Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 7 | |
7:1 См.: 🔗Лев. 5:6 | И сей законъ овна иже о преступленiи: святая святыхъ суть: |
7:2 См.: 🔗Лев. 1:5 🔗Лев. 6:25 | на мѣстѣ, на немже закалаютъ всесожженiе, да заколютъ овна иже о преступленiи предъ Господемъ, и кровь да пролiютъ на стояла олтаря окрестъ: |
7:3 См.: 🔗Лев. 3:3 | и весь тукъ его да принесетъ от него, и чресла, и весь тукъ покрывающiй утробу, и весь тукъ иже на утробѣ, |
7:4 См.: 🔗Лев. 3:4 | и обѣ почки, и тукъ иже на нихъ, иже на стегнахъ, и препонку, яже на печени, съ почками да отъиметъ я: |
7:5 | и вознесетъ я жрецъ на олтарь, приносъ въ воню благовонiя Господу: о преступленiи [бо] есть: |
7:6 См.: 🔗Лев. 6:18 | всякъ мужескъ полъ от жрецъ да снѣстъ я, на мѣстѣ святѣ да снѣдятъ я: святая святыхъ суть: |
7:7 См.: 🔗Лев. 14:13 | якоже грѣха ради, тако и преступленiя ради, законъ единъ ихъ: жрецъ иже помолится о немъ, ему да будетъ: |
7:8 См.: 🔗Лев. 1:6 | и жрецъ приносяй всесожженiе человѣчо, кожа всесожженiя, еже приноситъ онъ, ему да будетъ: |
7:9 См.: 🔗Лев. 2:3 | и всяка жертва, яже сотворится въ пещи, и всяка, яже сотворится на огнищи, или на сковрадѣ, жерцу, иже приноситъ ю, тому да будетъ: |
7:10 | и всяка жертва спряжена съ елеемъ, и яже не спряжена, всѣмъ сыномъ Ааронимъ комуждо равно да будетъ. |
7:11 См.: 🔗Лев. 3:2 | Сей законъ жертвы спасенiя, юже принесутъ Господу: |
7:12 | аще убо похваленiя ради принесетъ ю, и принесетъ на жертву хваленiя хлѣбы от муки пшеничны пряжены въ елеи, и опрѣсноки помазаны елеемъ, и муку пшеничну смѣшену съ елеемъ: |
7:13 | съ хлѣбы квасными да принесетъ даръ свой на жертву хваленiя спасителнаго: |
7:14 | и да принесетъ единъ от всѣхъ даровъ своихъ участiе Господу: жерцу возливающему кровь жертвы спасенiя, тому да будетъ: |
7:15 | и мяса жертвы хваленiя спасителнаго тому да будутъ, и въ оньже день принесутся, да снѣдятся: да не оставятъ от него на утрiе: |
7:16 См.: 🔗Чис. 30:3 | и аще обѣтъ будетъ, или вольный пожретъ даръ свой, въ оньже аще день жертву свою принесетъ, да снѣстся, и на утрiе: |
7:17 См.: 🔗Лев. 19:6 | и оставшееся от мясъ жертвы до дне третiяго на огни да сожжется: |
7:18 | аще же ядый снѣстъ от мясъ въ день третiй, не прiимется приносящему ю, ниже вмѣнится ему: оскверненiе есть: душа же, яже аще снѣстъ от нихъ, грѣхъ прiиметъ: |
7:19 См.: 🔗1Цар. 20:26 | и мяса, яже аще прикоснутся всякому нечисту, да не снѣдятся, на огни да сожгутся: всякъ чистый да снѣстъ мяса: |
7:20 См.: 🔗Быт. 17:14 | душа же, яже аще снѣстъ от мясъ жертвы спасенiя, яже есть Господу, и нечистота его на немъ, погибнетъ душа она от людій своихъ: |
7:21 См.: 🔗Лев. 11:4 | и душа, яже аще прикоснется всякой вещи нечистѣй, или от нечистоты человѣчи или от четвероногихъ нечистыхъ, или всякой мерзости нечистѣй, и снѣстъ от мясъ жертвы спасенiя, яже есть Господня, погибнетъ душа та от людій своихъ. |
7:22 | И рече Господь къ Моисею, глаголя: |
7:23 См.: 🔗Лев. 3:17 | рцы сыномъ Израилевымъ, глаголя: всякаго тука говяжа и овча и козiя да не снѣсте: |
7:24 | и тукъ мертвечиненъ и звѣроядный да сотворится на всяко дѣло, въ яденiи же да не снѣстся: |
7:25 | всякъ ядый тукъ от скотовъ, от нихже принесетъ даръ Господу, погибнетъ душа та от людій своихъ: |
7:26 См.: 🔗Быт. 9:4 🔗Лев. 3:17 | всякiя крове да не снѣсте во всѣхъ селенiихъ вашихъ и от скотовъ и от птицъ: |
7:27 | всяка душа, яже аще снѣстъ кровь, погибнетъ душа та от людій своихъ. |
7:28 | И рече Господь къ Моисею, глаголя: |
7:29 | и сыномъ Израилевымъ речеши, глаголя: приносяй жертву спасенiя Господу да принесетъ даръ свой Господу, и от жертвы спасенiя: |
7:30 См.: 🔗Исх. 29:24 | руцѣ его да принесутъ приносъ Господу: тукъ иже на грудехъ, и препонку печени да принесетъ я, якоже возложити даръ предъ Господа: |
7:31 | и да вознесетъ жрецъ тукъ иже на грудехъ, на олтарь, и груди да будутъ Аарону и сыномъ его, |
7:32 См.: 🔗Исх. 30:15 | и рамо десное да дастся участiе жерцу от жертвъ спасенiя вашего: |
7:33 | приносящему кровь спасенiя и тукъ от сыновъ Аароновыхъ, тому да будетъ рамо десное во участiе: |
7:34 | грудь бо возложенiя и рамо участiя взяхъ от сыновъ Израилевыхъ от жертвъ спасенiя вашего, и дахъ я Аарону жерцу и сыномъ его, законно вѣчно от сыновъ Израилевыхъ. |
7:35 | Сiе помазанiе Аароне и помазанiе сыновъ его от приносовъ Господнихъ, въ оньже день приведе я жрети Господу: |
7:36 | якоже заповѣда Господь дати имъ, въ оньже день помаза я от сыновъ Израилевыхъ: законно вѣчно въ роды ихъ. |
7:37 См.: 🔗Лев. 16:6 🔗Лев. 27:34 | Сей законъ всесожженiй и жертвы, и о грѣсѣ и о преступленiи, и совершенiи и жертвѣ спасенiя: |
7:38 | якоже заповѣда Господь Моисею на горѣ Синайстѣй, въ оньже день заповѣда сыномъ Израилевымъ приносити дары своя предъ Господа, въ пустыни Синайстѣй. |