Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 8 | |
8:1 | И рече Господь къ Моисею, глаголя: |
8:2 См.: 🔗Исх. 28:1 🔗Лев. 9:18 | поими Аарона и сыны его, и ризы его, и елей помазанiя, и телца иже за грѣхъ, и два овна, и кошницу опрѣсноковъ, |
8:3 | и весь сонмъ собери предъ двери скинiи свидѣнiя. |
8:4 | И сотвори Моисей, якоже повелѣ ему Господь: и собра сонмъ предъ двери скинiи свидѣнiя. |
8:5 | И рече Моисей къ сонму: сiе есть слово, еже завѣща Господь сотворити. |
8:6 См.: 🔗Исх. 28:1 🔗Исх. 40:12 | И приведе Моисей Аарона и сыны его и измы я водою: |
8:7 | и облече его въ срачицу {Греч.: хитонъ.}, и опояса его поясомъ, и облече его въ исподнюю ризу {Греч.: иподитисъ и епендитисъ.}, и возвлече нань верхнюю ризу {Греч.: епомисъ, евр.: Ефудъ.}: |
8:8 | и опояса его по устроенiю Ефуда, и стисне его имъ: и возложи нань слово {Греч.: логіонъ.}, и возложи на слово явленiе и истину: |
8:9 | и возложи увясло {Греч.: митра.} на главу его, и возложи на увясло противъ лица его дщицу златую освященную святую, якоже повелѣ Господь Моисею. |
8:10 См.: 🔗Исх. 30:25 🔗Чис. 7:1 | И взя Моисей от елеа помазанiя, |
8:11 | и воскропи от него на олтарь седмижды, и помаза олтарь и освяти его и вся сосуды его, и умывалницу и стояло ея, и освяти я, и помаза скинiю и вся сосуды ея, и освяти ю, |
8:12 | и возлiя Моисей от елеа помазанiя на главу Аароню, и помаза его, и освяти его. |
8:13 | И приведе Моисей сыны Аарони, и облече я въ срачицы, и опояса я поясы, и возложи на ня клобуки {Въ греч.: кидарисъ.}, якоже повелѣ Господь Моисею. |
8:14 См.: 🔗Исх. 29:10 | И приведе Моисей телца иже за грѣхъ, и возложи Ааронъ и сынове его руки на главу телца иже за грѣхъ, |
8:15 См.: 🔗2Пар. 29:22 🔗Исх. 29:16 | и закла его. И взя Моисей от крове, и возложи на роги олтаря окрестъ перстомъ, и очисти олтарь: и кровь пролiя на стояло олтаря, и освяти его, еже молитися у него. |
8:16 См.: 🔗Лев. 3:4 | И взя Моисей весь тукъ иже на утробѣ, и препонку яже на печени, и обѣ почки, и тукъ иже на нихъ, и вознесе Моисей на олтарь: |
8:17 | телца же и кожу его, и мяса его и мотылы его, сожже я огнемъ внѣ полка, якоже повелѣ Господь Моисею. |
8:18 См.: 🔗Исх. 29:15 | И приведе Моисей овна иже во всесожженiе, и возложи Ааронъ и сынове его руки своя на главу овню. |
8:19 | И закла Моисей овна, и пролiя Моисей кровь на олтарь окрестъ: |
8:20 | овна же раздроби на уды его, и вознесе Моисей главу и уды и тукъ, и утробу и ноги измы водою: |
8:21 См.: 🔗Исх. 29:18 🔗Лев. 1:9 | и вознесе Моисей всего овна на олтарь: всесожженiе есть въ воню благовонiя: приносъ есть Господу, якоже заповѣда Господь Моисею. |
8:22 См.: 🔗Исх. 29:19 | И приведе Моисей овна втораго, овна совершенiя: и возложи Ааронъ и сынове его руки своя на главу овню, |
8:23 См.: 🔗Лев. 14:14 | и закла его: и взя Моисей от крове его, и возложи на край уха Аароня деснаго, и на край руки его десныя, и на край ноги его десныя. |
8:24 | И приведе Моисей сыны Аарони, и возложи Моисей от крове на край ушесъ ихъ десныхъ, и на край рукъ ихъ десныхъ, и на край ногъ ихъ десныхъ: и пролiя Моисей кровь на олтарь окрестъ: |
8:25 См.: 🔗Исх. 29:22 | и взя Моисей тукъ и чресла, и тукъ иже на утробѣ, и препонку печени, и обѣ почки, и тукъ иже на нихъ, и рамо десное, |
8:26 См.: 🔗Исх. 29:23 | и от кошницы совершенiя, яже есть предъ Господемъ, и взя хлѣбъ единъ прѣсный, и хлѣбъ елеенъ единъ, и опрѣснокъ единъ, и возложи на тукъ, и рамо десное: |
8:27 | и возложи вся на руцѣ Аарони и на руцѣ сыновъ его, и вознесе я участiе предъ Господа. |
8:28 См.: 🔗Лев. 1:9 | И взя Моисей от рукъ ихъ и вознесе я на олтарь на всесожженiе совершенiя, еже есть воня благоуханiя: приносъ есть Господу. |
8:29 См.: 🔗Исх. 29:24 🔗Лев. 7:33 | И вземъ Моисей грудь, отлучи ю возложенiе предъ Господемъ от овна совершенiя: и бысть Моисею въ часть, якоже заповѣда Господь Моисею. |
8:30 См.: 🔗Исх. 29:21 🔗Сир. 45:18 | И взя Моисей от елеа помазанiя и от крове яже на олтари, и воскропи на Аарона и на ризы его, и на сыны его и на ризы сыновъ его съ нимъ: и освяти Аарона и ризы его, и сыны его и ризы сыновъ его съ нимъ. |
8:31 | И рече Моисей Аарону и сыномъ его: сварите мяса во дворѣ скинiи свидѣнiя на мѣстѣ святѣ, и тамо да снѣсте я, и хлѣбы иже въ кошницѣ совершенiя, якоже заповѣдано бысть мнѣ глаголя: Ааронъ и сынове его да снѣдятъ я: |
8:32 | и останокъ мясъ и хлѣбовъ на огни да сожжете: |
8:33 | и изъ дверiй скинiи свидѣнiя да не изыдете седмь дній, дондеже день скончается, день совершенiя вашего: въ седмь бо дній совершитъ руки вашя: |
8:34 | якоже сотвори въ день сей, въ оньже заповѣда Господь сотворити, яко молитися о васъ: |
8:35 См.: 🔗Лев. 10:7 | и у дверiй скинiи свидѣнiя сѣдите седмь дній, день и нощь, и сохраните повелѣнiя Господня, да не умрете: тако бо заповѣда мнѣ Господь Богъ. |
8:36 | И сотвори Ааронъ и сынове его вся словеса, яже завѣща Господь Моисею. |