Книга Левит, глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1	И бысть въ день осмый, при­­зва Моисей Аарона и сыны его и старцы Израилевы,
9:2 См.: 🔗Исх. 29:1	и рече Моисей ко Аарону: воз­ми себѣ телца от­ говядъ грѣха ради и овна на всесожженiе, непорочны, и при­­неси я предъ Господа:
9:3 См.: 🔗Лев. 4:13 🔗Лев. 1:5	и старцемъ Израилевымъ речеши, глаголя: воз­мите козла от­ козъ единаго о грѣсѣ, и овна, и телца и агнца единолѣтна, въ при­­ношенiе, непорочны:
9:4	и телца от­ говядъ, и овна на жертву спасенiя предъ Господа, и муку пшеничну спряжену съ елеемъ: зане днесь Господь явит­ся въ васъ.
9:5	И взяша, якоже заповѣда Моисей предъ скинiею свидѣнiя: и прiиде весь сонмъ, и сташа предъ Господемъ.
9:6	И рече Моисей: сiе слово, еже рече Господь, сотворите, и явит­ся въ васъ слава Господня.
9:7 См.: 🔗Лев. 16:6 🔗Евр. 7:27	И рече Моисей Аарону: при­­ступи ко олтарю и сотвори еже грѣха ради тво­его, и всесожженiе твое, и помолися о себѣ и о домѣ тво­емъ: и сотвори дары людскія, и помолися о нихъ, якоже заповѣда Господь Моисею.
9:8	И при­­ступи Ааронъ ко олтарю, и закла телца, иже грѣха ради его.
9:9	И при­­несоша сынове Аарони кровь къ нему: и омочи перстъ свой въ кровь, и воз­ложи на роги олтаря, и кровь излiя у стояла олтаря:
9:10 См.: 🔗Исх. 29:22 🔗Лев. 3:10	и тукъ, и обѣ почки, и препонку печени, яже грѣха ради, воз­ложи на олтарь, якоже заповѣда Господь Моисею:
9:11 См.: 🔗Лев. 4:11	мяса же и кожу сожже на огни внѣ полка,
9:12	и закла всесожженiе. И при­­несоша сынове Аарони кровь къ нему: и пролiя на олтарь окрестъ.
9:13 См.: 🔗Лев. 1:6	И всесожженiе при­­несоша къ нему по удамъ: сiя и главу воз­ложи на олтарь,
9:14	и измы утробу и ноги водою, и воз­ложи во всесожженiе на олтарь.
9:15 См.: 🔗2Кор. 5:21	И при­­несе даръ людскій: и взя козла, иже грѣха ради людска, и закла его, и очисти его, якоже и перваго,
9:16	и при­­несе всесожженiе, и сотвори е, якоже достоитъ.
9:17 См.: 🔗Лев. 2:1 🔗Исх. 29:38 🔗Чис. 28:4	И при­­несе жертву, и наполни руцѣ от­ нея, и воз­ложи на олтарь кромѣ всесожженiя утрен­няго,
9:18	и закла телца и овна жертвы спасенiя людска. И при­­несоша сынове Аарони кровь къ нему: и пролiя на олтарь окрестъ.
9:19	И тукъ телчiй, и овняя чресла, и тукъ покрывающiй утробу, и обѣ почки, и тукъ иже на нихъ, и препонку печени:
9:20	и воз­ложи туки на груди, и воз­несе туки на олтарь:
9:21 См.: 🔗Исх. 29:24	и груди и рамо десное отъ­я Ааронъ участiе предъ Господемъ, якоже повелѣ Господь Моисею.
9:22 См.: 🔗Чис. 6:23 🔗Исх. 20:24	И воз­двигъ Ааронъ руцѣ къ людемъ, благослови я: и сниде сотворивъ при­­ношенiе грѣха ради, и всесожженiе, и яже о спасенiи.
9:23	И вниде Моисей и Ааронъ въ скинiю свидѣнiя, и изшедше благословиста вся люди. И явися слава Господня всѣмъ людемъ:
9:24 См.: 🔗2Мак. 2:10	и изыде огнь от­ Господа, и пояде яже на олтари, и всесожженiя и туки. И видѣша вси людiе, и ужасошася, и падоша на лице.