъ, да не приступитъ: человѣкъ слѣпъ, или хромъ, или корносый, или ухорѣзанъ, |
21:19 | или человѣкъ, емуже есть сокрушенiе руки или сокрушенiе ноги, |
21:20 | или горбатъ, или гноеточивъ очима, или бѣльмооченъ, или человѣкъ, на немже суть красты дивiя, или лишаи, или единоятрный: |
21:21 | всякъ, емуже аще будетъ на немъ порокъ от сѣмене Аарона жерца, да не приступитъ принести жертвъ Богу твоему, зане порокъ на немъ: даровъ Божiихъ да не приступитъ приносити: |
21:22 | дары Бога своего святая святыхъ, и от святыхъ да снѣстъ: |
21:23 См.: 🔗Лев. 22:9 | обаче къ завѣсѣ да не приступитъ, и ко олтарю да не приближится, яко порокъ имать: и да не осквернитъ святилища Бога своего, яко Азъ Господь освящаяй ихъ. |
21:24 | И глагола Моисей ко Аарону и сыномъ его, и ко всѣмъ сыномъ Израилевымъ. |