Книга Левит, глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1	И рече Господь къ Моисею, глаголя:
22:2 См.: 🔗Лев. 6:25 🔗Чис. 6:23	рцы Аарону и сыномъ его, да внимаютъ от­ святынь сыновъ Израилевыхъ, и да не осквернятъ имене святаго Мо­его, елика они освящаютъ Ми: Азъ Господь.
22:3	Рцы имъ: въ роды вашя всякъ человѣкъ, иже аще при­­ступитъ от­ всякаго сѣмене ва­шего ко святымъ, елика аще освятятъ сынове Израилевы Господу, и нечистота его на немъ будетъ, потребит­ся душа оная от­ Мене: Азъ Господь Богъ вашъ.
22:4 См.: 🔗Лев. 15:2 🔗2Пар. 30:18	И человѣкъ от­ сѣмене Аарона жерца, и сей прокаженъ, или сѣмя изливаетъ, от­ святыхъ да не снѣстъ, дондеже очистит­ся: и при­­касаяйся всякой нечистотѣ души, или человѣкъ, емуже аще изыдетъ от­ его ложа сѣмя,
22:5 См.: 🔗Лев. 11:29	или иже аще при­­коснет­ся всякому гаду нечисту, иже осквернитъ его, или человѣку, иже осквернитъ его, по всякой нечистотѣ его:
22:6 См.: 🔗Лев. 11:24 🔗2Пет. 3:14	душа, яже аще при­­коснет­ся ихъ, нечиста будетъ до вечера: да не снѣстъ от­ святыхъ, аще не омыетъ тѣла сво­его водою,
22:7	и зайдетъ солнце, и чистъ будетъ: и тогда да снѣстъ от­ святыхъ, яко хлѣбъ его есть.
22:8 См.: 🔗Исх. 22:31 🔗Иез. 44:31	Мертвечины и звѣроядины да не снѣстъ, еже осквернитися ему въ нихъ: Азъ Господь.
22:9 См.: 🔗Лев. 5:1	И да сохранятъ повелѣнiя Моя, да не прiимутъ сихъ ради грѣха, и измрутъ за нихъ, аще осквернятъ ихъ: Азъ Господь Богъ освящаяй ихъ.
22:10 См.: 🔗Исх. 12:44	И всякъ иноплемен­никъ да не снѣстъ святынь: при­­селникъ иереевъ или наемникъ да не снѣстъ святынь.
22:11	Аще же жрецъ при­­стяжетъ душу при­­стяжаную сребромъ, сiя да снѣстъ хлѣбы его: и домочадцы его, и сіи да снѣдятъ хлѣбы его.
22:12	И дщерь человѣка жерца, аще посягнетъ за мужа иноплемен­ника, сiя от­ начатковъ святыхъ да не снѣстъ.
22:13 См.: 🔗Лев. 10:14	И дщерь жерца аще будетъ вдова или от­пущена, плода же не будетъ ей, воз­вратит­ся въ домъ отца сво­его, по юности сво­ей, от­ хлѣбовъ отца сво­его да снѣстъ: всякъ же иноплемен­никъ да не снѣстъ от­ нихъ.
22:14 См.: 🔗Лев. 5:15	И человѣкъ, иже аще ястъ святая по невѣдѣнiю, и да при­­ложитъ пятую свою часть ко истому, и да дастъ сiе жерцу святое.
22:15	И да не осквернятъ святынь сыновъ Израилевыхъ, ихже они от­дѣляютъ Господу:
22:16 См.: 🔗Лев. 21:8	и да не наведутъ на себе беззаконiе преступленiя, внегда ясти имъ святыню ихъ, яко Азъ Господь освящаяй ихъ.
22:17	И рече Господь къ Моисею, глаголя:
22:18 См.: 🔗Пс. 49:14	глаголи Аарону и сыномъ его и всему сонму Израилеву и речеши къ нимъ: человѣкъ человѣкъ от­ сыновъ Израилевыхъ, или от­ при­­шлецъ при­­лежащихъ къ нимъ во Израили, иже аще при­­несетъ дары своя по всякому исповѣданiю сво­ему, или по всякому изволенiю сво­ему, елика аще при­­несутъ Господу на всесожженiе,
22:19	прiятны вамъ непорочны мужескъ полъ от­ стадъ воловъ, или от­ овецъ и от­ козъ:
22:20 См.: 🔗Втор. 15:21 🔗Сир. 35:11	всѣхъ, елика аще имутъ порокъ на себѣ, да не при­­несутъ Господу, понеже непрiятно будетъ вамъ.
22:21 См.: 🔗Лев. 7:16	И человѣкъ иже аще при­­несетъ жертву спасенiя Господу, от­лучивъ обѣтъ или по изволенiю, или въ праздники вашя, от­ стадъ воловъ или от­ овецъ, непорочно да будетъ въ прiятiе, всякъ порокъ да не будетъ на немъ:
22:22 См.: 🔗Мал. 1:8	слѣпо, или сокрушено, или языкъ урѣзанъ имущо, или червиво, или крастово, или лишаво, да не при­­несутъ тѣхъ Господу, и въ жертву не дадите от­ нихъ на олтарь Господеви:
22:23	и телца или овцу ухорѣзну, или безхвостну, въ заколенiе сотвориши я себѣ [по изволенiю], въ обѣтъ же твой да не прiимет­ся:
22:24	емуже суть ятра сокрушена, и емуже раздавлена, и изрѣзана, и исторжена, да не при­­несете сихъ Господу, и въ земли ва­шей да не сотворите.
22:25	И от­ руки иноплемен­ника да не при­­несете даровъ Богу ва­шему от­ всѣхъ сихъ, яко врежденiя суть на нихъ, порокъ на нихъ, не прiимут­ся сiя от­ васъ.
22:26	И рече Господь къ Моисею, глаголя:
22:27 См.: 🔗Исх. 22:30	телецъ, или овча, или козля, егда родит­ся, да будетъ седмь дній подъ матерiю сво­ею, въ день же осмый и далѣе при­­несет­ся въ даръ, при­­носъ Господу:
22:28 См.: 🔗Втор. 22:6	и телца и овчате вкупѣ съ матерiю да не заколете въ единъ день.
22:29 См.: 🔗Лев. 7:12	Аще же пожреши жертву обѣтъ радованiя Господеви, прiятно вамъ пожрите е:
22:30 См.: 🔗Лев. 7:15	сiя въ тойже день да снѣст­ся, да не оставите от­ мясъ на утрiе: Азъ есмь Господь.
22:31 См.: 🔗Лев. 18:30	И сохраните заповѣди Моя и сотворите я: Азъ Господь:
22:32 См.: 🔗Лев. 10:3 🔗Лев. 21:8	и не оскверните имене Святаго, и освящуся посредѣ сыновъ Израилевыхъ: Азъ Господь освящаяй васъ,
22:33 См.: 🔗Исх. 13:3	изведый вы изъ земли Египетскiя, яко быти вамъ въ Бога: Азъ Господь.