Евангелие от Луки, глава 3

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 3
3:1	В пятое же надесяте лето владычества Тивериа кесаря, обладающу Понтийскому Пилату Иудеею, и четвертовластвующу Галилеею Ироду, Филиппу же брату его четвертовластвующу Итуреею и Трахонитскою страною, и Лисанию Авилиниею четвертовластвующу,
3:2	при архиереи Анне и Каиафе, бысть глаголгол Божий ко Иоанну Захариину сыну в пустыни.
3:3 См.: 🔗Мф. 3:1 🔗Мк. 1:4	И прииде во всю страну Иорданскую, проповедая крещение покаяния во оставление грехов:
3:4 См.: 🔗Мф. 3:3 🔗Мк. 1:3 🔗Ин. 1:23	якоже есть писано в книзе словес Исаии пророка, глаголюща: глас вопиющаго в пустыни: уготовайте путь Господень: правы творите стези Его:
3:5	всяка дебрь исполнится, и всяка гора и холм смирится: и будут стропотная в правая, и острии в пути гладки:
3:6 См.: 🔗Ис. 40:3	и узрит всяка плоть спасение Божие.
3:7 См.: 🔗Мф. 3:7	Глаголаше же исходящым народом креститися от него: порождения ехиднова, кто сказа вам бежати от грядущаго гнева?
3:8 См.: 🔗Мф. 3:9 🔗Мф. 8:11 🔗Ин. 8:39	Сотворите убо плоды достойны покаяния: и не начинайте глаголати в себе: отца имамы Авраама: глаголю бо вам, яко может Бог от камения сего воздвигнути чада Аврааму.
3:9 См.: 🔗Мф. 3:10 🔗Мф. 7:19 🔗Ин. 15:6	Уже бо и секира при корени древа лежит: всяко убо древо не творящее плода добра посекается и во огнь вметается.
3:10	И вопрошаху его народи, глаголюще: что убо сотворим?
3:11 См.: 🔗Иак. 2:15 🔗1Ин. 3:17 🔗2Кор. 8:14	Отвещав же глагола им: имеяй две ризе, да подаст неимущему: и имеяй брашна, такожде да творит.
3:12 См.: 🔗Мф. 21:32	Приидоша же и мытари креститися от него и реша к нему: учителю, что сотворим?
3:13	Он же рече к ним: ничтоже более от повеленнаго вам творите.
3:14	Вопрошаху же его и воини, глаголюще: и мы что сотворим? И рече к ним: ни когоже обидите, ни оклеветавайте: и доволни будите оброки вашими.
3:15	Чающым же людем, и помышляющым всем в сердцах своих о Иоанне, еда той есть Христос,
3:16 См.: 🔗Мф. 3:11 🔗Мк. 1:7 🔗Ин. 1:15 🔗Деян. 1:5	отвещаваше Иоанн всем, глаголя: аз убо водою крещаю вы: грядет же Креплий мене, Емуже несмь достоин отрешити ремень сапогу Его: Той вы крестит Духом Святым и огнем:
3:17 См.: 🔗Мф. 3:12	Емуже лопата в руку Его, и отребит гумно Свое, и соберет пшеницу в житницу Свою, плевы же сожжет огнем негасающим.
3:18	Многа же убо и ина утешая благовествоваша людем.
3:19 См.: 🔗Мф. 14:3 🔗Мк. 6:17	Ирод же четвертовластник, обличаемь от него о Иродиаде жене брата своего, и о всех, яже сотвори злая Ирод,
3:20	приложи и сие над всеми, и затвори Иоанна в темнице.
3:21 См.: 🔗Мф. 3:16 🔗Мк. 1:10 🔗Ин. 1:32	Бысть же егда крестишася вси людие, и Иисусу крещашуся и молящуся, отверзеся небо,
3:22	и сниде Дух Святый телесным образом, яко голубь, Нань: и глас с небесе бысть, глаголя: Ты еси Сын Мой Возлюбленный, о Тебе благоволих.
3:23 См.: 🔗Мф. 13:55 🔗Мк. 6:3 🔗Лк. 4:22 🔗Ин. 6:42	И той бе Иисус яко лет тридесять начиная, сый, яко мнимь, Сын Иосифов, Илиев,
3:24	Матфатов, Левиин, Мелхиин, Ианнаев, Иосифов,
3:25	Маттафиев, Амосов, Наумов, Еслимов, Наггеов,
3:26	Маафов, Маттафиев, Семеиев, Иосифов, Иудин,
3:27	Иоаннанов, Рисаев, Зоровавелев, Салафиилев, Нириев,
3:28	Мелхиев, Аддиев, Косамов, Елмодамов, Иров,
3:29	Иосиев, Елиезеров, Иоримов, Матфатов, Левиин,
3:30	Симеонов, Иудин, Иосифов, Ионанов, Елиакимов,
3:31	Мелеаев, Маинанов, Маттафаев, Нафанов, Давидов,
3:32	Иессеов, Овидов, Воозов, Салмонов, Наассонов,
3:33	Аминадавов, Арамов, Есромов, Фаресов, Иудин,
3:34 См.: 🔗Быт. 11:24	Иаковль, Исааков, Авраамов, Фарин, Нахоров,
3:35 См.: 🔗Быт. 11:20	Серухов, Рагавов, Фалеков, Еверов, Саланов,
3:36 См.: 🔗Быт. 5:28 🔗Быт. 6:10 🔗Быт. 11:10	Каинанов, Арфаксадов, Симов, Ноев, Ламехов,
3:37 См.: 🔗Быт. 5:12	Мафусалев, Енохов, Иаредов, Малелеилов, Каинанов,
3:38 См.: 🔗Быт. 5:3	Еносов, Сифов, Адамов, Божий.