Книга пророка Михея, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Иер. 26:18	Слово Господне, еже бысть ко Михею морасѳитину, во дни Иоаѳама и Ахаза и езекіи царей Иудиныхъ, о нихже видѣ о самаріи и о Иерусалимѣ.
1:2 См.: 🔗Втор. 32:1 🔗Ис. 1:2	Слышите, людiе вси, словеса, и внемли, земле и вси иже на ней, и будетъ Господь Богъ въ васъ въ послуше­с­т­вованiе, Господь от­ дому святаго сво­его.
1:3 См.: 🔗Ис. 26:21	Понеже, се, Господь исходитъ от­ мѣста сво­его, и снидетъ и наступитъ на высоты земныя,
1:4 См.: 🔗Пс. 96:5	и поколеблют­ся горы подъ нимъ, и юдоли растаютъ яко воскъ от­ лица огня и яко вода сходящи со устремленiемъ.
1:5 См.: 🔗Иез. 20:29	Нечестiя ради Иаковля вся сiя и грѣха ради дому Израилева. Кое нечестiе дому Иаковлю? не самаріа ли? и кій грѣхъ дому Иудина? не Иерусалимъ ли?
1:6	И положу самарію во овощное хранилище селное и въ садъ винограда, и развергу въ пропасть каменiе ея, и основанiя ея от­крыю:
1:7 См.: 🔗Иез. 16:31 🔗Ос. 2:12	и вся изваян­ная ея сокрушатъ, и вся мзды ея запалятъ огнемъ, и вся кумiры ея положу въ пагубу: понеже от­ найма блуда собра и от­ найма блуженiя соврати.
1:8 См.: 🔗Иов. 30:29	Сего ради воз­рыдаетъ и восплачет­ся, пойдетъ боса и нага, сотворитъ плачь аки змиевъ и рыданiе аки дщерей Сиринскихъ:
1:9	яко одержа язва ея, понеже прiиде даже до Иуды и коснуся до вратъ людій мо­ихъ даже до Иерусалима.
1:10 См.: 🔗2Цар. 1:20 🔗Иер. 6:26	Иже въ геѳѣ, не величайтеся, и Иенакимляне, не сограждайте изъ дому на посмѣянiе, перстiю посыплите посмѣянiе ва­ше.
1:11	Обитающая добрѣ во градѣхъ сво­ихъ, не изыде живущая въ Сен­наарѣ, плачитеся дому [сущаго] близъ ея, прiиметъ от­ васъ язву болѣзней.
1:12 См.: 🔗Ис. 45:7 🔗Ам. 3:6	Кто нача во благая вселив­шейся въ болѣзнехъ, яко снидоша злая от­ Господа на врата Иерусалимля,
1:13 См.: 🔗4Цар. 14:19 🔗2Пар. 32:9 🔗Ис. 36:2	шумъ колесницъ и кон­никовъ: живущая въ лахисѣ началница грѣха та есть дщери Сiони, яко въ тебѣ обрѣтошася нечестiя Израилева.
1:14	Сего ради дастъ посылаемыя даже до наслѣдiя геѳова, домы суетны, вотще быша царемъ Израилевымъ,
1:15 См.: 🔗Нав. 15:35	дондеже наслѣдники при­­веду тебѣ, живущая въ лахисѣ, наслѣдiе даже до Одоллама прiидетъ, слава дщере Сiони.
1:16 См.: 🔗Ис. 22:12	Оброснися и остризися по чадѣхъ сво­ихъ младыхъ: разшири обросненiе твое яко орелъ, понеже плѣнени быша от­ тебе.