Книга Левит, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Лев. 1:3 🔗Лев. 7:11	Аще же жертва спасенiя даръ его Господу, аще убо от­ говядъ е при­­несетъ, аще мужескъ полъ или женскъ, непороченъ да при­­несетъ е предъ Господа:
3:2 См.: 🔗Исх. 29:16 🔗Лев. 1:5	и воз­ложитъ руцѣ сво­и на главу дара, и да заколетъ и предъ Господемъ у дверiй скинiи свидѣнiя: и да воз­лiютъ сынове Аарони жерцы кровь на олтарь всесожженiй окрестъ,
3:3 См.: 🔗Исх. 29:13	и да при­­несутъ от­ жертвы спасенiя при­­носъ Господу, тукъ покрывающiй утробу, и весь тукъ иже на утробѣ,
3:4 См.: 🔗Лев. 4:9	и обѣ почки, и тукъ иже на нихъ и иже на стегнахъ, и препонку, яже на печени, съ почками отъ­иметъ:
3:5 См.: 🔗Исх. 29:25 🔗Лев. 1:9 🔗Лев. 6:12	и да воз­несутъ я сынове Аарони жерцы на олтарь во всесожженiя на дрова сущая на огни, яже на олтари: при­­носъ воня благовонiя Господу.
3:6	Аще же от­ овецъ даръ его жертва спасенiя Господу, мужескъ полъ или женскъ, непороченъ да при­­несетъ е.
3:7	Аще агнца при­­несетъ даръ свой, да при­­ведетъ его предъ Господа,
3:8	и да воз­ложитъ руку на главу дара сво­его, и да заколетъ его у дверiй скинiи свидѣнiя: и да пролiютъ сынове Аарони жерцы кровь на олтарь окрестъ,
3:9 См.: 🔗Лев. 4:35	и да при­­несетъ от­ жертвы спасенiя при­­носъ Господу, тукъ и чресла чиста съ лядвiями да от­лучитъ и: и весь тукъ покрывающiй утробу, и весь тукъ иже на утробѣ,
3:10	и обѣ почки, и тукъ иже на нихъ, иже на стегнахъ: и препонку, яже на печени, съ почками отъ­емь,
3:11 См.: 🔗Лев. 3:16 🔗Иез. 44:7	да воз­несетъ жрецъ на олтарь: воня благо­уханiя, при­­носъ Господеви.
3:12	Аще же от­ козловъ даръ его Господу, да при­­несетъ предъ Господа:
3:13	и воз­ложитъ руцѣ на главу его, и да заколютъ е предъ Господемъ у дверiй скинiи свидѣнiя: и да пролiютъ сынове Аарони жерцы кровь на олтарь около:
3:14	и да воз­несетъ от­ него при­­носъ Господу, тукъ покрывающiй утробу, и весь тукъ иже на утробѣ,
3:15	и обѣ почки, и весь тукъ, иже на нихъ, иже на стегнахъ, и препонку, яже на печени, съ почками от­лучитъ:
3:16 См.: 🔗Исх. 29:13	и да воз­несетъ жрецъ на олтарь, при­­носъ воня благовонiя Господу: весь тукъ Господу.
3:17 См.: 🔗Быт. 9:4 🔗Лев. 7:23 🔗Втор. 12:16 🔗Деян. 15:20	Закон­ное въ вѣки въ роды вашя, во всякомъ обитанiи ва­шемъ: всякаго тука и всякiя крове да не ясте.